Arhangel'sk
Arhangel'sk (ven.: Арха́нгельск) om lidn, lidnümbrik da meriport Venäman lodehes. Se om Arhangel'skan agjan administrativine keskuz da kaikiš suremb lidn, «sodahoštusen lidn»-arvonke (vspäi 2009). Om agjan Mererandaližen rajonan administrativižeks keskuseks mugažo.
Lidnanznam
| |
| Valdkund | Venäma |
| Eläjiden lugu (2017) | 351,488 ristitud |
| Pind | 294,42 km² |
| |
| Pämez' | Dmitrii Morev (kül'mku 2020—) |
| Telefonkod | +7−8182-xxx-xxx |
| Avtokod | 29 |
| Aigvö | UTC+3 (MSK+0) |
IstoriiRedigeeri
Eländpunktan aluz om pandud vl 1584 lidnan statusanke Mihail Arhangelan jumalankodiš ümbri kuti Novoholmogori-lidnuz kaičemha jumalankodid da torguindkosketusid vihanikoid vaste. Panihe merivaldmoid-ki jogen vastrandal. Vspäi 1596 mainitase kuti Arhangel'skii-lidn, vl 1613 om nimitadud muga oficialižikš jumalankodin mödhe.
Geografijan andmusedRedigeeri
Lidn seižub Pohjoižen Dvinan jogensun hijamiden randoil, seičeme metrad ü.m.t. keskmäižel korktusel. Istorine keskuz sijadase 30..35 kilometras Vauktan meren Dvinan lahten randaspäi, lidnan röun — 15 kilometras merespäi. Lähembaižed lidnad oma Novodvinsk ühtes kilometras suvipäivnouzmha kaikil teil i Severodvinsk 35 km päivlaskmha avtotedme.
Klimat om ven meren. Heinkun keskmäine lämuz om +16,3 C°, vilukun lämuz — −12,8 C°. Voden keskmäine lämuz om +1,3 C°. Paneb sadegid 607 mm vodes, om penemb niid uhokus-sulakus (30 mm kus).
Arhangel'sk jagase ühesaks territorialižeks ümbrikoks. Viž žilod mülüdas lidnümbrikho Arhangel'skan ližaks, niiden keskes Talagin avialidnut (ven.: Талажский авиагородок, 3298 rist. vl 2010) i Mecjogi (ven.: Лесная речка, 2709 rist. vl 2010). Lidnümbrikon pind — 294,42 km².
EläjadRedigeeri
Vn 2010 Venäman rahvahanlugemižen mödhe lidnan eläjiden lugu oli 348 783 ristitud, lidnümbrikon — 355 781 ristitud[1]. Kaikiš suremb lidnan ristitišt oli vl 420 tuhad eläjid vl 1991, poleni sodalidnuziden i Novodvinskan erištundan tagut. Vl 2017 kaik 358 594 ristitud elihe lidnümbrikos.
Lidnümbrikon edeline pämez' om Igor' Godziš (tal'vku 2015 — kül'mku 2020).
Ižanduz da transportRedigeeri
Arhangel'skan ižandusen päsarakod oma sauvondmaterialiden tehmine (mecan pilind pumaterialha — severz'-se järedoid tegimid), sömtegimišt (kalan ümbriradmine, šoll'kombinat mecpilindan jändusil, leibänkombinat, maidtegim), mašiništonsauvomine mecan täht (Solombalan tegim — gidromanipulätorad, mecavtod) i laivoiden kohenduz.
Avtobusad, maršruttaksid da taksid oma kundaližeks transportaks lidnas, mugažo lämuzlaivad ühtenzoittas jogensaridenke kezal. Jogiport i meriport ratas lidnas. Kaks' soda- da civilišt lendimportad om lidnas: rahvahidenkeskeine Talagi (ARH / АХГ) kudes kilometras pohjoižpäivnouzmha lidnaspäi i pen' Vas'kovo (ULAH / ВСЬ) 19 km suvipäivlaskmha lidnan keskusespäi avtotedme sijaližiden reisiden täht.
