Polisajevo

Polisajevo
Полысаево
Lidnanznam;	Flag;
Valdkund	Venäma
Eläjiden lugu (2021)	25,631 ristitud
Pind	49,29 km²
Pämez'	Valerii Zikov; (1994—)
Telefonkod	+7−38 456-xx-xxx
Avtokod	42, 142
Aigvö	UTC+7 (MSK+4)

Polisajevo (ven.: Полыса́ево) om Venäman lidn Kemerovon agjan keskuzpalan päivlaskmas. Se om Polisajevon lidnümbrikon administrativine keskuz (vspäi 1999).

Istorii

Eländpunkt mainitase ezmäižen kerdan vl 1940 kuti žilo udenno «Polisajevskai»-kaivudenno. Kätihe sidä Polisajevo-radnikžiloks vl 1952. Mülütihe Polisajevo- i Krasnogorskii-žiloid Leninsk Kuzneckijha vl 1987. Vn 1989 30. päiväl redukud erigoittihe Polisajevod i anttihe sile lidnan statusad.

Polisajevo šingotase kivihilen samižel (koume kaivut i kaks' küllästamižfabrikad), sauvondmaterialiden pästandal (raudbetontegim, plastikiknoiden fabrik, uksiden edheotand).

Geografijan andmused

Lidn sijadase Inänjogen (ven.: Иня́) oiktal randal, Kuzneckan katl'usen keskuses, 250 m ü.m.t. keskmäižel korktusel.

Matkad Kemerovohosai om 85 km pohjoižhe orhal, 96 km avtol vai raudtedme. Lähembaižed lidnad oma Leninsk Kuzneckii ani lodeheze, kundaližen transportan maršrutad oma ühthižed kahtes lidnas, i Belovo 25 km suvhe.

Tobmuz

Krasnogorskii-žilo (2 965 rist. vl 2010) i Kaivuden nomer viž žilo (82 rist. vl 2010) mülüdas lidnümbrikho Polisajevon ližaks. Lidnümbrikon pind — 49,29 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 27 624 ristitud, lidnümbrikon — 30 671 ristitud. Vn 2021 rahvahanlugemižen mödhe lidnan ristitišt oli 25 631 eläjad. Vl 2017 kaik 26 510 ristitud elihe lidnas i 29 466 ristitud kaikes lidnümbrikos. Kaikiš suremb lidnan ristitišt oli 32 400 eläjid vl 2001.

Ortodoksižen hristanuskondan ph. Serafim Sarovalaižen jumalanpert' i protestantizman kaks' loičendpertid (baptizm i evangeližen uskondan hristanuskojad) oma saudud lidnas.

Lapsiden opendusen aluzkundad oma kümne päivkodid (nomer 1, 2, 3, 19, 26, 27, 35, 47, 50, 52), viž aluzškolad (nomerad 14, 17, 32, 35, 44), licei, keskškol-internat (nomer 23), čomamahtoiden škol (nomer 54), sportškol. Polisajevon industrialine tehnikum^[1] om lidnan professionaližen opendusen aluzkundaks.

Homaičendad

↑ Polisajevon industrialižen tehnikuman sait (pl25.ucoz.ru). (ven.)

Irdkosketused

Lidnümbrikon tobmuden sait (polisaevo.ru). (ven.)

Polisajevo Vikiaitas

	Kemerovon agjan lidnad
	Anžero-Sudžensk \| Belovo \| Berözovskii \| Gur'jevsk \| Jurg \| Kaltan \| Kemerovo \| Kiselövsk \| Leninsk Kuzneckii \| Mariinsk \| Meždurečensk \| Miski \| Novokuzneck \| Osinniki \| Polisajevo \| Prokopjevsk \| Salair \| Taig \| Taštagol \| Topki

[1] Polisajevon industrialižen tehnikuman sait (pl25.ucoz.ru). (ven.)

[1]

Lidnanznam	Flag
Valdkund	Venäma
Eläjiden lugu (2021)	25,631 ristitud
Pind	49,29 km²
Pämez'	Valerii Zikov (1994—)
Telefonkod	+7−38 456-xx-xxx
Avtokod	42, 142
Aigvö	UTC+7 (MSK+4)