Avaita pämenü


Uf (ven.: Уфа [ʊˈfa], bašk.: Өфө [ʏ̞ˈfʏ̞], tot.: Уфа) om millionerlidn Venämas. Se om Baškortostanan Tazovaldkundan pälidn da kaikiš suremb lidn, sädab Ufan lidnümbrikod, mugažo om Ufan rajonan administrativižeks keskuseks.

Uf
Уфа (ven.)
Өфө (bašk.)
 Lidnanznam
Coat of arms of Ufa.svg
 Flag
Flag of Ufa.svg
Valdkund Venäma
Eläjiden lugu (2018) 1 120 547 ristitud
Pind 707,93 km²
Uf Уфа (ven.) Өфө (bašk.)
Pämez' Ul'fat Mustafin
(kül'mku 2 018—)
Telefonkod +7-347-xxx-xxxx
Avtokod 02, 102
Aigvö UTC+5 (MSK+2)

Ufanlidn om Venäman järed transporttesol'm, kivivoin ümbriradmižen i himižen tegimišton keskuz, openduzkeskuz.

Südäiolend

IstotiiRedaktiruida

Nügüdläižen eländpunktan aluz om pandud vl 1574 kuti lidnuz (puine kreml'). Se sai lidnan statusad vl 1586.

Vspäi 1802 Uf oli Orenburgan gubernijan pälidnaks, sid' vozil 1865−1919 — Ufan gubernijan keskuseks.

Geografijan andmusedRedaktiruida

 
Ufan administrativižed rajonad:
1. Döman rajon
2. Kalininan rajon
3. Kirovan rajon
4. Leninan rajon
5. Oktäbr'skii rajon
6. Ordžonikidzen rajon
7. Nevondkundaline rajon

Lidn sijadase tazovaldkundan keskuses, ühtennimižen jogen muugotil randoil sen lanktendan sijas Vaugedjogehe (Volgan bassein), 150 metrad keskmäižel korktusel valdmeren pindan päl. Reljef om tazo jogialangištoidenke. Lidnan keskuz sijadase muga nimitadud «Ufan pol'sarel» Vauged- da Uf- jogiden keskes. Uf seižub mecstepin zonan pohjoižes. Kaik 20 karad om lidnan manaluižes. Matkad Moskvhasai om 1567 km raudtel päivlaskmha. Lähembaine toine järed lidn om Sterlitamak 100 kilometras suvhe.

Uf jagase seičemehe administrativižhe rajonha, sen ližaks 24 eländpunktad mülüdas lidnümbrikho.

EläjadRedaktiruida

Vl 1913 lidnan ristitišt oli 100 700 eläjad. Vn 2010 kaiken Venäman rahvahanlugemižen mödhe lidnan eläjiden lugu oli 1 062 319 ristitud, lidnümbrikon — 1 071 640 ristitud. Vl 2017 kaik 1 126 098 eläjad om lidnümbrikos, tazovaldkundan ristitišton kaks' seičemendest. Hristanuskondan 24, islaman 18 pühäpertid da iudaizman 1 pühäpert' oma olmas lidnas.

Rahvahad (enamba 1% vl 2010, ozutadud rahvahudenke): venälaižed — 48,9%, totarlaižed — 28,3%, baškiralaižed — 17,1%, ukrainalaižed — 1,2%, toižed rahvahad — 4,5%.

TransportRedaktiruida

Rahvahidenkeskeine civiline Uf-lendimport (UFA / УФА) sijadase 22 kilometras suvhe lidnan keskusespäi. Sišpäi tehtas reisid Evropan i Azijan maihe, Venämadme tobjimalaz, mugažo čarterreisid lebutahoihe.

Avtobusad, trolleibusad, tramvaid da taksid oma kundaližeks transportaks lidnas. Raudtesild da koume avtotesildad ühtenzoittas Vaugedjogen randoid. Jogitransport om šingotadud, kezaaigan om ehtatimid jogiš päliči.

19. voz'sadan lopus «SamarČeläbinsk»-raudte tuli lidnha. Ühesa raudtestancijad om Ufas.

Tetabad sündnudedRedaktiruida

  • Andrei Gubin (sünd. 1974) — Venäman estradan pajatai, muzikankirjutai, muzikprodüser.

IrdkosketusedRedaktiruida