Oulu
Oulu (mugažo suomen kelel, roč.: Uleåborg) om Suomenman videnz' surtte lidn, Pohjoižpohjanma-provincijan pälidn.
Lidnanznam
|
Flag
|
| Valdkund | Suomenma |
| Eläjiden lugu (2018) | 203,623[1] ristitud |
| Pind | 3,817,52[2] km² |
| |
| Pämez' | Päivi Laajala (sulaku 2017—) |
| Telefonkod | +358−8 |
| Aigvö | tal'vel UTC+2, kezal UTC+3 |
Se om Pohjoižen Skandinavijan kaikiš suremb lidn, kaikiš amuižemb lidn Suomenman pohjoižes, järed tedokeskuz.
Istorii Redigeeri
Vl 1377 ezmäine eländpunkt mainitase nügüd'aigaižen lidnan territorijas, om kirjutadud Uz'lidnan aigkirjas kuti karjalaižiden lidnuz Ovl-jogen randal (ven.: новый городок на Овле-реце).
Nügüdläižen eländpunktan aluz om pandud vn 1605 8. päiväl sulakud kuti ročin lidnuz. Se sai lidnan statusad vl 1610.
Vl 1822 sur' lämoipalo oli tehnus lidnas.
Oulun ižandusen päsarakod oma sauvond, bumagan tegmine (Stora Enso), elektrotehnine sarak (Nokia), turizm (sidä kesken rahvahidenkeskeine turizm opendamha). «Toppila»-lämuzelektrostancii sijadase lidnan ühtennimižes rajonas, radab turbhal.
Geografijan andmused Redigeeri
Lidn sijadase valdkundan lodehes, Baltijan meren Botnižen lahten randal, ühtennimižen jogen lanktendan sijas. Matkad Hel'sinkihesai om 607 km suvhe avtotedme, 539 km orhal.
Klimat om subarktine Baltijan meren. Vilukun keskmäine lämuz om −9,6 C°, heinkun — +16,5 C°, vodenkeskeine +2,7 C°. Paneb sadegid 477 mm vodes, enamba kaiked — heinkus-elokus. Läz ei olele päipaštod tal'vel (8..28 časud kus).
Oulu jagase 23 kundha, ned alajagasoiš 106 lidnrajonha (ümbrikho).
Eläjad Redigeeri
Vl 1980 lidnan da sen ümbrišton eläjiden lugu oli 121 809 ristitud. Kaikiš suremb ristitišt om nügüd'. Lüteranižen hristanuskondan kaks' päjumalanpertid, seičeme jumalanpertid i kapell oma olmas lidnas.
Rahvahad (ezmäižen kodikelen mödhe, 2014): suomalaižed — 96,4%, ročilaižed — 0,2%, saamalaižed — 0,1%, toižed rahvahad — 3,3%.
Oulu-lidnan edeline pämez' oli Matti Pennanen (2006−2017).
Kaks' üläopendusen aluzkundad om lidnas: Oulun universitet i Oulun sättutoitud tedoiden universitet.
Transport Redigeeri
Avtobusad oma kundaližeks transportaks, avtod i velosipedad — personaližeks transportaks lidnan südäimes.
Nell' valdmad om saudud meriportas, ned oma erazvuiččen tipan jüguiden täht. Meriport om üks' kaikiš kävutadud Botnižen lahten randištol.
Raudte Hel'sinkišpäi tuli lidnha vl 1886. Nügüd' «Pendolino»-kiruhjonused ühtenzoittas lidnad Hel'sinkinke Jogensun kal't.
Rahvahidenkeskeine Oulu-lendimport (OUL) om kahtenz' surtte Suomenmas, se sijadase 15 km suvipäivlaskmha lidnan keskusespäi. Lendimportaspäi tehtas reisid Pohjoiževropan maihe, Suomenmadme i čarterreisid Evropan suvipäivlaskmaižihe lebutahoihe.
Homaičendad Redigeeri
- ↑ Lidnankundan ristitišt 31.12.2018-datal.
- ↑ Vl 2018 lidnankundan pind oli 3 817,52 km², sidä kesken kuivma 2 970,97 km², meri 766,96 km², sokaz ma 79,59 km². — Information about Oulu. — City of Oulu - Oulun kaupunki (ouka.fi). (angl.)
Irdkosketused Redigeeri
- Oulun lidnankundan oficialine sait (ouka.fi). (suom.) (angl.) (roč.)
| Oulu Vikiaitas |
| Suomenman agjad da niiden administrativižed keskused | ||
| Ahvenanma1 (Mariehamn) | Kainu (Kajani) | Kanta Häme (Hämenlidn) | Keskpohjanma (Kokkol) | Kesksuomenma (Jüväskülä) | Kümenlakso (Kouvol) | Laplandii (Rovanem') | Pirkanma (Tampereh) | Pohjanma (Vas) | Pohjoižkarjal (Jogensu) | Pohjoižpohjanma (Oulu) | Pohjoižsavo (Kuopio) | Päijät Häme (Laht) | Sadakund (Pori) | Suvikarjal (Lapenrand) | Suvipohjanma (Seinjogi) | Suvipäivlaskmaine Suomenma (Turku) | Suvisavo (Mikoi) | Udenma (Hel'sinki) | ||
| 1 Avtonomine agj. | ||