Gatčin

Gatčin
Гатчина
Lidnanznam;	Flag;
Valdkund	Venäma
Eläjiden lugu (2019)	93,710 ristitud
Pind	28,75 km²
Pämez'	Vitalii Filonenko; (sügüz'ku 2014—)
Telefonkod	+7−81 371-xx-xxx
Avtokod	47
Aigvö	UTC+3 (MSK+0)

Gatčin (ven.: Гатчина, suom.: Hatsina) om Venäman lidn da lidnankund Leningradan agjan keskusen suvipäivlaskmas, agjan (vn 2021 sulakun 5. päiväspäi) i Gatčinan rajonan administrativine keskuz (mülüb rajonha vspäi 2006). Se om Piterin suvine ezilidn, Leningradan agjan da Gatčinan rajonan kaikiš suremb lidn.

Lidnan kart (2007), Keskuzmikrorajon om ozutadud sandal'žel mujul

IstoriiRedigeeri

Eländpunkt mainitase ezmäižen kerdan kuti Hotčino-külä Uz'lidnan aigkirjas vl 1500. Vodel 1796 Gatčino-külä sai lidnan statusad.

Vl 1923 lidnad udesnimitihe Trock:aks, vn 1929 elokus — Krasnogvardeisk:aks. Vs 1927 elokun 1. päiväspäi lidn om ühtennimižen rajonan administrativižeks keskuseks. Vozil 1938−2006 Krasnogvardeisk/Gatčin oli alištunu agjan tobmudele oikti. Vs 1944 vilukun 23. päiväspäi lidn om olmas nügüdläiženke nimenke.

Lidnankund om olmas nügüdläižiš röunoiš vspäi 2006.

Geografijan andmusedRedigeeri

Lidn sijadase suvhe Piterišpäi, Gatčinan rajonan pohjoižes. Matkad Piterin röunhasai om 8 km pohjoižhe, Piterin keskushesai — 42 kilometrad pohjoižhe.

Gatčin seižub Lugan da Oredežan ülüdel 100 m ü.m.t. keskmäižel korktusel. Reljef om tazo, om madalid kukhid. Ižoranjogi (Nevan hura ližajogi) om lidnan pohjoižröunaks, sen ližajoged jokstas lidnan puištoidme. Viž pen't järved da kaks' sur't uitod om lidnas.

Lidn om lidnankundan üks'jäine eländpunkt. Gatčin-lidn jagase koumeks planiruindrajonaks, lidnankund — 11 valičemižümbrikoks.

TobmuzRedigeeri

Gatčin-lidnan tobmuden pert'.

Käskusenandai tobmuz om Ezitajiden Nevondkund (ven.: Совет депутатов) 33 ühtnijanke. Kaik rahvaz valičeb heid videks vodeks. Järgenduseližed valičendad sihe oliba vn 2019 8. päiväl sügüz'kud (nellänz' kucund).

Vitalii Filonenko radab sen ezimehen da lidnan pämehen vs 2014 sügüz'kun 25. päiväspäi.

EläjadRedigeeri

Vn 2010 Venäman rahvahanlugemižen mödhe eläjiden lugu oli 92 937 ristitud. Kaikiš suremb lidnan ristitišt oli 96 334 eläjad vl 2015.

Rahvahad (2010): venälaižed — 93,0%, ukrainalaižed — 2,0%, vaugedvenälaižed — 1,0%, toižed rahvahad — 4,0%.

Ortodoksižen hristanuskondan ph. Pauloin päjumalanpert', Pühän Jumalanmaman Katken päjumalanpert' i kümne jumalanpertid^[1] oma olmas lidnas. Mugažo lüteranižen hristanuskondan kaks' pühäpertid, katoližen pühäpertin pala da kaks' protestantoiden pühäpertid om Gatčinas.

