Antananarivu
Antananarivu (malagas.: Antananarivo «tuhiden külä», franc.: Tananarive [tananaʁiv], lüh. Tana [tana]) om Madagaskaran pälidn da kaikiš suremb lidn. Se om Antananarivun agjan administrativine keskuz mugažo, otab sen koumed departamentad 19:späi.
Lidnanznam
|
Flag
|
| Valdkund | Madagaskar |
| Eläjiden lugu (2021) | 2,610,018 ristitud |
| Pind | 107 km² |
| |
| Pämez' | Naina Andriantsitohaina (viluku 2020—) |
| Telefonkod | +261−023 |
| Aigvö | UTC+3 |
Istorii
vajehtaEländpunktan aluz om pandud 17. voz'sadan augotišes Andrianzaka-kunigahal. 19. voz'sadaspäi om ühtenzoittud Madagaskar-saren pälidnaks. Vl 1896 Tananarive kändihe francižen Madagaskar-kolonijan pälidnaks. Se oli francine saren ripmatomuden sandhasai vl 1960.
Saren tegimišton, kommertižiden sauvusiden i üläopendusen aluzkundoiden tobj pala om keskitadud Antananarivus. Industrialižed sarakod oma tekstilin da nahkoiden tehmine, muilan pästand, sömtegimišt, tabakan ümbriradmine i oluden tehmine.
Geografijan andmused
vajehtaLidn sijadase Ikop-jogen (franc.: Ikopa) kukhikahil randoil, 1240..1470 m korktusil, 1276 m ü.m.t. keskmäižel korktusel, Madagaskar-saren keskuzpalan päivnouzmas. Pen' ratud Anusi-järv (franc. Lac Anosy) om lidnan suvipalas. Avtoted ühtenzoittas kaikiden agjoiden pälidnoidenke. Raudte 368 km pitte mäneb Tuamasin-merenporthasai pohjoižpäivnouzmas.
Klimat om subtropine mussonine korktoiden mägiden, subekvatorialižen röunal. Voden keskmäine lämuz om +19,6 C°, kuidme +15,6..+22,1 C° vodes läbi. Ekstremumad oma +5 C° (heinku) i +34,9 C° (kül'mku). Paneb sadegid 1171 mm vodes, enamba tal'vkus-uhokus (226..312 mm kus), kuiv sezon oleskeleb semendkus-sügüz'kus (39 mm kaikes pordos). Kun keskmäine relätivine nepsuz vajehtase 69..80 % röunoiš voden aigan.
Eläjad
vajehtaVl 2005 lidnan eläjiden lugu oli 1 613 375 ristitud, vl 2014 — 2,2 mln ristituid 88 km² pindal. Läz koumed millionad ristituid elihe ezilidnoidenke vl 2013, valdkundan kahesandez. Äjad ristitud oma ezmäižen pol'ven lidnalaižed, heiden jured oma küliš kaikedme saredme.
Üläopendusen znamasine aluzkund om Antananarivun universitet[1] (malagas.: oniversiten'Antananarivo, franc.: Université d'Antananarivo, 22,5 tuh. üläopenikoid), sen aluz om pandud vl 1961, keskiti saren kaiked üläopendust ühteks strukturaks vhesai 1988.
Edeline lidnan pämez' (mer) om Lalao Ravalomanana (reduku 2015 — viluku 2020).
Transport
vajehtaMinibusad (läz 80 maršrutad) oma kundaližeks transportaks lidnas. Päraudtestancijan nimi om Soarano.
Rahvahidenkeskeine soda- da civiline Ivatu-lendimport[2][3] (malagas.: Seranam-Piaramanidin' Ivato, franc.: Aéroport International d'Ivato, TNR / FMMI, 600 tuh. passažiroid vl 2009) sijadase 15 km lodeheze lidnan keskusespäi. Tehtas reisid Parižha, Reün'jonha i Afrikan lähižihe maihe, Stambulha, mugažo Madagaskaradme.
Sebruzlidnad
vajehta
Fontene-o-Roz, Francii (vspäi 2003)
Jerevan, Armenii (1981)
Homaičendad
vajehtaIrdkosketused
vajehta| Antananarivu Vikiaitas |
| Afrikan pälidnad | ||
| Abudž | Addis-Abeb | Akkr | Alžir-lidn | Antananarivu | Asmar | Bamako | Bangi | Banžul | Bisau | Brazzavil' | Dakar | Dodom | Džibuti-lidn | Džub | Fritaun | Gaborone | Giteg | Harare | Hartum | Jamusukro | Jaunde | Kair | Kampal | Kigali | Kinšas | Konakri | Librevil' | Lilongve | Lome | Luand | Lusak | Malabo | Maputu | Maseru | Mbabane | Mogadišo | Monrovii | Moroni | Nairobi | Ndžamen | Niamei | Nuakšot | Port Lui | Porto Novo | Prai | Pretorii | Rabat | San Tome | Tripoli | Tunis-lidn | Uagadugu | Viktorii | Vindhuk | ||