GalereiRedigeeri
Lidnan ohjastusen sauvuz (2009) — Deputatoiden nevondkund i Administracii
Emäganpäivän jumalanpert' i kül'bendrand, vn 2010 nägu
Arhangel'skan lämuzelektrokeskuz vl 2009
Pur-Navolok-adivpert' vl 2013
Kuznečihan avtotesild vl 2011
«Arhangel'sk-Lidn»-päraudtestancijan sauvuz (2009)
.jpg)
Rahvahidenkeskeižed kosketusedRedigeeri
SebruzlidnadRedigeeri
Portlend, Men, AÜV, vl 1988 kül'mkun 18. päivälpäi[2]
Vardö, Norvegii, vl 1989 uhokun 23. päivälpäi
Slupsk, Pol'šanma, vl 1989 kezakun 26. päivälpäi
Emden, Alasaksonii, Germanii, vl 1989 kül'mkun 22. päivälpäi
Müluz, Francii, vl 1992 keväz'kun 13. päivälpäi
Oulu, Suomenma, vl 1993 kezakun 3. päivälpäi
Pirei, Grekanma, vl 1995 uhokun 28. päivälpäi
Kirun, Ročinma, vl 1999 elokun 9. päivälpäi- Jusdal', Ročinma, vl 2004 redukun 27. päivälpäi
Suhum, Abhazii, vl 2011 kezakun 6. päivälpäi[3]- Tromsö, Norvegii, vl 2011 heinkun 7. päivälpäi[4]
Ašdod, Izrail', vl 2012 kezakun 25. päivälpäi[5]
Sur'oigenduzkundad da konsulusedRedigeeri
- Norvegijan üläkonsuluz, Pomorskajan-ird, 16
HomaičendadRedigeeri
- ↑ Arhangel'skan agjan eländpunktoiden ristitišton lugu, 2010-nden voden rahvahanlugemižen satused. — Arhangelskstat.ru. (ven.)
- ↑ Arhangel'skan sebruzlidnad. — Lidnan administracijan sait (arhcity.ru). (ven.)
- ↑ Сухум и Архангельск стали городами-побратимами (Kätihe sebruzlidnoikš Suhumad i Arhangel'skad) // Abhazijan informacijan agentusen uzištused. 6. kezaku 2011. — Apsnypress.info. (ven.)
- ↑ Дружба, замешанная на треске и хлебе, — дружба на века (Segoitadud sebruz tröskal da leibäl om sebruz igäks) // Uzištused. 7. heinku 2011. — Arhangel'sk-lidnan administracijan oficialine sait (arhcity.ru). (ven.)
- ↑ Мэры Архангельска и израильского Ашдода подписали договор о сотрудничестве (Arhengel'skan i Ašdodan pämehed allekirjutiba kožundkirjutesid ühthižtöiš) // Uzištused. 25. kezaku 2012. — News.nordportal.ru. (ven.)
IrdkosketusedRedigeeri
| Arhangel'sk Vikiaitas |
| Arhangel'skan agjan lidnad | ||
| Arhangel'sk | Kargopol' | Koräžm | Kotlas | Mezen' | Mirnii | Nar'jan Mar | Novodvinsk | Nändom | Oneg | Severodvinsk | Sol'vičegodsk | Šenkursk | Vel'sk | ||
| Venälaižen Federacijan subjektoiden pälidnad | ||
| Abakan | Alauz'lidn | Anadir' | Arhangel'sk | Astrahan' | Barnaul | Belgorod | Birobidžan | Blagoveščensk | Bränsk | Čeboksarad | Čeläbinsk | Čerkessk | Čit | Elist | Gatčin | Gorno-Altaisk | Groznii | Habarovsk | Hanti-Mansiisk | Irkutsk | Iževsk | Ivanovo | Jakutsk | Jaroslavl' | Jekaterinburg | Joškar-Ol | Kaliningrad | Kalug | Kazan' | Kemerovo | Kirov | Kizil | Kostrom | Krasnodar | Krasnojarsk | Kurgan | Kursk | Lipeck | Magadan | Magas | Mahačkal | Maikop | Moskv | Murmansk | Nal'čik | Nar'jan Mar | Novosibirsk | Omsk | Orel | Orenburg | Penz | Perm' | Petropavlovsk Kamčatkal | Petroskoi | Piter | Pskov | Rostov Donal | Räzan' | Salehard | Samar | Saransk | Saratov | Siktivkar | Simferopol' (de fakto) | Sevastopol' (de fakto) | Smolensk | Stavropol' | Sur' Uz'lidn | Suvisahalinsk | Tambov | Tomsk | Tul | Tver' | Tümen' | Uf | Ulan Ude | Ul'janovsk | Vladikavkaz | Vladimir | Vladivostok | Volgograd | Vologd | Voronež | ||