IžanduzRedigeeri

Ižandusen päsarakod oma sauvond da sauvondmaterialoiden pästand, mašinoidensauvomine, ladimensauvomine laivoiden täht, sömtegimišt, pakuitesen pästand, meblän pästand, atomfizikan tedoinstitutad, turizm.

Gatčin om järed raudtesol'm, kaks' raudted läbitadas lidnad.

Om specialižen opendusen aluzkundoid lidnas:

keskopenduz — pedagogine kolledž^[2];
üläopenduz — Ekonomikan, rahaazjoiden, oiktusen da tehnologijoiden valdkundaline institut; Piterin irdekonomižiden kontaktoiden institutan filial.

GalereiRedigeeri

Suren Gatčinan pert'kulun ühthine nägu (2021)
Ph. Pauloi-apostolan päjumalanpert' vl 2012
Škol nomer kahesa
Kul'turkeskuz (2014)
Gatčin-Passažirskai-Baltijskai-päraudtestancii
Gatčin-Varšavskai-päraudtestancii
«Pilot»-torguimižbobuštuzkeskuz (2021)

HomaičendadRedigeeri

IrdkosketusedRedigeeri

Lidnankundan tobmuden aluzkundoiden oficialine sait (gatchina-meria.ru). (ven.)

Gatčin Vikiaitas

	Leningradan agjan lidnad
	Boksitogorsk \| Gatčin \| Ivangorod \| Kamennogorsk \| Kingisepp \| Kiriši \| Kirovsk \| Kommunar \| Kos'kenaluine \| Kudrovo \| Lug \| Lüban' \| Murino \| Nikol'skoje \| Otradnoje \| Pikalövo \| Primorsk \| Priozersk \| Pöud \| Sertolovo \| Slanci \| Sosnovii Bor \| Svetogorsk \| Säs'stroi \| Šlissel'burg \| Tihvin \| Tosno \| Uz' Ladog \| Viipur \| Visock \| Volhov \| Volosovo \| Vsevoložsk

	Venälaižen Federacijan subjektoiden pälidnad
	Abakan \| Alauz'lidn \| Anadir' \| Arhangel'sk \| Astrahan' \| Barnaul \| Belgorod \| Birobidžan \| Blagoveščensk \| Bränsk \| Čeboksarad \| Čeläbinsk \| Čerkessk \| Čit \| Elist \| Gatčin \| Gorno-Altaisk \| Groznii \| Habarovsk \| Hanti-Mansiisk \| Irkutsk \| Iževsk \| Ivanovo \| Jakutsk \| Jaroslavl' \| Jekaterinburg \| Joškar-Ol \| Kaliningrad \| Kalug \| Kazan' \| Kemerovo \| Kirov \| Kizil \| Kostrom \| Krasnodar \| Krasnojarsk \| Kurgan \| Kursk \| Lipeck \| Magadan \| Magas \| Mahačkal \| Maikop \| Moskv \| Murmansk \| Nal'čik \| Nar'jan Mar \| Novosibirsk \| Omsk \| Orel \| Orenburg \| Penz \| Perm' \| Petropavlovsk Kamčatkal \| Petroskoi \| Piter \| Pskov \| Rostov Donal \| Räzan' \| Salehard \| Samar \| Saransk \| Saratov \| Siktivkar \| Simferopol' (de fakto) \| Sevastopol' (de fakto) \| Smolensk \| Stavropol' \| Sur' Uz'lidn \| Suvisahalinsk \| Tambov \| Tomsk \| Tul \| Tver' \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[1] Gatčinan pühäpertid sobory.ru-saital. (ven.)

[2] Gatčinan pedagogižen kolledžan sait (college-gatchina.ru). (ven.)

[1]

[2]

Lidnanznam	Flag
Valdkund	Venäma
Eläjiden lugu (2019)	93,710 ristitud
Pind	28,75 km²

Pämez'	Vitalii Filonenko (sügüz'ku 2014—)
Telefonkod	+7−81 371-xx-xxx
Avtokod	47
Aigvö	UTC+3 (MSK+0)