Tver'

Tver' (ven.: Тверь) om lidn Venäman päivlaskmas. Se om Tverin agjan administrativine keskuz da kaikiš suremb lidn, mugažo Kalininan rajonan keskuseks (ei ole sen palaks).

Tver'
Тверь

Lidnanznam	Flag
Valdkund	Venäma
Eläjiden lugu (2018)	419,898 ristitud
Pind	152,22 km²
Pämez'	Aleksei Ogon'kov (sügüz'ku 2016—)
Telefonkod	+7-4822-xxx-xxx
Avtokod	69
Aigvö	UTC+3 (MSK+0)

Matkad Moskvan röunhasai om 134 kilometrad suvipäivnouzmha orhal, Piterin röunhasai — 484 km lodeheze.

Istorii

Lidnan aluz om pandud vl 1135. Vozil 1930−1991 sen nimi oli Kalinin.

Vozil 1247−1485 Tver' oli Suren Tverin ruhtinazkundan pälidnaks.

Geografijan andmused

Administrativižed rajonad:
1. Volgantagaine rajon
2. Moskvan rajon
3. Proletarskii rajon
4. Keskuzrajon

Lidn sijadase Volg-jogen molembil randoil T'mak- (ven.: Тьмака) i Tverc- (ven.: Тверца) jogiden lanktendoiden sijas, 124..174 m korktusil, istorižen keskusen korktuz om 146 m.

Klimat om ven kontinentaline. Paneb sadegid 654 mm vodes, enamba kezal (237 mm).

Tver' om lidnümbrikon üks'jäine eländpunkt, jagase 4 administrativižhe rajonha (vspäi 1976).

Eläjad

Vn 2010 Venäman rahvahanlugemižen mödhe eläjiden lugu oli 403 606 ristitud. Kaikiš suremb ristitišt oli 458 tuhad eläjid vl 1997.

Rahvahad (enamba 0,5% vl 2010, ozutadud rahvahudenke): venälaižed — 93%, ukrainalaižed — 1,5%, armenijalaižed — 0,8%, azerbaidžanlaižed — 0,8%, vaugedvenälaižed — 0,5%, totarlaižed — 0,5%; karjalaižed — 0,3% (1119 rist.).

Tetabad sündnuded

• Födor Hitruk (1917−2012) — oli evrejalaine mez', Nevondkundaližen Ühtištusen i Venäman mul'tfil'miden režissör, pirdai-mul'tiplikator.
• Il'ja Koval'čuk (sünd. 1983) — Venäman da Pohjoižamerikan hokkeist.
• Mihail Krug (Mihail Vorob'jov) (1962−2002) — oli venälaine mez', Venäman runokirjutai da bard.

Irdkosketused

• Lidnan Duman da Lidnan pämehen oficialine sait (tverduma.ru). (ven.)
• Lidnan Administracijan oficialine portal (tver.ru). (ven.) (angl.)