Sevastopol'

Sevastopol'
Севастополь (ven. i ukr.)
Акъяр (krim.-tat.)
Lidnanznam;	Flag;
Valdkund	Venäma - de fakto; Ukrain - de jure]]
Eläjiden lugu (2019)	443,211 ristitud
Pind	864 km²
Pämez'	Dmitrii Ovsännikov; (heinku 2016—)
Telefonkod	+7−869
Aigvö	UTC+3

Sevastopol' (ven.: Севасто́поль [sʲɪvɐˈstopəlʲ], ukr.: Севастополь [seʋɐˈstɔpolʲ], krim.-tat.: Акъяр / Aqyar [aqˈjar], grek.: Σεβαστούπολη Sevastoúpoli, ital.: Sebastopoli, turk.: Sivastopol) om lidn Kriman suvipäivlaskmas. Se om valdkundan alištusen lidn, ei mülü Kriman Tazovaldkundha, hot' om Krim-pol'saren südäimes.

Lidn om Kriman jädumatoi torguind- da kalaport, tedon, tegimišton, kul'turan, istorijan keskuz. Siš om äi adivpertid turistoiden täht. Sevastopolin ristitišt turizman sezonan aigan ližadub nell'hä-vidhe kerdha. Lidnan istorine keskuz (Hersonesan jändused) sijadase Sevastopolin karan suvirandal.

Istorii

Vl 1783 nügüdläižen lidnan aluz om pandud Venäman Jekaterina II Sur'-imperatornaižen käskön mödhe. Se om vägilidn da sodahoštusen lidn. Venäman Mustmeren laivišton sodameribazad sijadasoiš täs.

Geografijan andmused

Sevastopol' sijadase Kriman pol'saren Mustmeren randal, 50 m ü.m.t. keskmäižel korktusel. Matkad Simferopolihesai om 60 km pohjoižpäivnouzmha orhal vai 83 km avtotedme, Jalthasai om 52 km päivnouzmha orhal vai 80 km avtotedme.

Klimat om subtropine kuivahk, valdmeren nell'sezonižen klimatan röunal. Keza om päivoikaz lujas, tal'vaig om pil'vekaz. Voden keskmäine lämuz om +12,1 C°, kezakun-elokun +19,5..+22,4 C°, tal'vkun-keväz'kun +2,8..+5,4 C°. Ekstremumad oma −22,0 C° (tal'vku, uhoku) i +39,0 C° (eloku). Kezaaigan minimum om +6,7 C° (kezaku), tal'vaigan maksimum om +23,9 C° (uhoku). Ei voi panda halad semendkus-sügüz'kus (semendkun minimum om +0,6 C°). Paneb sadegid 379 mm vodes, enamba sügüz'kus (42 mm) i kül'mkus-tal'vkus (42..52 mm kus), vähemba semendkus (18 mm). Meriveden lämuz voib vajehtadas +0,2..+26,5 C° röunoiš, sen keskmäine lämuz om +6,5..+8,8 C° tal'vkus-keväz'kus, +19,9..+23,5 C° kezakus-sügüz'kus.

Tobmuz

Sevastopolin administrativine shematine kart:
1 — Gagarinan rajon
2 — Leninan rajon
3 — Nahimovan rajon
4 — Balaklavan rajon
5 — Inkerman-lidn (Balaklavan rajonan mülükundas)

Sevastopolin administracijan territorii jagase nelläks administrativižeks rajonaks. Gagarinan i Leninan rajonad mülütadas vaiše lidnfartaloid. Balaklavan da Nahimovan rajonad, päiči lidnfartaloiš, mülütadas mugažo üht lidnad (Inkerman), 28 küläd, üht lidnanvuittušt žilod (Kač) da enamba mi 30 pen't küläd.

Vn 2014 keväz'kun 17. päiväspäi Sevastopol'-lidnan Käskusenandai Suim om regionan käskusenandajaks tobmudeks. Se om tehtud Sevastopolin lindannevondkundan udesnimitandaks.

Sevastopolin gubernator om radonoigendajan tobmuden pämez', hänel oiktuz om tehtas Sevastopolin ohjastusen pämeheks. Lidnan Käskusenandai Suim paneb gubernatoran radsijha. Gubernatoran valdatusiden strok om viž vot, enamba mi kaht strokud jäl'geten ei sa.

Eläjad

Vl 2013 lidnan eläjiden lugu oli 344 479 ristitud^[1], vl 2014 — 393 304 ristitud, vspäi 2014 lidnan territorii om tazostadud kaikhe regionha. Kaikiš suremb lidnan-regionan ristitišt oli 416 tuhad eläjid vll 1993−1994 i om nügüd'.

Rahvahad (enamba 0,4 % vl 2014): venänikad — 77,1 %, ukrainalaižed — 13,4 %, vaugedvenälaižed — 1,0 %, krimantatarlaižed — 0,7 %, totarlaižed — 0,7 %, armenijalaižed — 0,4 %, toižed rahvahad — 1,8 %, rahvahuden ozutandata — 4,9 %.

Transport

Trolleibusad, avtobusad, maršruttaksid, venehlikutimed i ehtatim oma kundaližeks transportaks lidnas.

Rahvahidenkeskeižes Bel'bek-lendimportaspäi om kahesa kilometrad matkad lidnan pohjoižehesai (avtotedme), 25 km — lidnan suvehesai (merikaran ümbärtedme).

Sebruzlidnad

Venäma Belgorod, Belgorodan agj, Venälaine Federacii (16. tal'vku 2013)^[2]
Venäma Kronštadt, Piter-region, Venälaine Federacii (15. kezaku 2013)^[3]
Venäma Moskv, Venälaine Federacii (18. keväz'ku 2014)^[4]
Venäma Petropavlovsk Kamčatkal, Kamčatkan rand, Venälaine Federacii (2009)^[5]
Venäma Piter, Venälaine Federacii (2000)^[6]
Gruzii Poti, Gruzii (22. kül'mku 2008)^[7]
Venäma Volgograd, Volgogradan agj, Venälaine Federacii (19. kül'mku 2013)^[8]

Homaičendad

Irdkosketused

Sevastopolin regionan tobmuden portal (sev.gov.ru). (ven.)

Sevastopol' Vikiaitas

	Kriman lidnad
	Kriman Tazovaldkund	Alupk \| Alušt \| Armänsk \| Bahčisarai \| Belogorsk \| Džankoi \| Feodosii \| Jalt \| Jevpatorii \| Kerč \| Krasnoperekopsk \| Saki \| Simferopol' \| Sudak \| Ščelkino \| Vanh Krim
	Sevastopol'	Balaklav \| Inkerman \| Sevastopol'

	Venälaižen Federacijan subjektoiden pälidnad
	Abakan \| Alauz'lidn \| Anadir' \| Arhangel'sk \| Astrahan' \| Barnaul \| Belgorod \| Birobidžan \| Blagoveščensk \| Bränsk \| Čeboksarad \| Čeläbinsk \| Čerkessk \| Čit \| Elist \| Gatčin \| Gorno-Altaisk \| Groznii \| Habarovsk \| Hanti-Mansiisk \| Irkutsk \| Iževsk \| Ivanovo \| Jakutsk \| Jaroslavl' \| Jekaterinburg \| Joškar-Ol \| Kaliningrad \| Kalug \| Kazan' \| Kemerovo \| Kirov \| Kizil \| Kostrom \| Krasnodar \| Krasnogorsk \| Krasnojarsk \| Kurgan \| Kursk \| Lipeck \| Magadan \| Magas \| Mahačkal \| Maikop \| Moskv \| Murmansk \| Nal'čik \| Nar'jan Mar \| Novosibirsk \| Omsk \| Orel \| Orenburg \| Penz \| Perm' \| Petropavlovsk Kamčatkal \| Petroskoi \| Piter \| Pskov \| Rostov Donal \| Räzan' \| Salehard \| Samar \| Saransk \| Saratov \| Siktivkar \| Simferopol' (de fakto) \| Sevastopol' (de fakto) \| Smolensk \| Stavropol' \| Sur' Uz'lidn \| Suvisahalinsk \| Tambov \| Tomsk \| Tul \| Tver' \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[1] Ristitišton lugumär vn 2013 redukun 1. päivän. — Sevstat.sevinfo.com.ua.

[2] Belgorod da Sevastopol' kändihe sebruzlidnoikš. — Beladm.ru. (ven.)

[3] Uzištused. — Piterin administracijan oficialine sait (gov.spb.ru). (ven.)

[4] Vladivostok ei voind Moskvan kartte tehtas Sevastopolin sebruzlidnaks. — Primamedia.ru. (ven.)

[5] Sebruzlidnoiden mail'man päiv. — Petropavlovskan Kamčatkal lidnanümbrikon administracii (pkgo.ru). — 29. sulaku 2013. (ven.)

[6] Piterin ühthižtö verazmaižiden lidnoidenke da regionidenke. — Kvs.spb.ru. (ven.)

[7] Главацкий Олег. Севастополь и Поти стали побратимами //Крымское время. — 2008. — 26 ноября. (time4news.org-saital) (ven.)

[8] Sevastopol' da Volgograd kändihe sebruzlidnoikš. — Vlg-media.ru. (ven.)

[1]

[2]

[3]

[4]

[5]

[6]

[7]

[8]

Lidnanznam	Flag
Valdkund	Venäma - de fakto Ukrain - de jure]]
Eläjiden lugu (2019)	443,211 ristitud
Pind	864 km²

Pämez'	Dmitrii Ovsännikov (heinku 2016—)
Telefonkod	+7−869
Aigvö	UTC+3