Kimri
Kimri (ven.: Кимры) om Venäman lidn da lidnümbrik Tverin agjan suvipäivnouzmas. Se om agjan videnz' lidn eläjiden lugun mödhe, mugažo Kimrin rajonan administrativižeks keskuseks (ei mülü rajonha).
Lidnanznam
|
Flag
|
| Valdkund | Venäma |
| Eläjiden lugu (2020) | 43,216 ristitud |
| Pind | 44 km² |
| |
| Pämez' | Irina Balkovaja (viluku 2020—) |
| Telefonkod | +7−48 236-xx-xxx |
| Avtokod | 69 |
| Aigvö | UTC+3 (MSK+0) |
IstoriiRedigeeri
Eländpunkt mainitase ezmäižen kerdan Ivan Grazijan kirjeižes vl 1546 kuti Kimr-žilo (ven.: село Кимра). Se šingotihe kengiden (sapkoiden) tehmižel, pästtihe severz'-se millionid paroid vodes. Vl 1859 luja lämoipalo pani puišt pertištod mantazole, udessaudihe kahtes vodes. Vspäi 1902 raudte ühtenzoitab lidnad Moskvanke, Savölovo-stancii sijadase Volgan oiktal randal, om nimitadud enččen lähižen külän mödhe.
Kimri sai lidnan statusad vn 1917 kezakus. Läz sadad kivišt i puist torgovaništon pertid om kaičenus lidnas. Ižandusen päsarakod oma tömašintegimišt, sauvondmaterialiden tehmine (mecan ümbriradmine, bazal'tkuid), kebn tegimišt (3 keng'fabrikad i 2 trikotažfabrikad), turizm.
Geografijan andmusedRedigeeri
Lidn sijadase Volgan (Ugličun vezivaradim) molembil randoil i sen huran Kimark-ližajogen randoil (ven.: Кимрка (Кимарка), 32 km pitte), istorine keskuz — Volgan hural randal, 219 m ü.m.t. keskmäižel korktusel. Matkad Tverihesai om 87 km päivlaskmha orhal vai 101 km avtotedme. Lähembaižed lidnad oma Taldom (Moskvan agj) 20 km suvipäivnouzmha i Dubn (Moskvan agj) 10 km suvipäivlaskmha vai Volgan ülezjogen. Avtotesild ühtenzoitab Volgan randoid vspäi 1978.
Kimri om lidnümbrikon üks'jäine eländpunkt.
EläjadRedigeeri
Vn 2010 Venäman rahvahanlugemižen mödhe eläjiden lugu oli 49 628 ristitud. Kaikiš suremb ristitišt oli 58..61 tuhad vll 1973−2001 (61 800 rist. vl 1992).
Ortodoksižen hristanuskondan Spasan Toižetamižen päjumalanpert' i Sündun Voznesen'jan jumalanpert' oma kaičenus lidnas, mugažo baptizman pühäpert' om olmas.
GalereiRedigeeri
Sportkompleks «Sputnik»-stadionanno (2011)
Sündun Voznesenjan jumalanpert' (om saudud 1813−1829), vn 2014 nägu
Savölovon mašinansauvomižen tegim vl 2011
Draman i komedijan teatr (2021)
Savölovo-raudtestancijan sauvuz vl 2019
HomaičendadRedigeeri
IrdkosketusedRedigeeri
| Kimri Vikiaitas |
| Tverin agjan lidnad | ||
| Andreapol' | Belii | Bežeck | Bologoje | Kaläzin | Kašin | Kimri | Konakovo | Krasnii Holm | Kuvšinovo | Lihoslavl' | Nelidovo | Ostaškov | Päivlaskmpol'ne Dvin | Ržev | Staric | Zubcov | Toropec | Toržok | Tver' | Udoml' | Ves'jegonsk | Višnii Voločok | ||