Anus (lidn)
Anus-lidn vai Olonec / Olonc (ven.: Оло́нец, pagin. Олоне́ц, livv.: Anuksenlinnu, suom.: Aunus) om Venäman lidn da lidnankund Karjalan Tazovaldkundan suves. Se om Anusan rahvahaližen rajonan administrativine keskuz.
Lidnanznam |
Flag |
Valdkund | Venäma |
Eläjiden lugu (2019) | 8,070 ristitud |
Pind | 6 km² |
Telefonkod | +7−81 436-xx-xxx |
Avtokod | 10 |
Aigvö | UTC+3 (MSK+0) |
Istorii vajehta
Eländpunkt mainitase ezmäižen kerdan vn 1228 dokumentoiš, no alusenpanendan oficialine voz' om 1137. Vn 1617 Stolbovon kožundaktan mödhe Venäman valdkundröun mäni 40 kilometras Oloncan pagastaspäi. Vodele 1649 saudihe järedad lidnust i kätihe lidnaks, sirtihe raudan käziradajid da torguucoid Änižentaguižespäi i panihe sodavejan sijaks.
Petr I-carin aigan sätihe raudantegimid pohjoižhe lidnaspäi, no radnikoiden sirdand Piteran sauvomižele vei lidnad lanktushe. Oloncan lidnuz kadoti znamoičendad vn 1721 kožundaktan jäl'ghe i paloi lophu vl 1741 udessündutamata. Vll 1773 lidn tegihe Oloncan provincijan keskuseks, no vl 1784 kätihe vaiše makundan keskuseks. Panihe Petroskoid Oloncan gubernijan pälidnaks vl 1801.
Olonc šingotase sömtegimištol (maidkombinat, leibtegim).
Geografijan andmused vajehta
Lidn sijadase rajonan keskuzpalan suves, 20 m ü.m.t. keskmäižel korktusel. Matkad Petroskoihesai om 140 km pohjoižpäivnouzmha.
Kahesa küläd mülüdas lidnankundha Olonecan ližaks. Lidnankundan pind — 98,92 km².
Eläjad vajehta
Vn 2010 kaiken Venäman rahvahanlugemižen mödhe Oloncan eläjiden lugu oli 9 056 ristitud, rajonan kaks' videndest. Kaikiš suremb lidnan ristitišt oli 12 100 eläjad vl 1992. Kaik 10 253 ristitud elädas lidnankundas (2019).
Ortodoksižen hristanuskondan Jumalanmaman Smolenskan jumalaižen päjumalanpert'[1] (om saudud 1824−1830) i kaks' časounäd oma olmas lidnas.
Galerei vajehta
-
Rajonan käskuzkundan sauvuz (2018)
-
Jumalanmaman Smolenskan jumalaižen pühäpert' jogen Mariam-sarel, vn 2021 nägu
-
«Olonija»-adivpert' (2020)
-
Torguindkeskuz (2020)
-
Lidnan raudtestancii vl 2018
Homaičendad vajehta
Irdkosketused vajehta
- Lidnankundan lehtpoled Anusan rahvahaližen rajonan oficialižel olon-rayon.ru-saital. (ven.)
- Oloncan rahvahaližen muzejan sait (karj. «Anuksen kanzalline muzei», olon-mus.ru). (ven.)
Anus (lidn) Vikiaitas |
Karjalan Tazovaldkundan lidnad | ||
Anus-lidn | Belomorsk | Kem' | Kondopog | Kostamukš | Lahdenpohj | Medvežjegorsk | Petroskoi | Pit'krand | Pudož | Segež | Sojärv | Sortaval | ||