Reikjavik (isl.: Reykjavík [ˈreiːcaˌviːk] «savesine merikar», Reykjavíkurborg, edel 1800. vot oli Reykjarvík) om Islandijan pälidn, kaikiš suremb lidn da kund, Pälidnan agjan administrativine keskuz, mülüb sihe. Reikjavik om kaikiš pohjoižemb valdkundan pälidn mail'mas.

Reikjavik
Reykjavík
 Lidnanznam
 Flag
Valdkund Islandii
Eläjiden lugu (2023) 139,875 ristitud
Pind 274,5 km²
Reikjavik Reykjavík
Pämez' Dagur Eggertsson
(kezaku 2014—,
Dagur Bergþóruson Eggertsson)
Telefonkod +354
Aigvö UTC+0


Reikjavikan kart ezilidnoidenke (2010)

Istorii vajehta

Vl 874 ezmäine tulii sarehe elämhä, Ingol'f Arnarson, sauvoi ferm pol'sarel, kus nügüd' Reikjavik om olmas. Nimitihe sijad purun (ei ole saven, isl. reykur «savi») heitandoiden tagut huliš purtkišpäi. Vn 1262 jäl'ghe Reikjavik kändihe andan da valdkundmaksoiden keradandan keskuseks Norvegijan täht, mugažo torguindan keskuseks. Vspäi 1395 Islandii kändihe Danijan palaks, i eländpunktan znamoičend lujeni.

Eländpunkt sai lidnan statusad vn 1786 18. päiväl elokud. Vspäi 1845 rippujan territorijan i vspäi 1944 valdkundan parlament da ohjastuz sijadasoiš Reikjavikas. Toižen mail'man sodan aigan lidn kändihe znamasižeks keskuseks amerikaižiden da britanižiden merisodalaivoiden täht.

Reikjavik šingotase pälidnan funkcijoil i sauvondal. Kaik 14 verhiden maiden sur'oigenduzkundad ratas lidnas.

Geografijan andmused vajehta

Pälidn sijadase Islandii-saren suvipäivlaskmas, Seltjarnarnes-pol'sarel. Pen' Edlidaau(r)-jogi (isl.: Elliðaá(r) basseinanke 270 nellikkilometrad) läbitab lidnad. Lähembaine korged mägisel'g om Esj (Esja / Esjan) kümnes kilometras pohjoižhe lidnaspäi, 914 m ü.m.t. kortte. Lidnan pind — 274,5 km².

Klimat om subarktine valdmeren. Voden keskmäine lämuz om +5,1 C°, kezakun-elokun +9,8..+11,6 C°, tal'vkun-keväz'kun +0,5..+1,2 C°. Ekstremumad oma −24,5 C° (viluku) i +25,7 C° (heinku). Kezaaigan minimum om −0,7 C° (kezaku), tal'vaigan maksimum om +12 C° (tal'vku). Ei voi panda haloid heinkus. Merikar om jädumatoi vodes läbi lämän Gol'fstrim-merijoksmusen taguiči. Paneb sadegid 876 mm vodes, läz tazomäras kuidme, enamba sügüz'kus-keväz'kus (80..95 mm kus), vähemba semendkus-heinkus (43..53 mm kus). Paneb lunt 102 sm vodes. Kun keskmäine relätivine nepsuz vajehtase 74..82 % röunoiš voden aigan.

Tobmuz vajehta

 
Reikjavikan kümne ümbrikod i ezilidnad (2013)

Reikjavik jagase kümneks ümbrikoks, Mitborg (isl.: Miðborg «lidnan keskuz») om istorine keskuz lidnan lodehes.

Edeline lidnan pämez' (mer, isl.: Borgarstjóri Reykjavíkur) om Jon Gnarr (Jón Gnarr, kezaku 2010 — kezaku 2014).

Eläjad vajehta

Vl 2015 lidnan eläjiden lugu oli 121 841 ristitud, vl 2017 — 126 100 ristitud. Kaikis suremb lidnan ristitišt om nügüd'. Reikjavik sädab aglomeracijad 1062 km² pindal ristitištonke 247 590 eläjad (2023) da videnke kaimdailidnanke, Islandijan koume ristitud videspäi elädas siš. Kaimdailidnad levitasoiš suvhe da päivnouzmha.

Transport vajehta

Avtobusad oma kundaližeks transportaks lidnas da sen ezilidnoiš, «Strætó bs»-kompanii ohjandab niil. Ei ole kundaližid raudteid penen ristitišton lugun tagut. Om äi personaližid avtoid da avtoteid.

Rahvahidenkeskeine soda- da civiline Keblavik-lendimport (KEF / BIKF, 9,8 mln passažiroid vl 2018) sijadase 50 km suvipäivlaskmha Reikjavikaspäi i koumes kilometras päivlaskmha Keblavik-lidnaspäi, sišpäi tehtas reisid Evropadme da Pohjoižamerikha. Kiruhte ühtenzoitab lidnad lendimportanke. Tatanmaine civiline Reikjavik-lendimport[1] (isl.: Reykjavíkurflugvöllur, RKV / BIRK, 400 tuh. passažiroid vl 2018) sijadase koumes kilometras suvhe lidnan keskusespäi, sišpäi tehtas reisid Islandijadme, Grenlandha da Fareran Sarihe, mugažo se om transatlantine jügulendimport da varalendimport Keblavikan täht.

Homaičendad vajehta

  1. Islandijan lendimportoiden sait (isavia.is). (isl.) (angl.)

Irdkosketused vajehta



Evropan pälidnad
Afinad | Amsterdam | Andorr la Vel'j | Baku | Belgrad | Berlin | Bern | Bratislav | Brüssel' | Budapešt | Buharest | Dublin | Hel'sinki | Jerevan | Kijev | Kišinöv | Kopenhagen | Lissabon | London | Lüblän | Lüksemburg-lidn | Madrid | Minsk | Monako-lidn | Moskv | Nikosii | Oslo | Pariž | Podgoric | Prag | Reikjavik | Rig | Rim | San Marino-lidn | Sarajevo | Skopje | Sofii | Stokhol'm | Zagreb | Tallidn | Tbilis | Tiran-lidn | Vaduc | Vallett | Varšav | Vatikan | Ven | Vil'nüs