Noibrandenburg

Noibrandenburg (saks.: Neubrandenburg [nɔʏˈbʁandn̩bʊʁk] «Uz' Brandenburg») om lidn Saksanman pohjoižpäivnouzmas, Meklenburg da Ezine Pomeranii-federacijanman suvipäivnouzmas.

Noibrandenburg
Neubrandenburg

Lidnanznam	Flag
Valdkund	Saksanma
Eläjiden lugu (2020)	63,372 ristitud
Pind	86,12 km²
Pämez'	Sil'vio Vitt (2015—, Silvio Witt, mandat 2022−2029)
Telefonkod	+49−395
Aigvö	tal'vel UTC+1, kezal UTC+2

Istorii

Brandenburgan Johann Ezmäine-graf pani eländpunktan alust vn 1248 4. päiväl vilukud. Noibrandenburg om tetab ičeze äiluguižil sauvusil Keskaigan savičgotikan stiliš.

Noibrandenburg šingotase avtosauvomižen kompanijoil (kirhuližen abun Fahrtec-avtod, avtonomižiden Webasto-lämbitimiden kompanijan palakund), mašinansauvomižel (Weber Maschinenbau — mašinad lihan ümbriradmižen täht, Spheros:an tegim — il'man kondicionersistemad, lämbituz i vezipompad, Spezialmaschinen und Werkzeugbau-kompanii), koll-keskusil, Deutsche Post-edheotandan logistižel keskusel (koume tuhad radnikoid), IT-edheotandoil (Computron GbR, Netik, Webbyte Systems, managementminds GmbH, GTA Geoinformatik GmbH).

Geografijan andmused

Lidn sijadase läz Tollense-järved (saks.: Tollensesee), 18 m ü.m.t. keskmäižel korktusel. Matkad Berlinhasai om 120 km suvhe avto- i raudtedme, Ščecinhasai (Pol'šanma) om 85 km päivnouzmha orhal. Noibrandenburg jagase kümneks lidnrajonaks.

Vl 2013 eläjiden lugu oli 63 437 ristitud. Kaikiš suremb ristitišt oli 90 471 eläjad vl 1988.

Irdkosketused

• Lidnan tobmuden sait (neubrandenburg.de). (saks.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.