Anadir'
Anadir' (ven.: Ана́дырь, čukč.: Кагыргын [kɑɣərˈɣən] «jogensu» vai Въэӈын «tulend», «su») om lidn, meriport da lidnümbrik Venäman pohjoižpäivnouzmas. Se om valdkundan kaikiš päivnouzmaižemb lidn, Čukotkan avtonomižen ümbrikon administrativine keskuz, mugažo Anadirin rajonan administrativižeks keskuseks (ei mülü sihe).
Lidnanznam
|
Flag
|
| Valdkund | Venäma |
| Eläjiden lugu (2022) | 15,079 ristitud |
| Pind | 20 km² |
| |
| Pämez' | Il'ja Davidenko (2014—) |
| Telefonkod | +7−42 722-xx-xxx |
| Avtokod | 87 |
| Aigvö | UTC+12 (MSK+9) |
Etimologii vajehta
Pojav Anadirsk-nimituz mainitase 17. voz'sadan kesken lidnusel, Onandir' — čukačuiden jogel, om parallelid jukagiran enu-en / anu-an / anu-on-sanantüvenke «jogi». Anadir'-jogen čukačun Йъаайваам-nimituz kändase «kajagiden jogi».
Istorii vajehta
Eländpunktan aluz om pandud vl 1889 elänzoitmaha tahondad Venälaižen imperijan ohjastusen käskön mödhe. Edel 1923. vot žilon nimi oli Novomariinsk. Vodel 1965 se sai lidnan statusad.
Anadir' šingotase kalanümbriradajal tegimel, meriportal, Anadirin LEK i tulleielektrostancii ratas. Sadas kuldad da kivihil't lidnan ümbrištos. Pertišton tobj pala om saudud vajil.
Geografijan andmused vajehta
Lidn sijadase ühtennimižen jogen oiktal randal, igähižen rougun zonas i röunmazonas. Jogi lankteb vilun Beringan meren Anadirin lahthe. Matkad Moskvhasai om 6192 km päivlaskmha orhal.
Klimat om subarktine meren. Voden keskmäine lämuz om –6,9 C°. Paneb sadegid 346 mm vodes, om penemb niid keväz'kus-semendkus (13..23 mm kus).
Tavaivaam-külä mülüb lidnümbrikho mugažo (488 rist. vl 2017).
Eläjad vajehta
Vn 2010 kaiken Venäman rahvahanlugemižen mödhe eläjiden lugu oli 13 045 ristitud. Kaikiš suremb lidnan ristitišt oli 17 094 eläjad vl 1989.
Ortodoksižen hristanuskondan kuz' pühäpertid[1] oma olmas lidnas: Pühän Eläban Eziauguižen Stroican kafedraline päjumalanpert' (om saudud vll 2003−2005), Spasan Tožetamižen jumalanpert' i nell' časounäd.
Čukotkan äiprofil'ne kolledž[2] om lidnan professionaližen opendusen aluzkundaks.
Transport vajehta
Harvad avtobusad oma kundaližeks transportaks lidnas da sen ümbrištos.
Lendimport sijadase 23 km lidnaspäi avtotedme Kivihil'varad-žilos, limanan vastrandal.
Galerei vajehta
-
Lidnan pertišton lähine nägu (2004)
-
Pühän Eläban Eziauguižen Stroican kafedraline päjumalanpert', vn 2013 nägu
-
Spasan Toižetamižen jumalanpert', vn 2004 nägu
-
Anadirin meriport vl 2011
-
Rul'titeginan ird Anadiriš (2004)
-
Lapsiden sädamižen pert'kulu (2004)
-
Ugol'nii-lendimport vl 2006
-
Jäte limanadme, 27. sulaku 2011
Tetabad sündnuded vajehta
- Vadim Dopkünas (sünd. 1940) — Vaugedvenäman teatranmez'.
Homaičendad vajehta
Irdkosketused vajehta
| Anadir' Vikiaitas |
| Čukotkan avtonomižen ümbrikon lidnad | ||
| Anadir' | Bilibino | Pevek | ||
| Venälaižen Federacijan subjektoiden pälidnad | ||
| Abakan | Alauz'lidn | Anadir' | Arhangel'sk | Astrahan' | Barnaul | Belgorod | Birobidžan | Blagoveščensk | Bränsk | Čeboksarad | Čeläbinsk | Čerkessk | Čit | Elist | Gatčin | Gorno-Altaisk | Groznii | Habarovsk | Hanti-Mansiisk | Irkutsk | Iževsk | Ivanovo | Jakutsk | Jaroslavl' | Jekaterinburg | Joškar-Ol | Kaliningrad | Kalug | Kazan' | Kemerovo | Kirov | Kizil | Kostrom | Krasnodar | Krasnogorsk | Krasnojarsk | Kurgan | Kursk | Lipeck | Magadan | Magas | Mahačkal | Maikop | Moskv | Murmansk | Nal'čik | Nar'jan Mar | Novosibirsk | Omsk | Orel | Orenburg | Penz | Perm' | Petropavlovsk Kamčatkal | Petroskoi | Piter | Pskov | Rostov Donal | Räzan' | Salehard | Samar | Saransk | Saratov | Siktivkar | Simferopol' (de fakto) | Sevastopol' (de fakto) | Smolensk | Stavropol' | Sur' Uz'lidn | Suvisahalinsk | Tambov | Tomsk | Tul | Tver' | Tümen' | Uf | Ulan Ude | Ul'janovsk | Vladikavkaz | Vladimir | Vladivostok | Volgograd | Vologd | Voronež | ||