Počinok (lidn)
Počinok (ven.: Почи́нок) om Venäman lidn da lidnankund Smolenskan agjan suvipalas. Se om Počinokan rajonan administrativine keskuz.
Valdkund | Venäma |
Eläjiden lugu (2021) | 7,575 ristitud |
Pind | 7 km² |
Pämez' | Irina Romanenkova (sügüz'ku 2020—) |
Telefonkod | +7−48 149-xx-xxx |
Avtokod | 67 |
Aigvö | UTC+3 (MSK+0) |
Istorii vajehta
Eländpunkt mainitaškanzihe vl 1811 kuti pen' külä. Šingotaškanzi raudtestancijal vspäi 1868 i torguindal tukuil (vill', mec, pölvaz). Vl 1926 sai lidnan statusad, vll 1929−1941 oli rajonan keskuseks. Toižen mail'man sodan aigan lidn oli okkupiruidud (17. heinku 1941 — 23. sügüz'ku 1943).
Počinok šingotase sauvondmaterialiden pästandal, sömtegimištol (voitegim, lihan ümbriradmižen edheotand, kombisötken tegim) i omblendfabrikal (galanterei).
Geografijan andmused vajehta
Lidn sijadase rajonan keskuzpalan päivlaskmas, Hmar-jogen oiktal randpolel (ven.: Хмара 82 km pitte, Dnepran hurapol'ne bassein), 205 m ü.m.t. keskmäižel korktusel. Matkad Smolenskhasai om 50 km lodeheze orhal, 55 km avtotel vai raudtel. Toižed lähembaižed lidnad oma Jel'n' 52 km päivnouzmha-pohjoižpäivnouzmha orhal, 56 km avtotedme vai 130 km raudtedme, Roslavl' 58 km suvhe-suvipäivnouzmha orhal, 65 km avtotedme vai raudtedme, i Mstislavl' (Vaugedvenäma) 63 km suvipäivlaskmha orhal vai 72 km avtotedme.
Počinok-raudtestancii radab lidnan keskuses «Smolensk — Roslavl'»-keskustal. «Smolensk — Bränsk»-avtote mäneb koumes kilometras päivlaskmha lidnaspäi, ühtenzoitase lidnanke kahtel sarakol.
Tobmuz vajehta
Počinok om lidnankundan üks'jäižeks eländpunktaks.
Lidnankundan pämez' om sen nevondkundan ezimez'. Edeline lidnan pämez' om Svetlana Petrovskaja (sügüz'ku 2015 — sügüz'ku 2020). Lidnan Administracii om likvidiruidud vn 2013 vilukus, rajonan administracii tegeb sen velgusidme.
Eläjad vajehta
Vl 1939 lidnan ristitišt oli 3 182 eläjad. Vn 2010 Venäman rahvahanlugemižen mödhe lidnan eläjiden lugu oli 9 000 ristituid, rajonan koume kümnendest. Kaik 8 688 eläjad oli lidnas vl 2017. Kaikiš suremb lidnan ristitišt oli 10..11 tuhad eläjid vll 1979−2001 (11 100 rist. vl 1996).
Ortodoksižen hristanuskondan Jumalanmaman Blagoveššenjan jumalanpert'[1] om saudud lidnas vll 1990−1999. Baptizman loičendpert' om avaitud mugažo.
Kozlovkan äiprofil'ne agrarine kolledž (Roslavlin rajonan Kozlovk-külä), sen Počinokan profopenduzkeskuz[2] (edel vn 2015 redukud Počinokan industrialiž-tehnologine tehnikum[3]) om lidnan professionaližen opendusen aluzkundaks.
Galerei vajehta
-
Kodirandantedištandmuzei (2021)
-
Jumalanmaman Blagoveššenjan jumalanpert', vn 2021 nägu
-
ZAGS:an sauvuz vl 2021
-
Kul'turkeskuz (2021)
-
Počinok-raudtestancii vl 2021
Homaičendad vajehta
Irdkosketused vajehta
- Lidnankundan Ezitajiden nevondkundan oficialine sait (sovet-pochgrad.admin-smolensk.ru). (ven.)
- Rajonan tobmuden aluzkundoiden oficialine sait (pochinok.admin-smolensk.ru). (ven.)
Smolenskan agjan lidnad | ||
Demidov | Desnogorsk | Dorogobuž | Duhovščin | Gagarin | Jarcevo | Jel'n' | Počinok | Roslavl' | Rudn' | Safonovo | Sičovk | Smolensk | Veliž | Väz'm | ||