Avaita pämenü

Siktivkar (ven. i komi: Сыктывкар, venälaine virkand: [sɨktɨfˈkar], znamoičeb «Sisol-lidn», «lidn Sisol-jogen randal» komin kelel) om Venäman lidn valdkundan lodehes. Se om Komin Tazovaldkundan pälidn da kaikiš suremb lidn.

Siktivkar
Сыктывкар (ven. i komi)
 Lidnanznam
Coat of Arms of Syktyvkar (Komi) (2005).png
 Flag
Flag of Syktyvkar (Komia).png
Valdkund Venäma
Eläjiden lugu (2018) 245 083 ristitud
Pind 152 km²
Siktivkar Сыктывкар (ven. i komi)
Pämez' Valerii Kozlov
(keväz'ku 2 017—)
Telefonkod +7-8 212-xxx-xxx
Avtokod 11, 111
Aigvö UTC+3 (MSK+0)


Lidnan nevondkundan da administracijan pert' (ezimal).
«Siktivkar»-nimituz komin kirjamil.

Südäiolend

IstoriiRedaktiruida

Eländpunkt mainitase ezmäižen kerdan kuti Permevelisk vl 1570 Orteliusan atlasas. Vl 1586 jumalankodikundan tulendan Ust'-Sisol-keskuz jumalankodinke mainitase Jarenskan aigkirjas, lähižidenke nimitadud tanhidenke ühtes. Vl 1780 volost' sai lidnan statusad, nimitihe lidnad Ust'-Sisol'sk:aks (ven.: Усть-Сысольск). Vozil 1796-1918 oli Vologdan gubernijan makundan keskuseks.

Vl 1930 lidnad udesnimitihe nügüdläižikš VCIK:an käskön mödhe, anttihe nimi komin kelel lidnan 150-voččen jubilejan oiktastuseks. Vspäi 1936 (5. tal'vku) Siktivkar om vaiše sätud Komin Tazovaldkundan pälidnaks.

Geografijan andmusedRedaktiruida

Siktivkar seižub soiden da mecoiden keskes. Lidn sijadase tazovaldkundan suvipäivlaskmas, Sisolan (komi: Сыктыв / Сыктыл, ven.: Сысола) lanktendan sijas Vičegd-jogehe (huralpäi), Sisolan hural randal tobjimalaz i Vičegdan hural randal. Lidnan keskuz seižub 172 m korktusel valdmeren pindan päl. Matkad Moskvhasai om 1003 km suvipäivlaskmha orhal, 1331 km avtotedme (Kirovan kal't). Lähembaine lidn om Mikun' 96 km lodeheze raudtedme vai 108 km avtol.

Klimat om ven. Voden keskmäine lämuz om +1,3 C°. Voib panda halad heinkus eskai. Paneb sadegid 621 mm vodes, kezal niid om enamba (73..75 mm kus).

Siktivkaran Ežvan rajon om ičeze administracijanke, märitud röunanke. Toižed rajonad oma lidnanlaptoikš, ned oma oficialižetomad, märitud röunoid niil ei ole. Ližaks, 3 lidnanvuittušt žilod da 3 muite žilod mülüdas Siktivkaran lidnümbrikho.

EläjadRedaktiruida

Vl 1967 lidnan ristitišt oli 102 tuhad eläjid. Vl 2010 lidnan eläjiden lugu oli 235 006 ristitud, lidnümbrikos — 250 874 ristitud. Kaikiš suremb lidnan ristitišt om nügüd' (2018).

Rahvahad (lidnümbrik, vn 2010 Venäman rahvahanlugemižen mödhe[1], enamba 0,4%): venälaižed — 63,0%, komilaižed — 24,7%, ukrainalaižed — 2,6%, saksalaižed — 0,8%, vaugedvenälaižed — 0,8%, totarlaižed — 0,5%, azerbaidžanlaižed — 0,5%, čuvašalaižed — 0,4%, toižed rahvahad — 2,3%, rahvahuden ozutandata — 4,4%.

Ižanduz da transportRedaktiruida

Ižandusen päsarakod oma mecan ümbriradmine, cellüloz-bumagaine sarak, sauvondmaterialiden pästand, sömtegimišt.

Avtobusad, taksid da ehtatimed (kezal) oma kundaližeks transportaks lidnas. Raudte tuli lidnha vl 1961. Avtobusad da lendimed ühtenzoittas Siktivkarad makundoiden keskusidenke da federacijan lahižiden subjektoiden pälidnoidenke. Rahvahidenkeskeine civiline Siktivkar-lendimport (SCW / СЫВ) sijadase 2 km päivnouzmha lidnan keskusespäi. Sišpäi tehtas reisid Venämadme, Bakuhu, om čarterreisid Keskmeren lebutahoihe.

HomaičendadRedaktiruida

IrdkosketusedRedaktiruida