Mirnii (Arhangel'skan agj)

Mirnii
Мирный
Lidnanznam;	Flag;
Valdkund	Venäma
Eläjiden lugu (2020)	32,894 ristitud
Pind	50,81 km²
Pämez'	Jurii Sergejev; (keväz'ku 2010—)
Telefonkod	+7−81 834-xx-xxx
Avtokod	29
Aigvö	UTC+3 (MSK+0)

Mirnii (ven.: Мирный [ˈmʲirnɨj]) om Venäman tedolidn Arhangel'skan agjan päivlaskmas. Se alištub Federacijan tobmudele kuti «Mirnii»-SATÜ:n keskuz i alištub Arhangel'skan agjan tobmudele kuti Mirnii-lidnümbrikon administrativine keskuz.

Sil sanal voib olda toižid znamoičendoid; miše nähta niid, tulgat tänna.

Istorii Redigeeri

Eländpunktan aluz om pandud vl 1957 kuti kontinentidenkeskeižiden raketoiden pästajiden sodalidnut saumovha kosmodromad. Nimitihe eländpunktad Leningrad-400, Leningrad-300 i Mirnii-12. Mirnii sai lidnan statusad vl 1966.

Mirnii šingotase kosmodroman holitusel, mašinansauvomižen tegimel, elektrotehnikan tedotehmižühtelmasel, sauvondan järedal kompanijal.

Geografijan andmused Redigeeri

Lidn sijadase 115 m ü.m.t. keskmäižel korktusel, om ümbärtud mecal. Kaidan Plesci-järven (ven.: Плесцы) randad sijadasoiš lidnan suvipäivlaskmas. Matkad Arhangel'skhasai om 195 km orhal i raudtedme vai 310 km avtotedme. Lähembaine lidn om Nändom 120 km suvhe orhal i raudtedme vai 250 km avtotedme. Lähembaine eländpunkt om lidnanvuitte Pleseck-žilo nelläs kilometras suvhe, ühtenzoitase avtotel da raudtel.

Vl 2004 sädihe Mirnii-lidnümbrikod, i lidn om üks'jäine elandpunkt siš. Lidnümbrikon pind om 1762 km².

Eläjad Redigeeri

Vn 2010 Venäman rahvahanlugemižen mödhe lidnan eläjiden lugu oli 30 280 ristitud. Vspäi 1996 kaikiš suremb ristitišt oli 32 245 eläjad vl 2016 i om nügüd'. Kaik 32 175 eläjad oli lidnas vl 2017.

Ortodoksižen hristanuskondan kahesa pühäpertid^[1] oma avaitud lidnas: viž jumalanpertid, pühäpert' kodiš i kaks' časounäd.

Mirnijan valdkundaline tegimištoliž-ekonomine tehnikum^[2] om lidnan professionaližen opendusen aluzkundaks.

Transport Redigeeri

Lidnalaine-raudtestancii (ven.: Городская) radab lidnas, ezilidnjonused ajeltas raudtedme kosmodroman erasihe sijihe kaikuččel päiväl.

Pleseck/Plesci-sodalendimport sijadase koumes kilometras suvipäivnouzmha, nimitihe sidä Pero:ks 1990-nzihe vozihesai.

Galerei Redigeeri

Lidnan administracijan sauvuz vl 2009
Memorial raketsodamehiden oiktastuseks vn 1980 töhöpästandan katastrofan muštoks
Pleseck-kosmodroman abusauvused (2005) lidnanno
Pleseck-kosmodrom vl 2015

Homaičendad Redigeeri

Irdkosketused Redigeeri

Municipaližen «Mirnii»-ühtnikan tobmuden aluzkundoiden oficialine sait (mirniy.ru). (ven.)

Mirnii (Arhangel'skan agj) Vikiaitas

	Arhangel'skan agjan lidnad
	Arhangel'sk \| Kargopol' \| Koräžm \| Kotlas \| Mezen' \| Mirnii \| Nar'jan Mar \| Novodvinsk \| Nändom \| Oneg \| Severodvinsk \| Sol'vičegodsk \| Šenkursk \| Vel'sk

[1] Mirnijan pühäpertid sobory.ru-saital. (ven.)

[2] Mirnijan tegimištoliž-ekonomižen tehnikuman sait (mgpet.ru). (ven.)

[1]

[2]

Lidnanznam	Flag
Valdkund	Venäma
Eläjiden lugu (2020)	32,894 ristitud
Pind	50,81 km²

Pämez'	Jurii Sergejev (keväz'ku 2010—)
Telefonkod	+7−81 834-xx-xxx
Avtokod	29
Aigvö	UTC+3 (MSK+0)