Jurg

lidn Venämas


Jurg (ven.: Юрга́) om Venäman lidn da lidnümbrik Kemerovon agjan lodehes. Se om agjan seičemenz' lidn eläjiden lugun mödhe, mugažo Jurgan rajonan administrativižeks keskuseks.

Jurg
Юрга
 Lidnanznam
Coat of Arms of Yurga (Kemerovo oblast).png
 Flag
Flag of Yurga (Kemerovo oblast).png
Valdkund Venäma
Eläjiden lugu (2021) 80,367 ristitud
Pind 44,8 km²
Jurg Юрга
Pämez' Aleksei Fomin
(sügüz'ku 2019—)
Telefonkod +7−38 451-xx-xxx
Avtokod 42, 142
Aigvö UTC+7 (MSK+4)

IstoriiRedigeeri

Eländpunktan aluz om pandud vl 1886. Kätihe radnikžilod lidnaks vl 1949.

Jurg šingotase mašiništonsauvomižen tegimil (kaivuzmašiništ), raudan ühthesuladusiden edheotandal, sauvondmaterialiden sarakol, sömtegimištol.

Geografijan andmusedRedigeeri

Lidn sijadase Tom'-jogen hural randal (Obin oigedpol'ne bassein), 150 m ü.m.t. keskmäižel korktusel. Lähembaižed järedad lidnad oma Kemerovo 110 km suvipäivnouzmha, Tomsk 100 km pohjoižhe i Novosibirsk 170 km päivlaskmha.

Jurg om lidnümbrikon üks'jäine eländpunkt.

EläjadRedigeeri

Vn 2010 Venäman rahvahanlugemižen mödhe eläjiden lugu oli 81 533 ristitud. Kaikiš suremb ristitišt oli 94 300 eläjad vl 1992.

Rahvahad (enamba 0,4% vl 2010): venälaižed — 93,2%, totarlaižed — 2,5%, saksalaižed — 1,2%, ukrainalaižed — 0,7%, armenijalaižed — 0,4%, toižed rahvahad — 2,0%.

Professionaližen opendusen aluzkundad oma Jurgan tehnologine kolledž[1], kaks' tehnikumad, tehnologine institut[2] (Tomskan politehnižen universitetan filial), Kemerovon valdkundaližen universitetan filial.

Edeline lidnümbrikon pämez' om Sergei Popov (kezaku 2011 — sügüz'ku 2019).

GalereiRedigeeri

HomaičendadRedigeeri

  1. Jurgan tehnologižen kolledžan sait (ytk.edu.ru). (ven.)
  2. Jurgan tehnologižen institutan sait (uti.tpu.ru). (ven.)

IrdkosketusedRedigeeri



Kemerovon agjan lidnad
Anžero-Sudžensk | Belovo | Berözovskii | Gur'jevsk | Jurg | Kaltan | Kemerovo | Kiselövsk | Leninsk Kuzneckii | Mariinsk | Meždurečensk | Miski | Novokuzneck | Osinniki | Polisajevo | Prokopjevsk | Salair | Taig | Taštagol | Topki