Vaduc (saks.: Vaduz [faˈduːts] vai [faˈdʊts]) om Lihtenšteinan pälidn. Se om valdkundan parlamentan sijaduz.

Vaduc
Vaduz
 Lidnanznam
 Flag
Valdkund Lihtenštein
Eläjiden lugu (2022) 5,741 ristitud
Pind 17,3 km²
Vaduc Vaduz
Telefonkod +423-
Aigvö tal'vel UTC+1,
kezal UTC+2


Vaducan kundan sijaduz valdkundas

Istorii vajehta

Faduzes-lidnuz (zamk) mainitase 12. voz'sadaspäi, se om kaičenus tähäsai. Lugetas, miše Verdenbergalaine-graf pani lidnan alust 13. voz'sadal. Vaducan grafkund oli olmas vll 1342−1719, vspäi 1396 se oli alištunu Pühän Rimalaižen imperijan imperatorale. Lihtenštein-ruhtinazkundan aluz om pandud vl 1719 lähižiden grafkundoiden ühtištusel, sen ruhtinaz tegi Vaducan lidnust rezidencijaks, lidn siš ümbri kändihe pälidnaks aigan mändes.

Vaduc šingotase valdkundaližil holitišil i turizmal (nell' muzejad i kuvagalerei). Alangištos vinmarjan kazvatuz tegese.

Geografijan andmused vajehta

Kundan päpala sijadase Reinan üläjoksmusen randal, valdkundan keskuzpalan päivlaskmas. Lähembaine raudtestancii radab Šan-lidnas kaks' kilometrad pohjoižhe Vaducaspäi.

Klimat om ven. Voden keskmäine lämuz om +10,6 C°, kezakun-elokun +17..+19 C°, tal'vkun-uhokun +1..+2 C°. Paneb sadegid 947 mm vodes, enamba kezakus-sügüz'kus (102..142 mm kus), vähemba vilukus-uhokus (38..41 mm kus).

Eläjad vajehta

Vl 2014 kundan eläjiden lugu oli 5425 ristitud (valdkundan seičemendez), se om kahtenz' surtte valdkundas. Vspäi 1999 kundan kaikiš suremb ristitišt om nügüd'.

Eläjad oma katolikad päpaloin. Katoline Pühän Florinan kafedraline päjumalanpert' om Vaducan arhieparhijan keskuz.

Lihtenšteinan universitet[1] baziruiše lidnas, valdkundan üks' üläopendusen aluzkund nelläspäi (saks.: Universität Liechtenstein) vspäi 2011, 800 üläopenikoid, alusenpanend 1961 kut ehttehnikum).

Homaičendad vajehta

  1. Lihtenšteinan universitetan sait (uni.li). (saks.)

Irdkosketused vajehta



Evropan pälidnad
Afinad | Amsterdam | Andorr la Vel'j | Baku | Belgrad | Berlin | Bern | Bratislav | Brüssel' | Budapešt | Buharest | Dublin | Hel'sinki | Jerevan | Kijev | Kišinöv | Kopenhagen | Lissabon | London | Lüblän | Lüksemburg-lidn | Madrid | Minsk | Monako-lidn | Moskv | Nikosii | Oslo | Pariž | Podgoric | Prag | Reikjavik | Rig | Rim | San Marino-lidn | Sarajevo | Skopje | Sofii | Stokhol'm | Zagreb | Tallidn | Tbilis | Tiran-lidn | Vaduc | Vallett | Varšav | Vatikan | Ven | Vil'nüs