Svetogorsk (ven.: Светого́рск, vhesai 1948 Энсо, suom.: Enso tähäsai) om Venäman lidn Leningradan agjan lodehes, valdkundröunanno Suomenmanke. Svetogorsk mülüb Viipurin rajonha, sen kahtenz' surtte eländpunkt.

Svetogorsk
Светогорск
 Lidnanznam
Coat of Arms of Svetogorsk (Leningrad oblast).png
 Flag
Flag of Svetogorskoe urban settlement.png
Valdkund Venäma
Eläjiden lugu (2020) 15,242 ristitud
Pind 49,54 km²
Svetogorsk Светогорск
Pämez' Irina Ivanova
(sügüz'ku 2019—)
Telefonkod +7−81 378-xx-xxx
Avtokod 47
Aigvö UTC+3 (MSK+0)

IstoriiRedigeeri

Eländpunktan aluz om pandud vl 1887 kuti Enso-žilo ühtes cellülozbumagaižen tegimen sauvondanke (ezmäine sur' mugoine Suomenmas). Vl 1940 Tal'vsodan jäl'ghe NSTÜ anneksirui žilod, sikš miše tegim oli mel'hetartuine. Vspäi 1949 žilo sai lidnan statusad nügüdläiženke nimenke.

Vhesai 1917 se mülüi Venäman Viipurin gubernijha, vozil 1917−1940 mülüi Suomenman Viipurin agjan Jääski-makundha.

Svetogorskan ižandusen päsarakod oma cellülozbumagaine («International Paper»-kompanijan kombinat), turizm i sömtegimišt, mugažo Svetogorskan GES om saudud.

Geografijan andmusedRedigeeri

Lidn sijadase Karjalan kaglhan pohjoižpalas, Vuoks-jogen üläjoksmusen hural randal tobjimalaz, 44 m ü.m.t. keskmäižel korktusel. Matkad Piterihesai om 188 km suvipäivnouzmha. Matkad lidnan keskusespäi Suomenman lähembaižen Imatranlidnan keskushesai om 12 km lodeheze.

Koume eländpunktad mülüdas lidnankundha Svetogorskan ližaks: lidnanvuitte Lesogorskii-žilo (3242 rist. vl 2017), Pravdino-žilo (54 rist., 2010) i Losevo-külä (964 rist., 2010). Lidnankundan pind — 411,12 km².

EläjadRedigeeri

Vl 1959 eläjiden lugu oli 10 448 ristitud. Vn 2010 Venäman rahvahanlugemižen mödhe lidnan eläjiden lugu oli 15 981 ristitud, lidnankundan — 20 272 ristitud. Kaikiš suremb lidnan ristitišt oli vozil 15..16 tuhad eläjid 1989−2017 (16 tuh. rist. vl 2011). Vl 2017 kaik 15 721 ristitud elihe lidnas i 20 019 ristitud kaikes lidnankundas.

Ortodoksižen hristanuskondan Pühän Jumalanmaman Raštvoiden jumalanpert'[1] om avaitud lidnas vspäi 2015.

Svetogorsk-lidnan Politehnine kolledž[2] om sen üks'jäižeks specialižen profopendusen aluzkundaks.

Edeline lidnankundan pämez' (Deputatoiden Nevondkundan ezimez') om Raisa Generalova (2014 — sügüz'ku 2019). Lidnankundan Administracijan pämez' om Jevgenii Coi vn 2021 uhokuspäi.

TransportRedigeeri

Valdkundoidenkeskeine avtokontrol'punkt om rados vspäi 2002. «ViipurImatr»-avtotekeskust läbitab lidnad.

Avtobusad Piterihesai (Devätkino) oma kundaližeks transportaks. Ühtennimine Svetogorsk-raudtestancii radab vaiše jüguiden täht vspäi 2014, ühtenzoituz Suomenmanke om olmas.

GalereiRedigeeri

HomaičendadRedigeeri

  1. Svetogorskan pühäpertid sobory.ru-saital. (ven.)
  2. Svetogorsk-lidnan Politehnižen kolledžan sait (pl40.profiedu.ru). (ven.)

IrdkosketusedRedigeeri



Leningradan agjan lidnad
Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk