Avaita pämenü

Kemerovo

lidn Venäman Kemerovon agjas

Kemerovo (ven.: Кемерово) om lidn da lidnümbrik Venäman Sibirin suves. Se om Kemerovon agjan administrativine keskuz da kaikiš suremb lidn ristitišton mödhe (Novokuzneck om kahtenz').

Kemerovo
Кемерово
 Lidnanznam
Kemerovo COA.svg
 Flag
Kemerovo-flag.png
Valdkund Venäma
Eläjiden lugu (2018) 558 973 ristitud
Pind 294,8 km²
Kemerovo Кемерово
Pämez' Il'ja Seredük
(reduku 2 016—)
Telefonkod +7-3 842-xxx-xxx
Avtokod 42, 142
Aigvö UTC+7 (MSK+4)


Kemerovon lidnrajonad:      Keskuzrajon      Leninan rajon      Zavodskii-rajon      Kirovan rajon      Rudničnii-rajon

IstoriiRedaktiruida

Ezmäižen kerdan Kemerovo-külä mainitase kirjutadud purtkiš vl 1721. Nügüdläižen eländpunktan aluz om pandud lidnaks vn 1918 9. päiväl semendkud Ščeglov-nimenke, sid' Ščeglovsk läz vspäi 1924, ühtištuihe Ščeglovo- i Kemerovo-žiloid. Udesnimitihe lidnad Kemerovo:ks vn 1932 27. päiväl keväz'kud. Vll 1925−1943 lidn oli rajonan keskuseks, vn 1943 26. vilukuspäi — uden agjan keskuz.

Geografijan andmusedRedaktiruida

Lidn sijadase agjan pohjoižes, seižub Tom'-jogen da sen Iskitimk-ližajogen molembil randoil, 140 m keskmäižel korktusel valdmeren pindan päl. Matkad Moskvhasai om 2997 km päivlaskmha orhal vai 3601 km avtotedme. Lähembaižed järedad lidnad oma Novokuzneck (218 km suvhe avtotedme), Novosibirsk (260 km päivlaskmha avtotedme) i Tomsk (218 km lodeheze avtotedme). Ezilidnad oma Berözovskii 2 km pohjoižpäivnouzmha i Topki 10 km päivlaskmha orhal Kemerovon röunaspäi.

Kemerovo jagase vidhe administrativižhe rajonha. Se om lidnümbrikon üks'jäine eländpunkt.

EläjadRedaktiruida

Vn 2010 Venäman rahvahanlugemižen mödhe eläjiden lugu oli 532 981 ristitud. Kaikiš suremb ristitišt om nügüd' (vl 2018), agjan videndez.

Rahvahad (enamba 0,5% vl 2010): venälaižed — 94,6%, totarlaižed — 1,3%, ukrainalaižed — 0,7%, armenijalaižed — 0,6%, saksalaižed — 0,5%, toižed rahvahad — 2,3%.

Ižanduz da transportRedaktiruida

Kivihilen samine, kivivoinhimižen produkcijan pästand da sömtegimišt harakterizuidas lidnad.

Kemerovo om olmas avtotesol'meks. Kaks' avtotesildad da üks' raudtesild ühtenzoittas Tomin randoid. Avtobusad, trolleibusad, tramvaid da taksid oma kundaližeks transportaks lidnas. Rahvahidenkeskeine civiline Aleksei Leonovan nimel nimitadud «Kemerovo»-lendimport (KEJ / КРВ) sijadase läz lidnad 3 kilometras sen suvipäivnouzmaižes rounaspäi. Sišpäi tehtas reisid Tailandha, Vjetnamha, mugažo Moskvha, Sočihe i Simferopolihe.

Tetabad ristitudRedaktiruida

Sündnuded
Elänuded
  • Aleksei Leonov (sünd. 1934) — venälaine mez', Nevondkundaližen Ühtištusen kosmonavt nomer 11, läksi kosmosan avarudehe ezmäižeks mail'mas.
  • Andrei Panin (1962−2013) — oli Venäman akt'or.

HomaičendadRedaktiruida


IrdkosketusedRedaktiruida