Avaita pämenü


Sofii (bolg.: София [ˈsɔfija]) om Bolgarijan pälidn da kaikiš suremb lidn. Se om Sofijan agjan administrativižeks keskuseks mugažo.

Sofii
София
 Lidnanznam
BG Sofia coa.svg
 Flag
BG Sofia flag.svg
Valdkund Bolgarii
Eläjiden lugu (2015) 1 286 383[1] ristitud
Pind 492 km²
Sofii София
Pämez' Jordanka Fandikova
(kül'mku 2 009—,
Йорданка Фандъкова)
Telefonkod +359-2
Aigvö tal'vel UTC+2 
kezal UTC+3

Lidn om valdkundan järed tegimišton keskuz da raudtesol'm.

Südäiolend

IstoriiRedaktiruida

Frakijalaižed paniba lidnan alust 8. voz'sadal edel m.e.. Rimalaižed anastiba sidä i nimitihe Serdik-lidnaks (latin.: civitas Serdenisium) frakijalaižiden heimon mödhe. Kahtenden Bolgarijan imperijan aigan (1185−1396) udesnimitihe lidnad nügüdläižikš ezmäi paginas, sid' oficialižešti, ph. Sofijan päjumalanpertin — lidnan päpühäpertin nimitusen mödhe. Sen pala om kaičenus tähäsai.

Ottomanan imperijan aigan lidn oli sen kahtendel surtte evropižel keskusel, Konstantinopolin jäl'ghe.

Vl 1879 Sofii kändihe joudutadud Bolgarijan pälidnaks.

Geografijan andmusedRedaktiruida

Lidn sijadase Bolgarijan päivlaskmas, Balkanan pol'saren keskuses, Vitoš-mägimassivan pohjoižpautkenno, 500..800 m korktusil valdmeren pindan päl.

Klimat om ven kontinentaline. Heinkun i elokun lämuz om +22,0 C°, vilukun +0,5 C°. Voden keskmäine lämuz om +11,4 C°. Paneb sadegid 571 mm vodes, enamba semendkul-heinkul (63..75 mm kus).

EläjadRedaktiruida

Vn 1878 uhokus Venälaižen imperijan armii tegi ezmäšt rahvahanlugemišt i löuzi 11 694 eläjad. Vodele 1975 ristitišt ületi millionad. Vl 2015 eläjiden lugu oli 1 286 383 ristitud, 1,54 mln ezilidnoidenke (1344 km²).

Vn 2011 rahvahanlugemižen mödhe bolgarijalaižed (87,9%) da ortodoksižed hristanuskojad (69,1%) oma enambuses eläjiden keskes. Om äi religijatomid ristituid (28,8%).

HomaičendadRedaktiruida

IrdkosketusedRedaktiruida