Koräžm (ven.: Коря́жма) om Venäman lidn da municipaline ühtnik (lidnümbrik) Arhangel'skan agjan suvipäivnouzmas.

Koräžm
Коряжма
 Lidnanznam
 Flag
Valdkund Venäma
Eläjiden lugu (2020) 35,714 ristitud
Pind 50,11 km²
Koräžm Коряжма
Pämez' Andrei Tkač
(keväz'ku 2016—)
Telefonkod +7−81 850-xx-xxx
Avtokod 29
Aigvö UTC+3 (MSK+0)

Istorii vajehta

Eländpunktan aluz om pandud vl 1535 kuti ph. Mikulain mez'jumalankodi. Jumalankodi om tühjitadud vodel 1917, no sen pühäpertid oma väges. Valdmad Koräžm-nimitusen nügüdläiženke formanke (ven.: Коряжма) mainitase vl 1909. Projektiruihe cellülozbumagašt tegint vspäi 1936, zavodihe sauda radnikžilod da tegint vl 1954, kävutihe türmatud mehid rados. Radnikžilo kombinatanke saiba lidnan statusad vl 1985, om lidnaks agjan alištusenke.

Koräžman ižandusen järed sarak om bumagan tehmine. Mugažo himine tegim i sauvondtrest oma olmas.

Geografijan andmused vajehta

Lidn sijadase Vičegd-jogen hural randal (Pohjoižen Dvinan oigedpol'ne bassein), 90 m ü.m.t. keskmäižel korktusel. Matkad Arhangel'skhasai om 635 km lodeheze. Lähembaižed lidnad oma Kotlas 30 km päivlaskmha i Sol'vičegodsk 12 km päivlaskmha.

Klimat om ven, Edahaižen Pohjoižen klimatha tazostadud. Voden keskmäine lämuz om +1,1 C°, kezakun-elokun +14,1..+16,7 C°, tal'vkun-uhokun −11,4..−15,2 C°. Paneb sadegid 562 mm vodes, enamba heinkus-elokus (69..73 mm kus), vähemba uhokus-keväz'kus (24 mm kus).

Tobmuz vajehta

Koräžm om lidnümbrikon üks'jäižeks eländpunktaks.

Edeližed lidnan pämehed oma Valerii Jelezov (2008 — keväz'ku 2016), Aleksandr Dementjev (2003−2008), Valerii Mal'čihin (1985−2003).

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 39 641 ristitud. Kaik 37 092 eläjad oli lidnas vl 2017. Kaikiš suremb lidnan ristitišt oli 42..44 tuhad eläjid vozil 1979−2009.

Rahvahad (enamba 0,4 % vl 2021): venälaižed — 93,3 %, toižed rahvahad — 1,5 %, rahvahuden ozutandata — 5,2 %.

Ortodoksižen hristanuskondan Koräžman ph. Mikulai-čudonsädajan jumalankodi[1] om avaitud lidnas, kaks' jumalanpertid i časoun' oma siš.

Koräžman industrialine tehnikum[2] da üläopendusen aluzkundoiden kaks' filialad anttas professionališt opendust.

Transport vajehta

Avtobusad oma kundaližeks transportaks lidnas, ned-žo ühtenzoittas Koräžmad lähembaižidenke järedoidenke lidnoidenke. Ajeltas kümne kilometrad Nizovk-raudtestancijhasai (om «Kotlas — Uht»-raudtekeskustal), raudtesarak radab lidnas vaiše jüguiden täht.

Lähembaine lendimport sijadase Kotlasas.

Galerei vajehta

Homaičendad vajehta

  1. Koräžman pühäpertid sobory.ru-saital. (ven.)
  2. Koräžman industrialižen tehnikuman sait (kor-it.ru). (ven.)

Irdkosketused vajehta



Arhangel'skan agjan lidnad
Arhangel'sk | Kargopol' | Koräžm | Kotlas | Mezen' | Mirnii | Nar'jan Mar | Novodvinsk | Nändom | Oneg | Severodvinsk | Sol'vičegodsk | Šenkursk | Vel'sk