Pnompen'

Pnompen' (khmer.: ភ្នំពេញ [pʰnomˈpɨɲ] «Penin kukkaz») om Kambodžan pälidn da kaikiš suremb lidn. Se om lidn keskuzalištusenke.

Pnompen'
ភ្នំពេញ

Lidnanznam
Valdkund	Kambodž
Eläjiden lugu (2024)	2,841,553 ristitud
Pind	678,46 km²
Pämez'	Khuong Sreng (kezaku 2018—)
Telefonkod	+855-(0)23
Aigvö	UTC+7

Lidnan municipalitetan sijaduz valdkundas (2015)

Istorii

Eländpunktan aluz om pandud vl 1372. Se om nimitadud buddizman Vat Pnom-jumalankodin («pühäpert' kukhal») i lidnan legendarižen Pen'-emändan-alusenpanijan mödhe. Pnompen' oli kunigahuden pälidnaks vll 1434−1497. Kambodžan kaikenaigaine pälidn vspäi 1865.

Pnompen' šingotase tegimišton keskuseks verhiden maiden rahapanendoiden alusel, penil edheotandoil i turizmal, pälidnan funkcijoil.

Geografijan andmused

Lidn sijadase valdkundan suvipalas, Tonlesap-jogen randal, 12 m ü.m.t. keskmäižel korktusel. Sur'veziden varu oleskeleb vihmsezonan aigan.

Klimat om tropine mussonine kaks'sezonine, päivoikaz päiči vihmoiden sezonas. Kun keskmäine lämuz om +26,3..+30,2 C° vodes läbi. Ekstremumad oma +12,8 C° (viluku) i +40,5 C° (keväz'ku-semendku). Paneb sadegid 1412 mm vodes, enamba sügüz'kus (271 mm) i redukus (248 mm), vähemba tal'vkus-keväz'kus (7..35 mm kus). Kun keskmäine relätivine nepsuz vajehtase 77..84 % semendkus-kül'mkus, 71..73 % tal'vkus-sulakus.

Tobmuz

Lidnan rajonad (2021)

Pnompen' jagase 14 nimitadud rajonaks (sekcijaks, khmer.: ខណ្ឌ khan).

Lidnan municipalitetan tobmuden pä om Pnompenin gubernator (khmer.: អភិបាលរាជធានីភ្នំពេញ Apepal radždania open), valitas händast videks vodeks, kut merad-ki. Edeline lidnan gubernator om Pa Sočetvong (sulaku 2013 — kezaku 2018).

Eläjad

Vl 1970 lidnan ristitišt oli 457 tuhad eläjid. Vl 1978 lugetihe vaiše 32 tuhad ristituid Pnompeniš. Vodele 2000 lidnan eläjiden lugu ületi millionad i oli 1 284 000 ristituid. Kaik 2 129 371 eläjad oli lidnas vl 2019. Kaikiš suremb lidnan ristitišt om nügüd'.

Religijan mödhe eläjiden enamba ühesad kümnendest oma buddizman uskojad.

Transport

Avtobusad (severz'-se kompanijoid), miniavtobusad, avto- i mototaksid, pikapad oma kundaližeks transportaks lidnas, ned-žo ühtenzoittas pälidnad valdkundan kaikidenke paloidenke. Valdkundan kaikiš suremb jogiport radab lidnas. Raudteühtenzoituz radab.

Rahvahidenkeskeine soda- da civiline Pnompen' -lendimport (PNH / VDPP, 6 mln passažiroid vl 2019) sijadase seičemes kilometras päivlaskmha lidnan keskuzpalaspäi. Tehtas reisid Suvipäivnouzmaižen i Päivnouzmaižen Azijan äjihe surihe lidnoihe, mugažo Dohaze (Katar).

Galerei

• 
  Lidnan ühthine nägu (2005)
• 
  Kambodžan kunigahan pert'kulu (2010)
• 
  Valdkundaline Buddizman institut (2019)
• 
  Kambodžan universitet (2016)
• 
  Rel'sobus lendimporthasai vl 2019
• 
  Lidnan päraudtestancii vl 2018. Vattanac Capital Tower i Canadia Tower oma tagamal

Sebruzlidnad

• Vjetnam Hanoi, Vjetnam (vn 2004 keväz'kuspäi)
• Vjetnam Hošimin, Vjetnam (reduku 2004)
• Korejan Tazovaldkund Inčhon, Korejan Tazovaldkund (keväz'ku 2009)
• Vjetnam Kantho, Vjetnam (tal'vku 2006)
• Kitai Kun'min, Kitai (tal'vku 2007)
• Korejan Tazovaldkund Pusan, Korejan Tazovaldkund (kezaku 2009)
• Kitai Šanhai, Kitai (reduku 2005)
• Kitai Tän'czin', Kitai (kül'mku 2008)
• Laos V'jent'jan, Laos (reduku 2006)

Irdkosketused

• Lidnan oficialine sait (phnompenh.gov.kh). (khmer.) (angl.)