Avaita pämenü


Maputu (port.: Maputo [mɐˈputu]) om Mozambikan pälidn da meriport valdkundan suvižes čogas. Se om valdkundan kahtenz' lidn eläjiden lugun mödhe.

Maputu
Maputo
Flag
Flag of Maputo.png
Valdkund Mozambik
Eläjiden lugu (2017) 1 101 170 ristitud
Pind 346,77 km²
Maputu Maputo
Pämez' David Simango
(2 008—)
Telefonkod +258-21-xxx-xxx
Aigvö UTC+2

EnzneRedaktiruida

Nügüdläižen eländpunktan aluz om pandud vll 1781−1787 kuti portugalijalaižiden lidnuz. Se šingotaškanzi vspäi 1850, i vhesai 1976 nimitihe sidä Lorensu-Markiš (port.: Lourenço Marques) lahten tenavaidajan mödhe. Om lidnan statusanke vspäi 1887. Vodele 1895 raudte ühtenzoiti lidnad Pretorijanke. Vl 1898 sirtihe tänna Portugaline Mozambik-kolonijan pälidnad Mozambik-sarespäi.

Ripmatomuden sandan jäl'ghe udesnimitihe lidnad lähižen jogen mödhe, mugažo Temb-jogi lankteb valdmerhe lidnas.

Geografijan andmusedRedaktiruida

Lidn sijadase järedan Maputu-lahten (ende Delagoa) lodehližel randal, Indižen valdmeren päivlaskmaižel randal, 47 m ü.m.t. keskmäižel korktusel. Maputun agj ümbärdab pälidnad, agjan administrativine keskuz om Matol-ezilidn (port. Matola, 1,6 mln vl 2017). Om Esvatinin i SAT:an röunoid 50 km päivlaskmha lidnaspäi.

EläjadRedaktiruida

Vl 2007 eläjiden lugu oli 1 094 315 ristitud. Läz 3,15 mln ristituid elädas päivlaskmaiženke Matol-ezilidnanke vn 2017 rahvahanlugemižen mödhe.

TransportRedaktiruida

Mikroavtobusad, avtobusad i ehtatimen jono oma kundaližeks transportaks lidnas da sen ümbrištos. Järed eksport-importan meriport radab.

Rahvahidenkeskeine civiline Maputu (Mavalane)-lendimport (MPM, 700 tuh. passažiroid vl 2009) sijadase 3 km lodeheze lidnan keskusespäi. Tehtas reisid Suviafrikan Tazovaldkundan järedoihe lidnoihe, Lissabonha, Nairobihe, Addis-Abebha, Dohaze i Stambulha, mugažo Mozambikadme.

HomaičendadRedaktiruida