Avaita pämenü


Ostaškov (ven.: Осташков) om Venäman lidn Tverin agjan lodehes. Se om Municipaližen «Ostaškovan lidnümbrik»-ühtnikan (edel 2017-nden voden semendkud — rajonan) administrativine keskuz.

Ostaškov
Осташков
 Lidnanznam
Ostashkov COA.png
 Flag
Flag of Ostashkov (Tver oblast).png
Valdkund Venäma
Eläjiden lugu (2017) 16 318 ristitud
Pind 12,92 km²
Ostaškov Осташков
Pämez' Boris Kobzarev (2 015—)
Telefonkod +7-48 235-xx-xxx
Avtokod 69
Aigvö UTC+3 (MSK+0)

IstoriiRedaktiruida

Vanh sar'hine Kličen-röunlidnuz mainitase ezmäižen kerdan litvalaižen Ol'gerd-ruhtinasen kirjeižes vl 1371. Kaks' randališt Ostaškovan küläd mainitasoiš ezmäižen kerdan vl 1434. Ostaškov-eländpunkt sai oficiališt lidnan statusad vl 1770, i vodele 1775 kändihe makundan keskuseks. Suren sodan aigan ei ole okkupiruidud, no vozil 1941−1942 sijazihe frontpirdanno.

Ostaškovan ižandusen päsarakod oma sömtegimišt, sauvond da turizm, mugažo kaks' nahkoiden tegint da omblendfabrik oma olmas.

Geografijan andmusedRedaktiruida

Lidn sijadase Seliger-järven suvirandal da sen saril, seižub Valdai-ülüden keskuses, 210 m keskmäižel korktusel valdmeren pindan päl. Matkad Tverihesai om 190 km päivnouzmha. Lähembaižed lidnad oma Kuvšinovo 75 km päivnouzmha avtotedme i Andreapol' 92 km suvipäivlaskmha avtotedme. Ostaškov-raudtestancii sijadase «BologojeVelikije Luki»-jonol.

Klimat om ven. Voden keskmäine lämuz — +4,4 C°, kaikiš lämhemb om heinku (+18,2 C°), viluku i uhoku oma kaikiš vilumbad (−8 C°).

EläjadRedaktiruida

Vn 2010 Venäman rahvahanlugemižen mödhe lidnan eläjiden lugu oli 18 088 ristitud, rajonan (nüg. lidnümbrik) koume nelländest. Kaikiš suremb lidnan ristitišt oli 27 401 eläjad vl 1989.

Koume specialižen keskopendusen aluzkundad om lidnas: elektromehanine da veterinarine tehnikumad, finansiž-ekonomine kolledž.

IrdkosketusedRedaktiruida