Avaita pämenü

Vikipedii β

Petroskoi

lidn Venämas


Petroskoi vai Zavod (ven.: Петрозаводск, karj. da suom.: Petroskoi) om lidn Venäman lodehpoles. Se om Karjalan Tazovaldkundan pälidn da kaikiš suremb lidn, mugažo Änižröunan (Änižrandan) rajonan administrativine keskuz. Venäman kudenz'kümnenz' seičemenz' lidn ristituiden lugun mödhe — 270 601 eläjad (2010). Petroskoi seižub Änižen randal.

Petroskoi
Петрозаводск (ven.)
Petroskoi (karj. da suom.)
 Lidnanznam
Coat of Arms of Petrozavodsk (Karelia).png
 Flag
Flag of Petrozavodsk (Karelia).png
Valdkund Venäma
Eläjiden lugu (2010) 263 540 ristitud
Pind 135 km²
Pämez' Galina Širšina (2 013-)
Telefonkod +7-8 142
Avtokod 10
Aigvö UTC+3 (MSK+0)

Petr Sur' pani Petroskoin lidnan alusen vodel 1703.

Petroskoi. XX voz'sadan fotokuva.

Südäiolend

IstoriiRedaktiruida

Lidnan istorii augotihe vl 1703, konz azegtegim om letud (möhemba — raud- da juraižimtegim). Petroskoin alusenpanijan oli car' Sur' Petr. Petroskoi sai lidnan statusad 1777-ndel vodel. 1782 vodel Petroskoi linni Olonecan gubernijan keskuseks. Ezmäižen gubernijan gubernatoran oli venälaine runokirjutai Gavriil Deržavin.

Suren Kodimaižen sodan (voinan) aigan suomalaine Karjalan armii anasti Karjalan pälidnan 1941 vodel. Lidnan nimi vajehtihe Äänislinnaks.

1944 vodel Rusked Armii anasti Petroskoin tagaze.

Nügüdläine lidnan pämez' om Galina Širšina. Hän om valitud vn 2013 sügüz'kun 8. päiväl.

GeografiiRedaktiruida

Mantedokoordinatad om 61 gradusad 47 minutad pohjošt levedut i 34 gradusad 36 minutad päivnouzmpolišt pidust.

Petroskoi seižub Änižen randal (Petroskoin laht). Petroskoiš om järvid (Änine, Logmozero /Logmär/), Četir'ohv'orstnoje, Lamb, Karjer) da jogid (Lososink, Neglink, Tomic, Studenec, Kamennii). Ümbri lidnas om äi mecoid da puištoid. Petroskoin pohjoižpalas om PetrVU:n botanine puišt da peizažine «Zaozerskii»-kel'dtaho. Kul'turan da Lebun puišt, Änižen traktortegimen puišt da NÜKP:n XXII suiman puišt sijadase Lososinkanno. Neglinkanno om Pionerižen organizacijan puišt.

Lidnan kaikiš korktemb čokkoim om Kukkaz (Kukkovk) (293 m).

 
Rahvahaline teatr.

EläjadRedaktiruida

2010 vodel Petroskoin eläjiden lugu oli 270 000. Petroskoi om 67-nz' lidn Venämas eläjiden lugun mödhe. Jäl'gmäižil vozil lidnan eläjiden lugu väheneb.

2002 voden Venäman rahvahanlugenmižen andmusiden mödhe, enamb 80% Petroskoin eläjid oma venälaižed, 5% — karjalaižed (20% Karjalan karjalaižid), 2,8% — suomalaižed, 2,7% — vaugedvenälaižed, 2,3% — ukrainalaižed da 1% — vepsläižed (Venäman vepsläižiden nelländez).

Kul'turRedaktiruida

OpenduzRedaktiruida

 
PetrVU. Päkorpus.

ÜläopenduzRedaktiruida

Petroskoiš om 3 korktad školad: Petroskoin valdkundaline universitet (PetrVU), Karjalaine valdkundaline pedagogine akademii (KVPA) da Petroskoin valdkundine konservatorii Glazunovan nimed.

KeskopenduzRedaktiruida

Petroskoiš om 40 openduzškolad (niiden keskes — 5 liceid da 3 gimnazijad). Lidnas om rahvahaline suomalaiž-ugrilaine škol, kus opetas suomen, karjalan da vepsän kelid. Täs om mugažo 67 päivkodid.

Mel'heižtahodRedaktiruida

 
Päraudtestancijan sauvuz Petroskoiš.
  • Änižen randird. Randirdal om äi mel'hetartujid avangardižid muštpachid.
  • Leninan torg (Kehker torg, 1775 voz').
  • Kul'turan da Lebun puišt (1703 voz').
  • Kafedraline Nevan Aleksandran päjumalanpert'.
  • Istorine fartal (Fedosovan ird, XIX da XX voz'sadad).
  • Leninan prospekt da Gagarinan torg:
    • «Pohjoine»-adivpert' (1939 voz').
    • Raudtestancijan sauvuz (1955 voz').
    • Üläopenikoiden pukujo da «Molekul»-fontan (1997 voz').
  • Marksan Karlan prospekt.

SebruzlidnadRedaktiruida

IrdkosketusedRedaktiruida