Durres

Durres (alb.: Durrësi, Durrës [ˈdurəs]) om lidn Albanijan päivlaskmas, keskuzpalan mererandal. Se om valdkundan kahtenz' lidn eläjiden lugun mödhe, Durresan agjan administrativine keskuz.

Durres
Durrësi

Lidnanznam
Valdkund	Albanii
Eläjiden lugu (2011)	113,249 ristitud
Pind	46 km²
Pämez'	Emiriana Sako (2020—)
Telefonkod	+355-(0)52
Aigvö	tal'vel UTC+1, kezal UTC+2

Istorii

Eländpunktan aluz om pandud Epidamn-nimenke (amuižgrek.: Επίδαμνος) vl 627 EME. Rimalaižed udesnimitiba lidnad Dirrahijaks (Dyrrachium). Manrehkaidused murenziba lidnad lujas vll 314, 1273, 1926. Vl 1947 valdkundan ezmäine raudte radaškanzi lidnas.

Enver Hodžin diktaturan aigan Durres šingotihe jügedal tegimištol, saudihe meriportad, vl 1980 vagonantegim oli töhöpästtud.

Geografijan andmused

Lidn sijadase Adriatižen meren i sen Durresan merikaran randal. Matkad Tiran-pälidnhasai om 38 km päivnouzmha, avtotel vai raudtedme. Raudted ühtenzoittas valdkundan kaikidenke järedoidenke lidnoidenke.

Klimat om Keskmeren. Voden keskmäine lämuz om +15,9 C°, kezakun-sügüz'kun +21..+24 C°, tal'vkun-keväz'kun +8..+11 C°. Ekstremumad oma +39 C° i −6 C°. Paneb sadegid 1064 mm vodes, vähemba kezakus-elokus (25..41 mm kus), enamba kül'mkus-vilukus (131..160 mm kus).

Eläjad

Vn 2011 Albanijan rahvahanlugemižen mödhe lidnfartaliden eläjiden lugu oli 113 249 ristitud 46 km² pindal, kaiken municipalitetan — 175 110 ristitud 338,3 km² pindal, agjan koume videndest. Vl 2001 lidnan ristitišt oli 99 546 eläjad. Kaikiš suremb ristitišt om nügüd'.

Edeližed lidnan pämehed oma Valbona Sako (2019) i Vangüš Dako (2006−2019, Vangjush Dako).

Irdkosketused

• Lidnan oficialine sait (durres.gov.al). (alb.)