Nikol'skoje (lidn, Leningradan agj)


Nikol'skoje (ven.: Никольское, suom.: Lomkka) om Venäman lidn da lidnankund Leningradan agjan keskuzpalas. Mülüb Tosnon rajonha, sen kahtenz' surtte lidn.

Nikol'skoje
Никольское
 Lidnanznam
Coat of arms of Nikolskoe (Tosno).gif
 Flag
Flag of Nikolskoe (Leningrad oblast).png
Valdkund Venäma
Eläjiden lugu (2017) 21 888 ristitud
Pind 10 km²
Nikol'skoje Никольское
Pämez' Vera Jusina
(reduku 2 009—)
Telefonkod +7-81 361-xx-xxx
Avtokod 47
Aigvö UTC+3 (MSK+0)

IstoriiRedaktiruida

Eländpunktan aluz om pandud vl 1710 kuti manmehiden-kivinikoiden külä, sirdanikoiden Moskvan alpäi tobjimalaz. Nimitihe Nikolajevskoje- i Nikol'skoje-žiloks saudud vodele 1717 puižen jumalanpertin mödhe ph. Mikulai-čudonsädajan oiktastuseks. Vll 1801−1936 ühtennimine kivine jumalanpert' oli olmas. 19. voz'sadan lopus mainitase mugažo Plitnaja Lomk-nimenke (ven.: Плитная Ломка). Vspäi 1877 porhtegim om saudud. Žilo oli okkupiruidud Germanijan imperijan sodavägil Suren sodan aigan, küksihe nacistoid vn 1944 23. päiväl vilukud. Sodan jäl'ghe saudihe severz'-se tegimid, i kätihe žilod lidnanvuiččeks vl 1958. Vspäi 1963 oli alištunu Tosno-lidnan Nevondkundale. Vs 1990 elokun 15. päiväspäi Nikol'skoje om lidnan statusanke.

Lidn šingotase sauvondkompleksan edheotandoil (savič, keramine apakut, keramižed torved, keramzit[1]), himižel i mašiništonsauvomižel tegimil, porhtegimel i praznikambuškelusiden edheotandal.

Geografijan andmusedRedaktiruida

Lidn sijadase Tosn-jogen oiktal randal (ven.: Тосна, Nevan hura ližajogi), 30 m ü.m.t. keskmäižel korktusel. Piter-regionan röun om 2 km lodeheze, sen Kolpinon rajon. Toine lähembaine lidn om Otradnoje 3 km pohjoižhe, sen Ivanovskai-raudteplatformanke. Matkad Tosno-rajonkeskushesai om 19 km suvhe orhal vai 26 km avtotedme.

Koume küläd mülüdas lidnankundha Nikol'skojen ližaks. Lidnankundan pind — 14,44 km².

EläjadRedaktiruida

Vn 2010 Venäman rahvahanlugemižen mödhe lidnan eläjiden lugu oli 19 280 ristitud, lidnankundan — 20 089 ristitud, rajonan kudendez. Kaikiš suremb lidnan i lidnankundan ristitišt om nügüd'. Vl 2017 kaik 22 694 ristitud elihe lidnankundas. Ortodoksižen hristanuskondan kaks' jumalanpertid oma olmas lidnas: ph. Mikulai-čudonsädajan oiktastuseks i puine ph. Nikolai II-moknikan-carin muštho.

Rahvahad (2010): venälaižed — 93,7%, armenijalaižed — 1,2%, ukrainalaižed — 1,1%, toižed rahvahad — 4,0%.

Professionaližen opendusen aluzkundad sijadasoiš lähembaižiš lidnoiš.

HomaičendadRedaktiruida

  1. Nikol'skoje-lidnan keramzitan tegimen sait (zaokeramzit.ru). (ven.)

IrdkosketusedRedaktiruida



Leningradan agjan lidnad
Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk