Murino
Murino (ven.: Му́рино, suom.: Muurila / Muurola) om lidn da lidnankund Leningradan agjan Vsevoložskan rajonas. Sijadase Piterin pohjoižpäivnouzmaiženno röunanno.
Lidnanznam
|
Flag
|
| Valdkund | Venäma |
| Eläjiden lugu (2023) | 104,611 ristitud |
| Pind | 13,36 km² |
| |
| Pämez' | Dmitrii Kuz'min (sügüz'ku 2020—) |
| Telefonkod | +7−81 370-xx-xxx |
| Avtokod | 47 |
| Aigvö | UTC+3 (MSK+0) |
Sil sanal voib olda toižid znamoičendoid; miše nähta niid, tulgat tänna.
Istorii Redigeeri
Eländpunkt om mainitadud ezmäižen kerdan vn 1676 Ingrijan kartal. Vll 1749−1917 Murino oli Voroncovad-kanzan usadibaks. Vspäi 1755 19. voz'sadan keskhesai vodkantegim radoi niiš maiš. Vspäi 1843 maorjusen tühjitusen eksperiment mäni küläs. Toižen mail'man sodan aigan ei olend sodategendoid žilon territorijal, no läžundkodi i sodalendimpöud radoiba. Medvežii Stan om lidnan istorine pala.
Vn 2019 15. päiväl sulakud Murino sai lidnan statusad Leningradan agjan käskusen mödhe.
Vl 2015 pertinsauvondkombinat radaškanzi Murinos. Kaks' suks'pautet oma saudud lidnanno 1990-nzil vozil. Betonantegim, sauvondmujuiden tegim, sodaazegišton da šlibakoiden «Poisk»-tedotehmižühtelmaz[1] («Ecmine») ratas lidnas.
Geografijan andmused Redigeeri
Lidn sijadase rajonan päivlaskmaiženno röunanno, Piterin Rengazavtotenno. Oht-jogi läbitab lidnad. Matkad Vsevoložsk-rajonkeskushesai om kümne kilometrad päivnouzmha orhal vai 23 km avtotedme.
Kaik om 34 irdad lidnas. Vspäi 2016 Murino jagase koumeks mikrorajonaks oficialižikš: Keskuzline, Päivlaskmaine i Päivnouzmaine. Lavriki-külä (850 rist. vl 2017) mülüb lidnankundha Murinon ližaks. Lidnankundan pind — 20,52 km².
Eläjad Redigeeri
Vn 2010 Venäman rahvahanlugemižen mödhe žilon eläjiden lugu oli 7 023 ristitud. Vl 2019 kaik 48 800 ristitud elihe lidnas i 49 664 ristitud kaikes lidnankundas. Kaikiš suremb lidnan ristitišt om nügüd'.
Ortodoksižen hristanuskondan nell' pühäpertid[2] oma saudud lidnas: kaks' jumalanpertid i kaks' časounäd.
Professionaližen opendusen aluzkundad ratas lähižes Piteriš, lähembaine om akušeroiden kolledž.
Lidnankundan pämez' om Deputatoiden nevondkundan ezimez'. Lidnan Administracijan pämez' om Aleksei Belov vn 2020 elokuspäi.
Transport Redigeeri
Murino om znamasine transportsol'm. Nened stancijad sijadasoiš lidnas:
Devätkino-metrostancii (vspäi 1979, edel 1991 nimitihe «Komsomol'skaja») metron «Pohjoine»-elektrodeponke. Nece om üks'jäine Piterin metropolitenan stancii, kudamb om olmas toižes federacijan subjektas — Leningradan agjas;- Devätkino-raudtestancii;
- lidnoidenkeskeine Severnii-avtostancii («Pohjoine») rahvahidenkeskeiženke statusanke.
Galerei Redigeeri
-
Murinon administracijan sauvuz (2013)
-
Pühän Jekaterinan jumalanpert' Murinos, vn 2009 nägu
-
Piterin metropolitenan Pohjoine-elektrodepo vl 2007
-
Devätkino-raudtestancijan 1. platform vl 2007
-
Severnii-avtobusstancii («Pohjoine») vl 2018
Homaičendad Redigeeri
Irdkosketused Redigeeri
| Murino Vikiaitas |
| Leningradan agjan lidnad | ||
| Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Koltuši | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk | ||