Avaita pämenü


Čerkessk (kar. da balk. i ven.: Черкесск, abaz.: Черкес къала, kab. da čerk.: Шэрджэс къалэ, nog.: Шеркеш шахар) om lidn da lidnümbrik Venäman suvipäivlaskmas. Se om Karačajan da Čerkesijan Tazovaldkundan pälidn.

Čerkessk
Черкесск (kar. da balk., ven.)
Черкес къала (abaz.)
Шэрджэс къалэ (kab. da čerk.)
Шеркеш шахар (nog.)
Lidnanznam
Coat of Arms of Cherkessk (Karachay-Cherkessia).png
Valdkund Venäma
Eläjiden lugu (2017) 122 478 ristitud
Pind 69,8 km²
Čerkessk Черкесск (kar. da balk., ven.) Черкес къала (abaz.) Шэрджэс къалэ (kab. da čerk.) Шеркеш шахар (nog.)
Pämez' Ruslan Tambijev (2 011—)
Telefonkod +7-8 782-xxx-xxx
Avtokod 09
Aigvö UTC+3 (MSK+0)

IstoriiRedaktiruida

Čerkesskan aluz om pandud vl 1825 kuti Batalpašinskai-stanic (ven.: станица Баталпашинская) ühtennimižen redutan sijas. Eländpunkt sai lidnan statusad vl 1931, om nimitadud nügüdläižikš vspäi 1939.

Geografijan andmusedRedaktiruida

Lidn sijadase tazovaldkundan pohjoižes. Se seižub Kuban'-jogen oiktal randal, 530 m ü.m.t. keskmäižel korktusel, Kavkazan ezimägištol. Korktused sadas 700 metrhasai. Kubanin vezivaradim om päivnouzmha lidnaspäi. Lähembaižed järedad lidnad sijadasoiš Stavropolin randas: Nevinnomissk 50 km lodeheze orhal i Jessentukad 50 km päivnouzmha orhal.

Čerkessk om lidnümbrikon üks'jäine eländpunkt.

Eläjad da transportRedaktiruida

Vn 2010 Venäman rahvahanlugemižen mödhe eläjiden lugu oli 129 069 ristitud, se om kaikiš suremb lugu kaikes aigas.

Rahvahad (enamba 1% vl 2010): venälaižed — 54,1%, karačailaižed — 16,2%, čerkesalaižed — 13,0%, abazilaižed — 8,1%, nogailaižed — 1,5%, armenijalaižed — 1,3%, toižed rahvahad — 4,6%, rahvahuden ozutandata — 1,2%.

Avtobusad, trolleibusad da taksid oma kundaližeks transportaks lidnas.

HomaičendadRedaktiruida


IrdkosketusedRedaktiruida