Afinad

Grekanman pälidn dai sen kaikiš suremb lidn


Afinad (grek.: Αθήνα) om Grekanman pälidn da kaikiš suremb lidn. Se om Attik-agjan pälidn mugažo.

Afinad
Αθήνα
Valdkund Grekanma
Eläjiden lugu (2012) 3,089,698 ristitud
Pind 412 km²
Afinad Αθήνα
Pämez' Giorgos Kaminis
(viluku 2011—)
Telefonkod +30−21
Aigvö tal'vel UTC+2,
kezal UTC+3

Lidn sen ezilidnoidenke om grekan ižandusen südäin. Grekanman kogosüdäiproduktan pol' tehtas Afiniš, elektrusen nell' videndest kulutase siš.

IstoriiRedigeeri

Eländpunkt mainitase ezmäižen kerdan 15. voz'sadal edel m.e. Lidn oli Amuižen Grekanman znamasižeks keskuseks.

Vl 1834 Afinad tegihe uden Grekanman pälidnaks Nafplionan jäl'ghe. Sil aigal Afiniden ristitišt oli 5 tuh. ristituid.

Geografijan andmusedRedigeeri

 
Afiniden nägu Man kaimdajaspäi

Afinad sijadasoiš valdkundan keskuses, 20 metrad valdmeren pindan päl keskmäižel korktusel. Reljef om erazvuitte lidnan röunoiš: tazangišt om ümbärtud mägil. Pirei-ezilidn om meriportaks 12 km suvipäivlaskmha keskusespäi.

Klimat om subtropine kuiv. Paneb sadegid 400 mm vodes (kezal 18 mm koumes kus).

TobmuzRedigeeri

Attik-agj jagase 35 municipalitetha (kaikutte om ičeze pämehenke). Afinad-municipalitet om üks' niišpäi. Se alajagase 7 lidnrajonha, niiden ühthine pind om 39 nellikkilometrad, ristitišt 655 780 eläjad (vl 2011). Giorgos Kaminis om Afinad-municipalitetan pämez' vspäi 2011. Todesižikš Afinad ülitadas Attik-agjan territorijad.

EläjadRedigeeri

Lidnaglomeracijan ristitišt om 4 mln (Pirei-portanke da toižidenke ezilidnoidenke), se om valdkundan eläjiden koumandez.

TransportRedigeeri

Metro, lidnelektrojonused, tramvai, avtobusad da trolleibusad, taksid da libutimed (funikulörad) oma kundaližeks transportaks lidnan südäimes. Vspäi 1869 metro radab lidnas da sen kaimdailidnoiš (vl 2016 3 jonod, 65 stancijad, 84,5 km raudted).

Afiniden rahvahidenkeskeine civiline Elefterios Venizelos-lendimport (ATH) seižub 94 metrad ülemba valdmeren tazopindad, sijadase 20 km päivnouzmha lidnan keskusespäi (metrol, 30 km avtotedme). Sišpäi tehtas reisid Evropan da Lähižen Päivnouzmman äjihe maihe.

IrdkosketusedRedigeeri



Evropan pälidnad
Afinad | Amsterdam | Andorr la Vel'j | Baku | Belgrad | Berlin | Bern | Bratislav | Brüssel' | Budapešt | Buharest | Dublin | Hel'sinki | Jerevan | Kijev | Kišinöv | Kopenhagen | Lissabon | London | Lüblän | Lüksemburg-lidn | Madrid | Minsk | Monako-lidn | Moskv | Nikosii | Oslo | Pariž | Podgoric | Prag | Reikjavik | Rig | Rim | San Marino-lidn | Sarajevo | Skopje | Sofii | Stokhol'm | Zagreb | Tallidn | Tbilis | Tiran-lidn | Vaduc | Vallett | Varšav | Vatikan | Ven | Vil'nüs