Doh (arab.: الدوحة‎ [adˈdawħa], vepsän transkripcii: ad-Davha vai ad-Dōha) om Kataran pälidn da kaikiš suremb lidn. Se om Ed Doh-municipalitetan administrativine keskuz mugažo.

Doh
الدوحة‎
(ad-Davha / ad-Dōha)
Valdkund Katar
Eläjiden lugu (2016) 1,351,000 ristitud
Pind 158,72 km²
Doh الدوحة‎ (ad-Davha / ad-Dōha)
Telefonkod +974-xxxx-xxxx
Aigvö UTC+3


Lidnan keskuzpalan nägu Man kaimdajaspäi vl 2016

Istorii vajehta

Eländpunktan aluz om pandud vl 1850 kuti Al' Bid-külä (arab. Al' Bida). Vll 1916−1971 Doh oli britanižen protektoratan administracijan keskuseks. Šingotaškanzi kivivoin löudmižsijiden otandan kävutamižhe jäl'ghe 1960-nzil vozil. Vspäi 1971 Doh om ripmatoman valdkundan pälidnaks.

Doh šingotase kivivoin i kalan ümbriradmižel. Valdkundan kivivoin i gazan päfaterad om saudud lidnas. Lidnan rahvahidenkeskeine lendimport ezitoitase järedaks aviasol'meks.

Geografijan andmused vajehta

Lidn sijadase Katar-pol'saren päivnouzmas, Persijan lahten randal, merikaras ümbri (arab. dohati «laht»), 0..15 m korktusil, 3 m ü.m.t. keskmäižel korktusel.

Klimat om kuiv räk letetazangišton. Semendkun-sügüz'kun päivän keskmäine lämuz om +32..+35 C°, tal'vkun-keväz'kun — +17..+21 C°. Paneb sadegid 75 mm vodes, ani ei olele niid kezakus-redukus (1 mm pordos).

Eläjad vajehta

Vl 2014 eläjiden lugu oli 900 545 ristitud (tegimišton zonanke). Kaikiš suremb ristitišt om nügüd', se om valdkundan eläjiden pol'. Tulijad verhiš maišpäi sündutadas vagahaižiden enamba koumed nelländest.

Ezmäine škol oli avaitud vl 1952. Doh om valdkundan üläopendusen keskuz.

Lidn vastsi vn 2006 Azijan vändoid. Moto GP-čempionatan etap oleskeleb joga vodel Losal'-avtodromal. Vl 2022 Doh linneb Mail'man futbolčempionatan vändoiden keskuseks.

Homaičendad vajehta




Azijan pälidnad
Abu Dabi | Amman | Ankar | Astan | Ašhabad | Bagdad | Baku | Bandar Seri Begavan | Bankok | Beirut | Biškek | Dakk | Damask | Dili | Doh | Džakart | Dušanbe | El' Kuveit | Hanoi | Islamabad | Jerevan | Jerusalim | Kabul | Katmandu | Kuala Lumpur | Male | Manam | Manil | Maskat | Naip'jido | Nikosii | Pekin | Phen'jan | Pnompen' | Rijad | Sanaa | Seul | Singapur | Šri Džajavardenepura Kotte | Taškent | Tbilis | Tehran | Thimphu | Tokio | Ulanbatar | Uz' Deli | V'jent'jan