Teberd

lidn Venämas


Teberd (ven.: Теберда́, kab. da čerk.: Къабардеа vai Теберда, kar. da balk.: Теберди́) om Venäman lidn-kurort Karačajan da Čerkesijan Tazovaldkundan suves. Se mülüb Karačajevskan lidnümbrikho.

Teberd
Теберда (ven.)
Къабардеа / Теберда (kab. da čerk.)
Теберди (kar. da balk.)
Valdkund Venäma
Eläjiden lugu (2022) 8,667 ristitud
Pind 8,57 km²
Teberd Теберда (ven.) Къабардеа / Теберда (kab. da čerk.) Теберди (kar. da balk.)
Pämez' Rasul Hubiev
(viluku 2021—)
Telefonkod +7−87 872-xx-xxx
Avtokod 09
Aigvö UTC+3 (MSK+0)

Istorii vajehta

Eländpunktan aluz om pandud vl 1868 kuti Baičoralani-külä (kar. da balk.: Байчораланы-Къабакъ) ezmäižen rodun kanzannimen mödhe. Aigan mändes ristitud toižel rodul tulihe elämha, i udesnimitihe küläd nügüdläižikš lähižen jogen mödhe. Vl 1971 žilo sai lidnan statusad.

Teberd šingotase kurortan edheotandoil vspäi 1925 (turbazad, tuberkulözanvastaine[1] da toižed sanatorijad, adivpertid, lebukodid), kalankazvatusel i turizmal.

Geografijan andmused vajehta

Lidn sijadase Teberd-jogen randoil (60 km pitte, Kubanin hura ližajogi), Suren Kavkazan pautkil, 1280 m ü.m.t. keskmäižel korktusel, Teberdan kel'dtahon[2] territorijal. Paks poud da puhtaz il'm mägilpäi abutihe käta lidnad lebutahoks. Matkad Karačajevskhasai (lähembaine lidn) om 39 km pohjoižhe orhal vai 44 km avtotedme, Čerkesskhasai om 105 km pohjoižhe.

Eläjad vajehta

Vn 2010 kaiken Venäman rahvahanlugemižen mödhe lidnan eläjiden lugu oli 9 058 ristitud, lidnümbrikon videndez. Vl 2018 lidnan ristitišt oli 8 670 eläjad. Kaikiš suremb ristitišt oli 9 100 eläjad vl 2011.

Rahvahad (enamba 1% vl 2010): karačailaižed — 69,1%, venälaižed — 25,1%, osetinalaižed — 1,1%, toižed rahvahad — 4,7%.

Islaman pühäpert' om avaitud vspäi 2008.

Professionaližen opendusen aluzkundad ratas lähembaižiš lidnoiš.

Sijaližen Adminstracijan edeline pämez' om Aslan Kanamatov (kül'mku 2017 — tal'vku 2020).

Galerei vajehta

Homaičendad vajehta

  1. Teberd-lidnan Tuberkulözanvastaine sanatorii site-sanatoria.ru-saital. (ven.)
  2. Teberdan rahvahaližen puišton sait (tgpbz.ru). (ven.)

Irdkosketused vajehta



Karačajan da Čerkesijan Tazovaldkundan lidnad
Čerkessk | Karačajevsk | Teberd | Ust'-Džegut