Lome

Lome (franc.: Lomé) om Togon pälidn, kaikiš suremb lidn da meriport. Se om Mererandaližen agjan administrativižeks keskuseks mugažo.

Lome
Lomé

Lidnanznam
Valdkund	Togo
Eläjiden lugu (2010)	837,437 ristitud
Pind	99,14 km²
Telefonkod	+228-
Aigvö	UTC+0

Istorii

Eländpunktan aluz om pandud eve-rahvahal 18. voz'sadal. Vspäi 1882 Bei-Bič-külä kändihe torguindan keskuseks nügüdläižen lidnan sijas. Ezmäižed merivaldmad oliba saudud vl 1904, päraudtestancii — vl 1905, vaumitihe merikaran vodele 1968. Pälidn valdkundan ripmatomuden aigaspäi (1960).

Lome šingotase eksportan meriportal (kofe, kakao, kopr, pal'mvoi), metallurgižel tegimel i kivivoin ümbriradmižel.

Geografijan andmused

Lidn sijadase valdkundan suves, Gvinejan lahten randal, 10 m ü.m.t. keskmäižel korktusel. Om konurbacijas Ganan Aflao-lidnanke päivlaskmas.

Klimat om tropižen savannan. Il'man i meriveden keskmäine lämuz vajehtase +25..+28 C° röunoiš vodes läbi, ekstremumad oma +15 C° i +38 C°. Paneb sadegid 870 mm vodes, enamba kaiked semendkus-kezakus (400 mm pordos), tal'vkus-vilukus om kuiv sezon (16 mm pordos).

Eläjad

Vl 2010 lidnan eläjiden lugu oli 837 437 ristitud, lidnaglomeracijan — 1 477 660 ristitud 280 km² pindal. Kaikiš suremb lidnan ristitišt om nügüd'. Vl 1960 kaik 85 tuh. ristituid elihe lidnas.

Lomen universitet (franc.: Université de Lomé) om Togon kaikiš suremb (alusenpanend 1970, 44,5 tuh. üläopenikoid vl 2015), vhesai 2001 sen nimituz oli Beninan universitet. Amerikan, Britanijan i Francijan rahvahidenkeskeižed školad ratas lidnas.

Irdkosketused

• Lidnan oficialine sait (ville-lome.tg). (fr.)
• Lome-meriportan sait (togo-port.net). (fr.)