Tiran (lidn)

Albanijan pälidn da kaikiš suremb lidn

Tiran (alb.: Tiranë, mugažo Tirana) om Albanijan pälidn da kaikiš suremb lidn. Se om Tiranan agjan administrativine keskuz mugažo, mülüb agjaha.

Tiran
Tiranë
 Lidnanznam
 Flag
Valdkund Albanii
Eläjiden lugu (2010) 386,420 ristitud
Pind 41,8 km²
Tiran Tiranë
Pämez' Erjon Veliai
(heinku 2015—)
Telefonkod +355-(0)4
Aigvö tal'vel UTC+1,
kezal UTC+2


Sil sanal voib olda toižid znamoičendoid; miše nähta niid, tulgat tänna.

Istorii vajehta

Vizantijan lidnusen jändused (520. voz') oma löutud da kohetud 18. voz'sadal. Nügüdläižen eländpunktan aluz om pandud vl 1614 lidnan statusanke Osmanan imperijan Suleiman Bardžini-jenaralan käskön mödhe, sil vodel saudihe islaman pühäpertid, turkan kül'betid, paštandsijad i severz'-se laukoid. Kätihe valdkundan pälidnaks vl 1920.

Tiran šingotase valdkundan ižandusen keskuseks.

Geografijan andmused vajehta

Lidn sijadase valdkundan keskuzpalas, Išm-jogen randal, 110 m ü.m.t. keskmäižel korktusel, om ümbärtud mägil päiči pohjoižpoles. Matkad Adriatižen meren randhasai om 40 km päivlaskmha avtotedme.

Klimat om subtropine Keskmeren. Voden keskmäine lämuz — +15,2 C°. Paneb sadegid 1266 mm vodes, vähemb kezakus-sügüz'kus (42..78 mm kus). Tal'vel lumi oleleb lähižiden mägiden pautkil päpaloin.

Eläjad vajehta

Vl 2010 lidnan eläjiden lugu oli 386 420 ristitud ezilidnoita. Vn 2011 Albanijan rahvahanlugemižen mödhe 557 422 ristitud elihe lidnan municipaližes ühtnikas 1 110,03 km² pindal. Kaikiš suremb ristitišt om nügüd'.

Religijan mödhe (municipalitet, 2011): islamanuskojad — 55,7%, ateistad i toižed uskojad — 29,1%, ortodoksižed hristanuskojad — 6,4%, katolikad — 5,4%, Bektašan ordenan polenpidajad — 3,4%.

Edeline lidnan pämez' — Lül'zim Baša (heinku 2011 — heinku 2015).

Homaičendad vajehta


Irdkosketused vajehta



Evropan pälidnad
Afinad | Amsterdam | Andorr la Vel'j | Baku | Belgrad | Berlin | Bern | Bratislav | Brüssel' | Budapešt | Buharest | Dublin | Hel'sinki | Jerevan | Kijev | Kišinöv | Kopenhagen | Lissabon | London | Lüblän | Lüksemburg-lidn | Madrid | Minsk | Monako-lidn | Moskv | Nikosii | Oslo | Pariž | Podgoric | Prag | Reikjavik | Rig | Rim | San Marino-lidn | Sarajevo | Skopje | Sofii | Stokhol'm | Zagreb | Tallidn | Tbilis | Tiran-lidn | Vaduc | Vallett | Varšav | Vatikan | Ven | Vil'nüs