Avaita pämenü

Kuveit, täuz' oficialine nimitiuz — Kuveitan Valdkund (arab.: دولة الكويت, Davlat El' Kuveit), om emirat-valdkund Azijan suvipäivlaskmpoles. Sen pälidn da kaikiš suremb lidn om El' Kuveit.

Kuveitan Valdkund
دولة الكويت
(Davlat El' Kuveit)
 Flag
Flag of Kuwait.svg
 Valdkundznam
Emblem of Kuwait.svg
Pälidn El' Kuveit
Eläjiden lugu (2018) 2 916 467[1][2] ristitud
Pind 17 818 km²
Kuveitan Valdkund دولة الكويت (Davlat El' Kuveit)
Kel' araban
Valdkundan pämez' Sabah As Sabah
Päministr Džaber As Sabah
Religii islam, hristanuskond
Valüt Kuveitan dinar (KWD)
Internet-domen .kw
Telefonkod +965
Aigvö UTC+3

Südäiolend

IstoriiRedaktiruida

Vn 1961 19. päiväl kezakud Kuveit tedištoiti ičeze ripmatomudes Sures Britanijaspäi.

Geografijan andmusedRedaktiruida

 
Kuveitan topografine kart.

Kuveit om mavaldkundröunoiš Irakan pohjoižes (röunoiden piduz — 240 km), Saudan Arabijanke suves (222 km). Ühthine röunoiden piduz madme — 462 km. Man päivlaskmaižed randad lainištab Indižen valdmeren Persijan laht. Randanpird — 499 km.

Kaikiš korktemb čokkoim om nimetoi taho 306 metrad valdmeren pindan päl Saudan Arabijan röunal läz Irakan röunad.

Londuseližed pävarad oma kivivoi, toižed varad — londuseline gaz, kala, meriproduktad.

TobmuzRedaktiruida

 
Kuveitan Nacionaližen Suiman pert' El' Kuveitas.

Ohjandusen form om unitarine konstitucine monarhii. Monarh — Sabah IV-emir — om valdkundan pämez' (vspäi 2006), hän paneb päministrad radsijha, voib pästta radmaspäi parlamentad miččel taht aigal.

Parlament om üks'kodine Nacionaline Suim (arab.: مجلس الأمة Madžlis Al' Umma), se mülütab 65 ühtnijad, kaik rahvaz valičeb 50 heišpäi nelläks vodeks, i päministr paneb radsijha 15 ühtnijoid-ministrid). Parlament vahvištab kronprincan (valdištmen jäl'gnikan).

Politižed partijad oma kel'don al, no sab säta blokoid kandidatoile valičendoiden aigan. Mehil da naižil oma ühtejiččed valičemižoiktused, toižiden arabižiden monarhijoiden erineden. Džaber As Sabah radab päministran vs 2011 tal'vkun 4. päiväspäi. Parlamentan ühtnijoiden edelstrokuižed valičendad oliba vn 2016 26. päiväl kül'mkud.

Administrativiž-territorialine jagandRedaktiruida

   Kacu kirjutuz: Kuveitan administrativiž-territorialine jagand.

Valdkund jagase 6 agjaha (provincijha, muhafaz:ha).

EläjadRedaktiruida

Vl 2014 valdkundan eläjiden lugu oli 2,742,711 ristitud.

Kuveitas elädas kuveitalaižed. Islam om valdkundaližeks religijaks. Eläjiden 98% oma lidnalaižed.

IžanduzRedaktiruida

Vl 2012 kivivoi oti 94% eksportad, toine om heretused. Tulendad eksportaspäi ületas mänetusid importan ostmižhe znamasižešti, i rahapanend (investicijoiden menedžment) om valdkundan sur' sarak.

Ei ole raudted, avtoteiden kovanke krepindanke piduz om läz 5 tuhad km.

HomaičendadRedaktiruida

  1. Kuveitan ristitišton lugun endustuz vn 2018 heinkus // Mail'man faktoiden kirj. — Cia.gov. (angl.)
  2. Kuveitan Valdkundan statistikan radnikoičend lugi 4,437,590 eläjad ristitištos vl 2017, sidä kesken immigrantad läz 70%.

IrdkosketusedRedaktiruida