Džankoi

Džankoi (ven. i ukr.: Джанкой; krim.-tat.: Джанкой / Canköy, libub necen kelen джанъы кой-sanoišpäi «uz' külä») om lidn da lidnümbrik Kriman pohjoižes. Lidn om ümbärtud Džankoin rajonal, sen administrativižeks keskuseks (vspäi 1923) i ei mülü sihe.

Džankoi
Джанкой (ven. i ukr.)
Джанкой / Canköy (krim.-tat.)

Lidnanznam
Valdkund	Venäma - de fakto Ukrain - de jure]]
Eläjiden lugu (2018)	38,669 ristitud
Pind	26 km²
Pämez'	Sergei Dorošenko (kül'mku 2016—)
Telefonkod	+7−36 564-xx-xxx. ende +380−6564
Aigvö	UTC+3

Istorii

Eländpunkt mainitase ezmäižen kerdan krimantatarlaižiden küläks vl 1855. Vll 1860−1865 krimantatarlaižed oliba deportiruidud Osmanan imperijan territorijha. Vl 1874 raudte läbiti küläd, vspäi 1892 Džankoi om raudtesol'meks. Sai lidnan statusad vn 1917 3. päiväl kezakud. Toižen mail'man sodan aigan lidn oli okkupiruidud nacistižen Germanijan sodavägil (31. reduku 1941 — 11. sulaku 1944).

Džankoi šingotase mašinansauvomižen tegimel, raudbetonan pästandal, sömtegimištol (villän i voikul'turoiden elevator, lihakombinat, leibänkombinat, maidtegim, konditerine fabrik), kombisömän tegimel.

Geografijan andmused

Lidn sijadase Pohjoižkriman kanalan ojandehel, 20 m ü.m.t. keskmäižel korktusel. Matkad Simferopolihesai om 90 km suvhe avtotel vai raudtedme.

Džankoi om lidnümbrikon üks'jäine eländpunkt.

Eläjad

Vn 2014 rahvahanlugemižen mödhe Džankoin eläjiden lugu oli 35 700 ristituid. Kaikiš suremb lidnan ristitišt oli 51 000 eläjid vl 1987.

Rahvahad (enamba 0,4% vl 2014): venänikad — 66,8%, ukrainalaižed — 16,6%, krimantatarlaižed — 7,3%, totarlaižed — 2,2%, čiganalaižed — 1,3%, vaugedvenälaižed — 1,1%, korejalaižed — 0,7%, toižed rahvahad — 2,2%, rahvahuden ozutandata — 1,8%.

Džankoin professionaline tehnikum om specialižen opendusen aluzkundaks.

Irdkosketused

• Lidnan oficialine sait (dzhankoy.rk.gov.ru). (ven.)