Jemv

Jemv
Емва
	Lidnanznam;
Valdkund	Venäma
Eläjiden lugu (2020)	12,379 ristitud
Pämez'	Andrei Lopatin; (2016—)
Telefonkod	+7−82 139-xx-xxx
Avtokod	11, 111
Aigvö	UTC+3 (MSK+0)

Jemv (komi: Емва, ven.: Е́мва) om Venäman lidn Komin Tazovaldkundan päivlaskmas. Se om Jemvan lidnankundan da Knäžpagastan rajonan administrativine keskuz.

Istorii

Eziauguine eländpunkt om Knäžpagast (ven.: Княжпогост), se sijadase Vim'-jogen vastrandal da mainitase vn 2010 rahvahanlugemižes (114 eläjad), no om lidnan palaks. Nügüd'aigaižen eländpunktan aluz om pandud Vim'-jogen hurha randha vl 1941 kuti lidnanvuitte Raudtežilo (ven.: Железнодорожный). Se om lidnan statusanke da nügüdläiženke nimenke vspäi 1985.

Jemvan ižandusen sarakod oma mecan varhapanend, mecan ümbriradmine (pästtas fibroplituid^[1]) da torguind. Om äi valdkundbüdžetan aluzkundoid, türmid päpaloin. Ende Knäžpagastan mehanine tegim radoi mugažo.

Geografijan andmused

Raudtestancii nimitase Knäžpagast, sijadase lidnan keskuzpalas. Avtote läbitab lidnad pidust' raudted. Matkad Siktivkarhasai om 122 km suvhe orhal. Lähembaine lidn om Mikun' 50 km suvipäivlaskmha raudtedme vai 100 km avtotedme.

Klimat om ven kontinentaline. Voden keskmäine lämuz om +0,2 C°, kezakun-elokun +14..+17 C°, tal'vkun-uhokun −13..−17 C°. Paneb sadegid 575 mm vodes, enamba kezakus-redukus (57..70 mm kus), vähemba uhokus-keväz'kus (27 mm kus).

Kaik seičeme küläd da kaks' pen't žilod mülüdas lidnankundha Jemvan ližaks. Lidnankundan pind om 61,25 nellikkilometrad.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 14 570 ristitud, lidnankundan — 14 626 ristitud. Kaikiš suremb lidnan ristitišt oli 18 782 eläjad vodel 1989. Vl 2017 kaik 12 906 eläjad oli lidnas i 13 017 eläjad kaikes lidnankundas.

Ortodoksižen hristanuskondan kaks' pühäpertid^[2] oma avaitud lidnas: Pühän Jumalanmaman Emäganpäivän jumalanpert' (om saudud vll 1990−2000) i ph. Serafim Sarovalaižen jumalanpert' türman territorijal (om letud vspäi 2012).

Siktivkaran politehnižen tehnikuman^[3] Knäžpagastan filial om lidnan professionaližen opendusen aluzkundaks.

Homaičendad

Irdkosketused

Jemvan lidnankundan lehtpoled Knäžpagastan rajonan oficialižel mrk11.ru-saital. (ven.)

	Komin Tazovaldkundan lidnad
	Int \| Jemv \| Mikun' \| Pečor \| Siktivkar \| Sosnogorsk \| Uht \| Usinsk \| Vorkut \| Vuktil

[1] Knäžpagastan pukuidapakoiden tegimen sait (dvp-komi.ru). (ven.)

[2] Jemvan pühäpertid sobory.ru-saital. (ven.)

[3] Siktivkaran politehnižen tehnikuman sait (pl34.komi.com). (ven.)

[1]

[2]

[3]

Lidnanznam
Valdkund	Venäma
Eläjiden lugu (2020)	12,379 ristitud

Pämez'	Andrei Lopatin (2016—)
Telefonkod	+7−82 139-xx-xxx
Avtokod	11, 111
Aigvö	UTC+3 (MSK+0)