Prag
Prag (čeh.: Praha [ˈpraɦa]) om Čehanman pälidn da ekonomine i kul'turine keskuz, valdkundan administrativine ühtnik ičeohjastusenke. Se om kaikiš suremb lidn Čehanmas.
Lidnanznam
|
Flag
|
| Valdkund | Čehanma |
| Eläjiden lugu (2018) | 1 294 513 ristitud |
| Pind | 496 km² |
| |
| Pämez' | Zdenek Hržib (kül'mku 2 018—) |
| Telefonkod | +420 |
| Avtokod | A |
| Aigvö | tal'vel UTC+1 kezal UTC+2 |
IstoriiRedaktiruida
Eländpunktan aluz om pandud 6. voz'sadal meiden erad. Kändihe Čehanman pälidnaks 10. voz'sadal. Nimituz libui čehan kelen prah-vaihespäi «kos'k», äi bradindsijid oli Vltav-joges.
Vozil 1918−1992 lidn oli Čehoslovakijan pälidnaks. Ezilidnastumižen process zavodihe 20. voz'sadan kahtendes poles.
Geografijan andmusedRedaktiruida
Lidn sijadase valdkundan päivlaskmas, Vltav-jogen randoil (El'ban hura ližajogi), 177..399 m korktusil valdmeren pindan päl. Kaik 9 jogen sar't mülüdas lidnha. Ištutesed da puištod ottas territorijan pol't.
Klimat om ven kontinentaline. Heinkun lämuz om +18,2 C°, vilukun — −1,4 C°, voden keskmäine lämuz om +8,4 C°. Paneb sadegid 509 mm vodes, kaikiš vähemb kül'mkus-sulakus (22..30 mm kus).
EläjadRedaktiruida
Vn 2011 Čehanman rahvahanlugemižen mödhe lidnan eläjiden lugu oli 1 242 tuhad ristituid. Kaikiš suremb ristitišt om nügüd'. Kaik 2,6 millionad ristituid eläb aglomeracijas vl 2018, se om valdkundan ristitišton nelländez.
Ižanduz da transportRedaktiruida
Prag om ižandusen äisarakoine keskuz, vastsi 5,4 mln turistoid vl 2012. Vl 2015 lidnan kogosüdäiprodukt oli 41 billionad € (78 mlrd US$ ostmižmahtusen paritetan mödhe).
Avtobusad, tramvaid, ezilidnelektrojonused, ehtatimed da funikulör oma kundaližeks transportaks lidnas. Metropoliten radab vspäi 1974 (vl 2015 om 3 jonod, 61 stancijad, 65,2 km raudted).
Rahvahidenkeskeine civiline Vaclav Gavelan nimel nimitadud lendimport (PRG, čeh.: Letiště Václava Havla Praha) sijadase 12 km päivlaskmha lidnan keskusespäi. Tehtas reisid kaiked Evropadme, Pohjoižamerikha, Turkanmaha i Kitaihe.
GalereiRedaktiruida
Pragan lidnuz da päjumalanpert'
Vltav i Karlan sild siš päliči
Kunigahan sad
Strahovan jumalankodi
Vaclavan torg
.jpg)
IrdkosketusedRedaktiruida
- Lidnan tobmuden aluzkundoiden oficialine sait (praha.eu). (čeh.) (angl.)
- Lidnan oficialine turistine sait (prague.eu). (angl.) (čeh.)(+ völ 19 kelel)
| Prag Vikiaitas |
| Evropan pälidnad | ||
| Afinad | Amsterdam | Andorr la Vel'j | Baku | Belgrad | Berlin | Bern | Bratislav | Brüssel' | Budapešt | Buharest | Dublin | Hel'sinki | Jerevan | Kijev | Kišinöv | Kopenhagen | Lissabon | London | Lüblän | Lüksemburg-lidn | Madrid | Minsk | Monako-lidn | Moskv | Nikosii | Oslo | Pariž | Podgoric | Prag | Reikjavik | Rig | Rim | San Marino-lidn | Sarajevo | Skopje | Sofii | Stokhol'm | Zagreb | Tallidn | Tbilis | Tiran-lidn | Vaduc | Vallett | Varšav | Vatikan | Ven | Vil'nüs | ||