Mogadišo

Mogadišo
Muqdisho (somal.)
مقديشو‎ (arab., *Makadīšū*)
Lidnanznam;	Flag;
Valdkund	Somali
Eläjiden lugu (2023)	2,610,000 ristitud
Pind	350 km²
Telefonkod	+252−61
Aigvö	UTC+3

Mogadišo (somal.: Muqdisho [mʉqdɪʃɔ], arab.: مقديشو‎ [muqaˈdiːʃuː], ital.: Mogadiscio [moɡaˈdiʃʃo]) om Somalin pälidn da kaikiš suremb lidn.

Istorii

Eländpunktan aluz om pandud arabižil i persižil torgovanoil 12. voz'sadal kuti Hamar-lidn torguindteiden ristikoičendan sijas. Möhemba sai araban Maqdaäu- vai Muqdiäu-nimitust -qdä-sanantüvespäi «pühä», severz'-se mečetid oli saudud lidnha 13. voz'sadal. Farh-ad-Dina-mečet' (1269) om kaičenus tähäsai. Lidnan ümbrišton mad sättudas maižandusele valdkundan tobjan palan erineden. Sen ližaks, lidnan merikar om kaikiš pohjoižemb sättui londuseline kar Päivnouzmaižes Afrikas.

Lidn oli Portugalijan ohjandusen al 16. voz'sadaspäi. Vspäi 1892 lidn da sen ümbrišt oliba Italijan kolonijaks. Vl 1954 Somalin universitetan aluz om pandud lidnha. Vspäi 1960 Mogadišo om ripmatoman valdkundan pälidn. Rahvahanikoiden soda Somališ mureni lidnad znamasižikš, sen irdad oma varmitadud ani kuti lidnuseks, ristitišt rippub verhiden maiden gumanitarižes abuspäi.

Edel rahvahanikoiden sodad lidn šingotihe tekstilin da soban pästandal. Vspäi 2011 lidnan udessauvondan process jätktase, Turkanman tobmuz abutab sauvondale mašiništol. Om sömtegimišton edheotandoid (fruktoiden ümbriradmine, Coca-Cola:n tegim), bankoiden i sidon sferad šingotasoiš.

Geografijan andmused

Lidn da port sijadasoiš Indižen valdmeren randal, ühesa metrad ü.m.t. keskmäižel korktusel.

Klimat om subekvatorialine pol'kuiv, päivoikaz vodes läbi. Voden keskmäine lämuz om +27,1 C°, kuidme +25,4..+28,9 C°. Ekstremumad oma +16,2 C° (kül'mku) i +39,8 C° (sulaku). Paneb sadegid 428 mm vodes, enamba sulakus-heinkus (61..82 mm kus), kuiv sezon oleskeleb tal'vkus-keväz'kus (17 mm pordos), ei ole sadegid vilukus-uhokus. Kun keskmäine relätivine nepsuz vajehtase 77..81 % röunoiš vodes läbi.

Eläjad

Vl 1962 lidnan ristitišt oli 116 222 eläjad. Vl 2015 lidnan eläjiden lugu oli 2 120 000 ristituid 91 km² pindal^[1], vl 2019 — 2 555 000 ristituid. Kaikiš suremb lidnan ristitišt om nügüd'.

Kaik seičeme universitetad oma lidnan üläopendusen aluzkundoikš: Somalin nacionaline, Mogadišon, SIMAD, Guul, Benadiran, Tedon da tehnologijan Džamhurija- i Zamzam-universitetad.

Homaičendad

↑ Mogadisho //Demographia World Urban Areas: 11th Annual Edition: 2015 January (Mail'man lidnanterritorijoiden demografii, 11. jogavozne pästand, vn 2015 viluku. demographia.com). — Lp. 25. (angl.)

Mogadišo Vikiaitas

	Afrikan pälidnad
	Abudž \| Addis-Abeb \| Akkr \| Alžir-lidn \| Antananarivu \| Asmar \| Bamako \| Bangi \| Banžul \| Bisau \| Brazzavil' \| Dakar \| Dodom \| Džibuti-lidn \| Džub \| Fritaun \| Gaborone \| Giteg \| Harare \| Hartum \| Jamusukro \| Jaunde \| Kair \| Kampal \| Kigali \| Kinšas \| Konakri \| Librevil' \| Lilongve \| Lome \| Luand \| Lusak \| Malabo \| Maputu \| Maseru \| Mbabane \| Mogadišo \| Monrovii \| Moroni \| Nairobi \| Ndžamen \| Niamei \| Nuakšot \| Port Lui \| Porto Novo \| Prai \| Pretorii \| Rabat \| San Tome \| Tripoli \| Tunis-lidn \| Uagadugu \| Viktorii \| Vindhuk

[1] Mogadisho //Demographia World Urban Areas: 11th Annual Edition: 2015 January (Mail'man lidnanterritorijoiden demografii, 11. jogavozne pästand, vn 2015 viluku. demographia.com). — Lp. 25. (angl.)

[1]

Lidnanznam	Flag
Valdkund	Somali
Eläjiden lugu (2023)	2,610,000 ristitud
Pind	350 km²

Telefonkod	+252−61
Aigvö	UTC+3