Boksitogorsk

Boksitogorsk vai Boksit (ven.: Бокситогорск) om Venäman lidn da lidnankund Leningradan agjan suvipäivnouzmas. Se om Boksitogorskan rajonan administrativine keskuz (vspäi 1952).

Boksitogorsk
Бокситогорск

Flag
Valdkund	Venäma
Eläjiden lugu (2017)	15,406 ristitud
Pind	13 km²
Pämez'	Mihail Katüščenko (uhoku 2017—)
Telefonkod	+7−81 366-xx-xxx
Avtokod	47
Aigvö	UTC+3 (MSK+0)

Istorii

Eländpunktan aluz om pandud vl 1929 kuti Boksiti-külä läz boksitoiden da mouckiven löudmižsijid. Vl 1935 külä tegihe žiloks, nimitihe nügüdläižikš. Žilo sai lidnan statusad vl 1950.

Geografijan andmused

Lidnan tobj pala seižub Pärdoml'-jogen oiktal randal (Säs'-jogen bassein), 100 metrad valdmeren pindan päl keskmäižel korktusel. Matkad Piterihesai om 271 kilometrad orhal. Lähembaine lidn om Pikalövo 20 km pohjoižpäivnouzmha orhal vai 30 km avtotedme.

10 pen't küläd mülüdas lidnankundha Boksitogorskan ližaks. Lidnankundan pind — 213 km².

Tobmuz

Lidnankund jagase 5 valičemižümbrikho. Lidnan Ezitajiden Nevondkund mülütab 15 deputatad.

Lidnankundan pämehed:

• Nadežda Pikaleva vn 2014 19. päiväspäi sügüz'kud (läksi erindha ičetahtol);
• Mihail Katüščenko vn 2017 2. päiväspäi uhokud.

Eläjad

Vn 2010 Venäman rahvahanlugemižen mödhe 16 585 ristitud elädas lidnas, 16 716 — kaikes lidnankundas. Boksitogorskan rajonan ristitišton läz 30% elädas Boksitogorskas. Kaikiš suremb lidnan ristitišt oli vl 1979 — 23 212 eläjad.

Transport

Kundaline transport om avtobusad lidnan südäimes, ümbrištos da Piterihesai.

Lidnan Boksitad-raudtestancii om olmas vaiše jüguid vedamha. Lähembaine järed raudtestancii passažiroiden täht om Pikalövo I, se sijadase 27 kilometras pohjoižpäivnouzmpolehe avtotedme.

Irdkosketused

• Lidnankundan lehtpoled Boksitogorskan rajonan oficialižel saital (adm.boksitogorsk.ru). (ven.)