Salair

lidn Venämas


Salair (ven.: Салаир) om Venäman lidn da lidnankund Kemerovon agjan päivlaskmas. Mülüb om Gur'jevskan rajonha, sen toine lidn.

Salair
Салаир
Lidnanznam
Salair. Kemerovo Oblast. Coat of Arms.png
Valdkund Venäma
Eläjiden lugu (2017) 7,589 ristitud
Salair Салаир
Pämez' Evgenii Estifejev
(reduku 2004—)
Telefonkod +7−38 463-xx-xxx
Avtokod 42, 142
Aigvö UTC+7 (MSK+4)

IstoriiRedigeeri

Salairskoje-külä mainitase ezmäižen kerdan vl 1626. Žilon aluz om pandud vl 1782 hobedan kaivudenno. Vspäi 1793 sauvoškanzihe hobedan suladuztegint koumenno kaivudenno. Vl 1830 löudihe kuldad Salairal, i heittihe hobedan samišt vodele 1861. Nevondkundaližen aigan vedihe geotedištelendad, saudihe küllästamižfabrikad i raudted vodele 1932. Vl 1932 sai radnikžilon statusad. Kätihe radnikžilod lidnaks vn 1941 5. päiväl sulakud.

Lidn da lidnankund šingotasoiš hahktinan i cinkan küllästamižfabrikal da kurortaks, sidä kesken mägisuksiden.

Geografijan andmusedRedigeeri

Lidn sijadase Sur' i Pen' Tolmovai-jogiden keskes (ven.: Большая и Малая Толмовая), Salairan kräžan päivnouzmaižil pautkil, 330 m ü.m.t. keskmäižel korktusel. Matkad Altajan randan röunhasai om 10 km suvipäivlaskmha orhal, Kemerovohosai om 126 km pohjoižhe orhal, 167 km avtotedme vai raudtel. Lähembaine lidn om Gur'jevsk-rajonkeskuz 2 km pohjoižpäivnouzmha.

Kaks' pen't žilod mülüdas lidnankundha Salairan ližaks: Žilo Salairan lebupertinno (123 rist. vl 2010) i Gavrilovk (64 rist. vl 2010). Lidnankundan pind — 39,75 km².

EläjadRedigeeri

Vn 2010 Venäman rahvahanlugemižen mödhe lidnan eläjiden lugu oli 8 262 ristitud, lidnankundan — 8 449 ristitud, rajonan videndez. Kaikiš suremb lidnan ristitišt oli 17 477 eläjad vl 1959. Vl 2017 kaik 7 768 ristitud elihe lidnankundas. Ortodoksižen hristanuskondan phh. Pedroin da Pauloin-apostoloiden jumalanpert' om olmas lidnas (nügüd'aigaine — vspäi 1907).

IrdkosketusedRedigeeri



Kemerovon agjan lidnad
Anžero-Sudžensk | Belovo | Berözovskii | Gur'jevsk | Jurg | Kaltan | Kemerovo | Kiselövsk | Leninsk Kuzneckii | Mariinsk | Meždurečensk | Miski | Novokuzneck | Osinniki | Polisajevo | Prokopjevsk | Salair | Taig | Taštagol | Topki