Gaborone

**Gaborone**
Valdkund	Botsvan
Eläjiden lugu (2022)	246,325 ristitud
Pind	169 km²
	Gaborone
Pämez'	Kagiso Thutlve; (2014—)
Telefonkod	+267−31, 35, 39
Aigvö	UTC+2

Gaborone (mugažo tsvanan i anglijan kelil; tsvan. virkand — [χabʊˈrʊnɪ], angl. [ˌɡæbəˈroʊniː], sijaline lühenduz: Gabs) om Botsvanan pälidn da kaikiš suremb lidn.

Istorii vajehta

Eländpunktan aluz oli pandud pälidnaks vl 1964 penen žilon sijas, nimitihe 19. voz'sadan tlokva-heimon Gaborone-vejan (kgosi, 1825−1931) mödhe. Saudihe uden pälidnan sauvusiden enambust koumes vodes Ripmatomuden Päiväle, vn 1966 30. päiväle sügüz'kud. Enččen Bečuanalendan Mafeking-pälidn jäi uden Botsvan-valdkundan irdpolel, ka faktižikš pälidnad ei olend-ki ani.

Botsvanan päaluzkundad, bankad, birž, aviakompanii, verhiden valdkundoiden sur'oigenduzkundad, järedoiden kompanijoiden päfaterad sijadasoiš Gaborones, sidä kesken «Debswana» — mail'man kaikiš suremb diamantoiden samižkompanii.

Geografijan andmused vajehta

Lidn seižub Notvane-jogen randal, 1014 m ü.m.t. keskmäižel korktusel. Matkad Suviafrikan Tazovaldkundan röunhasai om 15 km suvhe.

Lähembaižed lidnad oma Ramotsv suvipäivnouzmas, Mogodičane lodehes, Močudi päivnouzmas, Tlokveng jogen taga.

Klimat om tropine pol'kuiv kaks'sezonine. Voden keskmäine lämuz om +20,9 C°, redukun-keväz'kun +23,7..+25,7 C°, kezakun-heinkun +13,5..+13,7 C°. Ekstremumad oma −2 C° (heinku) i +40 C°. Paneb sadegid 487 mm vodes, enamba tal'vkus-keväz'kus (71..143 mm kus), kuiv sezon oleskeleb semendkus-redukus (29 mm pordos).

Eläjad vajehta

Vn 2001 rahvahanlugemižen mödhe lidnan eläjiden lugu oli 186 007 ristitud. Kaik 231 626 eläjad^[1] oli lidnas vl 2011. Kaikiš suremb lidnan ristitišt om nügüd'. Valdkundan ristitišton läz pol't eläb 100 kilometras pälidnalpäi da sen lähemba, 421 907 eläjad oli ezilidnoidenke vl 2011.

Lidnan edeline pämez' oli Haskins Nkaigva (reduku 2011 — 2014). Verhiden maiden 19 sur'oigenduzkundad i koume konsulust sijadasoiš Gaborones.

Transport vajehta

Maršruttaksid oma kundaližeks transportaks lidnas. Gaborone ühtenzoitase avtobusoil ezilidnoidenke.

Rahvahidenkeskeine Seretse Khama-seran nimel nimitadud lendimport (GBE / FBSK, 425 tuh. passažiroid vl 2008) sijadase 15 km pohjoižpolehe lidnaspäi. Tehtas reisid Afrikan lähižihe maihe.

Homaičendad vajehta

↑ Gaborone: The Population of Towns, Villages and Associated Localities (Gaborone: lidnoiden, küliden da municipaližiden ühtnikoiden ristitišt) //Population and Housing Census 2011 (Vn 2011 ristitišton da kodiižandusiden lugemine). — Statistics Botswana (cso.gov.bw). (angl.)

Irdkosketused vajehta

Lidnan Nevondkundan lehtpol' Botsvanan Tazovaldkundan oficialižel saital (gov.bw). (angl.) (tsvan.)

Gaborone Vikiaitas

	Afrikan pälidnad
	Abudž \| Addis-Abeb \| Akkr \| Alžir-lidn \| Antananarivu \| Asmar \| Bamako \| Bangi \| Banžul \| Bisau \| Brazzavil' \| Dakar \| Dodom \| Džibuti-lidn \| Džub \| Fritaun \| Gaborone \| Giteg \| Harare \| Hartum \| Jamusukro \| Jaunde \| Kair \| Kampal \| Kigali \| Kinšas \| Konakri \| Librevil' \| Lilongve \| Lome \| Luand \| Lusak \| Malabo \| Maputu \| Maseru \| Mbabane \| Mogadišo \| Monrovii \| Moroni \| Nairobi \| Ndžamen \| Niamei \| Nuakšot \| Port Lui \| Porto Novo \| Prai \| Pretorii \| Rabat \| San Tome \| Tripoli \| Tunis-lidn \| Uagadugu \| Viktorii \| Vindhuk

[1] Gaborone: The Population of Towns, Villages and Associated Localities (Gaborone: lidnoiden, küliden da municipaližiden ühtnikoiden ristitišt) //Population and Housing Census 2011 (Vn 2011 ristitišton da kodiižandusiden lugemine). — Statistics Botswana (cso.gov.bw). (angl.)

[1]