Avaita pämenü


Smolensk (ven.: Смоленск) om lidn da lidnümbrik Venäman i agjan päivlaskmas. Se om Smolenskan agjan administrativine keskuz da kaikiš suremb lidn, järed raudtesol'm, vägilidn vspäi 1985. Lidn om olmas Smolenskan rajonan administrativižen keskusen mugažo (ei mülü rajonha), om ümbärtud sen territorijal.

Smolensk
Смоленск
 Lidnanznam
Coat of Arms of Smolensk (Smolensk oblast) (2001).png
 Flag
Flag of Smolensk (Smolensk oblast).png
Valdkund Venäma
Eläjiden lugu (2018) 330 025 ristitud
Pind 166,35 km²
Smolensk Смоленск
Pämez' Vladimir Sovarenko
(tal'vku 2 016—)
Telefonkod +7-4 812-xxx-xxx
Avtokod 67
Aigvö UTC+3 (MSK+0)

IstoriiRedaktiruida

Vl 863 eländpunkt mainitase ezmäižen kerdan Ustügan aigkirjas kuti järed lidn — krivičuiden heimoiden keskuz. Vl 882 Oleg Endustai anasti lidnad da mülüti sidä Kijevan Venähä.

Vozil 1127−1387 Smolensk oli ühtennimižen ruhtinazkundan pälidnaks.

Smolensk šingotase transportižen mašiništonsauvomižen edheotandoil (SM-lendimed, agregatad jüguavtoiden täht), mašiništonsauvomižel (gazmäričimed, tömašinad ümbriradamha metallad painuden al), brill'jantoiden tehmižen järedal «Kristall»-kompanijal, elektrotehnikal pästandal, sömtegimišton sarakol (maid i sagud, leib i makaronad, liha- i kalaproduktad), mugažo trikotažanfabrik, laboratorižen mašiništon edheotand i painuzkombinat ratas.

Geografijan andmusedRedaktiruida

 
Smolenskan administrativižed rajonad vspäi 1979:
1. Dneprantagaine rajon
2. Leninan rajon
3. Tegimišton rajon

Lidn seižub Dnepranjogen üläjoksmusen muugotil kukhikahil randoil. Istorižen keskusen korktuz om 242 metrad, se sijadase Dnepran hural randal (suvipol'). Korktusiden erinend sase 90 metrhasai lidnan röunoiš. Matkad Moskvhasai om 378 kilometrad orhal suvipäivlaskmha, avtotedme — 410 km, Vaugedvenäman röunhasai — 65 km päivlaskmha. Lähembaižed järedad lidnad oma Vaugedvenämas: Mogilöv 150 km suvipäivlaskmha orhal, Orš 120 km päivlaskmha M1-avtotedme i Vitebsk 135 km lodeheze avtotedme.

Smolensk jagase 3 administrativižhe rajonha, käskusenandai tobmuz om ühthine. Lidn om lidnümbrikon üks'jäine eländpunkt.

EläjadRedaktiruida

Vn 2010 Venäman rahvahanlugemižen mödhe eläjiden lugu oli 326 861 ristitud. Kaikiš suremb ristitišt oli 356 tuhad eläjid vl 1997.

Uskojiden tulendad da kundad (kaik — 63): ortodoksine hristanuskond — 22 tulendad i kaks' jumalankodid, protestantizm — 23 kundad, judaizm — 9 kundad, induizm — 2 kundad, katoline — 1 tulend, lüteranine — 1 kund, vanhuskolaižed — 1 kund, buddizman keskuz i islamanuskojiden organizacii.

TransportRedaktiruida

Avtobusad, trolleibusad, tramvaid, maršruttaksid da taksid oma kundaližtransportaks lidnas. Koume sildad om Dnepras päliči i viž avtoted om ristikoičemha raudted erižil tazopindoil lidnan territorijal.

Ei ole civilišt lendimportad lidnas matknikoiden täht, lähembaine Venäman mugoine sijadase Bränskas 220 km suvipäivnouzmha. Vaiše sodalendimport (Smolensk-Pohjoine) da aeroport sportaviacijan täht (Smolensk-Suvine) oma olmas lidnan ümbrištos.

HomaičendadRedaktiruida


IrdkosketusedRedaktiruida