Avaita pämenü


Gorno-Altaisk (ven.: Горно-Алтайск, suvialt.: Туулу Алтай) om lidn da lidnümbrik Venäman suves. Se om Altajan Tazovaldkundan pälidn da üks'jäine lidn.

Gorno-Altaisk
Горно-Алтайск (ven.)
Туулу Алтай (suvialt.)
Lidnanznam
Coat of Arms of Gornoaltaysk (Altai Republic).png
Valdkund Venäma
Eläjiden lugu (2018) 63 214 ristitud
Pind 95,5 km²
Gorno-Altaisk Горно-Алтайск (ven.) Туулу Алтай (suvialt.)
Pämez' Jurii Nečaev
(sügüz'ku 2 017—)
Telefonkod +7-38 822-xx-xxx
Avtokod 04
Aigvö UTC+7 (MSK+4)

IstoriiRedaktiruida

Eländpunktan aluz om pandud vl 1824 kuti Ulal-külä (ven.: село Улала) — ortodoksižen hristanuskondan hengeline missii Altai-mägil. Vl 1928 se sai lidnan statusad. Vll 1932−1948 lidnan nimi oli Oirot-Tur (ven.: Ойрот-Тура).

Geografijan andmusedRedaktiruida

Lidn sijadase tazovaldkundan pohjoižröunanno, Altajan mägiden katl'uses, 270..305 m korktusil valdmeren pindan päl, Katun'-jogen oiktal randpolel (suvialt.: Кадын, Obin joginišk). Matkad Moskvhasai om 3641 km päivlaskmha orhal, Bijskhasai om 105 km avtotedme (lähembaine raudtestancii), Barnaulhasai om 258 km avtotedme.

Klimat om kontinentaline, lämuden teravad vajehtused oleldas. Paneb sadegid 731 mm vodes, enamba kezal (80..110 mm kus).

Gorno-Altaisk om lidnümbrikon üks'jäine eländpunkt.

EläjadRedaktiruida

Vn 2010 kaiken Venäman rahvahanlugemižen mödhe eläjiden lugu oli 56 933 ristitud. Kaikiš suremb ristitišt oli 63 295 eläjad vl 2017.

Kuz' pühäpertid om lidnas: ortodoksižen hristanuskondan koume pühäpertid, vanhan hristanuskondan pühäpert', islamanuskondan pühäpert' i medrese da buddizman pühäpert'.

Ižanduz da transportRedaktiruida

Ižandusen sarakod oma turizm i sauvondmaterialoiden pästand (raudbetontegesed).

Üks' üläopendusen aluzkund om lidnas, se om Gorno-Altaiskan valdkundaline universitet. Nell' specialižen keskopendusen aluzkundad om lidnas: agrarine kolledž (Gorno-Altaiskan universitetan palakund), pedagogine kolledž, kul'turan da čomamahton kolledž, medicinine škol.

Avtobusad da maršruttaksid oma kundaližeks transportaks lidnan südäimes i ümbrištos.

Tatanmaine ühtennimine lendimport (ГОР / RGK) sijadase 6 km päivlaskmha lidnan keskusespäi, Katun'-jogen oiktal randal. Sišpäi tehtas reisid Moskvhasai, kezaaigan — Krasnojarskha, Novosibirskha i Tümenihe.[1]

Tetabad sündnudedRedaktiruida

  • Viktor Horoševskii (1940−2012) — oli nevondkundaline i Venäman matematikantedomez'.
  • Ida Kalinina (1926−2015) — oli Nevondkundaližen Ühtištusen i Venäman plod- da marjkazmusiden selekcioner, enččen MTNA:n akademik.
  • Vitalii Slastönin (1930−2010) — oli pedagogikan tedomez'.

HomaičendadRedaktiruida

IrdkosketusedRedaktiruida