Konakovo

Konakovo
Конаково
Lidnanznam;	Flag;
Valdkund	Venäma
Eläjiden lugu (2020)	36,460 ristitud
Pind	39,03 km²
Pämez'	Aleksandr Dzübak; (reduku 2020—)
Telefonkod	+7−48 242-xx-xxx
Avtokod	69
Aigvö	UTC+3 (MSK+0)

Konakovo (ven.: Конако́во) om Venäman lidn Tverin agjan suvipäivnouzmas. Se om agjan kudenz' lidn eläjiden lugun mödhe, lidnankundan da Konakovon rajonan administrativine keskuz i üks'jäine lidn.

Istorii

Eländpunktan aluz om pandud kut Kuznecovo-külä vl 1806. Vspäi 1929 sen nimi om Konakovo Porfirii Konakov-revolücioneran kanzannimen mödhe. Vodele 1936 lähižen Korčevanlidnan eläjad (läz koumed tuhad) oliba sirtud Konakovoho Ivan'kovon vezivaradimen sauvondan tagut. Konakovo sai lidnan statusad vl 1937.

Konakovon ižandusen päsarakod oma sauvondmaterialiden tegimišt da sömtegimišt, mugažo fajanstegim^[1] i Konakovon GRES ratas lidnas.

Geografijan andmused

Lidn sijadase rajonan pohjoižpäivnouzmas, läz Donhovk-jogensud Volgan oiktal randal (Ivan'kovon vezivaradim), 124 m ü.m.t. keskmäižel korktusel. Matkad Tverihesai om 55 km lodeheze orhal vai 82 km avtotedme. Lähembaine lidn om Dubn (Moskvan agj) 25 km pohjoižpäivnouzmha orhal vai 32 km avtotedme.

Kaik viž pen't küläd da pen' Energetik-žilo mülüdas lidnankundha Konakovon ližaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 41 291 ristitud, lidnankundan — 42 094 ristitud, rajonan pol'. Kaikiš suremb lidnan ristitišt oli 44 600 eläjad vl 1998. Kaik 39 345 eläjad oli lidnas vl 2017.

Ortodoksižen hristanuskondan viž pühäpertid^[2] oma letud lidnas: nell' jumalanpertid i časoun'. Kaks' tošt jumalanpertid ei ole kaičenus. Baptizman loičendpert' om avaitud.

Konakovon kolledž^[3], energetine kolledž^[4] (MEI:n filial), mugažo Moskvan i Tverin üläopendusen aluzkundoiden nell' tošt filialad oma lidnan professionaližen opendusen aluzkundoikš.

Edeline lidnan pämez' (nevondkundan ezimez') om Valerii Maksimov (2006−2018). Nügüdläine Deputatoiden nevondkundan ezimez' om Aleksandr Dzübak vn 2020 redukuspäi. Lidnan Administracijan ezmäine varapämez' (mer) om Dmitrii Kolupanskii vn 2021 kezakuspäi.

Transport

Avtobusad da maršruttaksid oma kundaližeks transportaks lidnas. Konakovon GRES-raudtestancii om lopstancii «Klin — Konakovo»-jonol, om ezilidnelektrojonusid Moskvhasai. Jogivaldmad oma lidnas lebukateriden täht.

«Moskv — Piter»-avtote i raudte ristikoitas tahondad 20 km suvipäivlaskmha lidnaspäi.

Galerei

Kundoidenkeskeine kirjišt (2008)
Sportpert'kulu (2013)
Konakovon GRES vl 2013
Veziproblemoiden tedoinstitut (2004)
«Konakovo River Klab»-adivpertin pala (2013)

Homaičendad

↑ «Konakovon fajans»-kompanijan sait (faience.konakovo.org). (ven.)
↑ Konakovon pühäpertid sobory.ru-saital. (ven.)
↑ Konakovon kolledžan sait (koncol.ru). (ven.)
↑ MEI:n filialan Konakovos sait (energokolledge.ru). (ven.)

Irdkosketused

Lidnan tobmuden aluzkundoiden oficialine sait (konakovo.in). (ven.)

Konakovo Vikiaitas

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok

[1] «Konakovon fajans»-kompanijan sait (faience.konakovo.org). (ven.)

[2] Konakovon pühäpertid sobory.ru-saital. (ven.)

[3] Konakovon kolledžan sait (koncol.ru). (ven.)

[4] MEI:n filialan Konakovos sait (energokolledge.ru). (ven.)

[1]

[2]

[3]

[4]

Lidnanznam	Flag
Valdkund	Venäma
Eläjiden lugu (2020)	36,460 ristitud
Pind	39,03 km²

Pämez'	Aleksandr Dzübak (reduku 2020—)
Telefonkod	+7−48 242-xx-xxx
Avtokod	69
Aigvö	UTC+3 (MSK+0)