Avaita pämenü


Šri Džajavardenepura Kotte (singal.: ශ්‍රී ජයවර්ධනපුර කෝට්ටේ, tamil.: ஸ்ரீ ஜயவர்த்தனபுரம் கோட்டே), vai Kotte lühüdas, om Šrilankan oficialine administrativine pälidn vspäi 1982, valdkundan parlamentan olendsija. Ekonomižen Kolombo-pälidnan päivnouzmaine ezilidn, mülüb Päivlaskmaižhe agjaha.

Šri Džajavardenepura Kotte
ශ්‍රී ජයවර්ධනපුර කෝට්ටේ (singal.)
ஸ்ரீ ஜயவர்த்தனபுரம் கோட்டே (tamil.)
Valdkund Šrilank
Eläjiden lugu (2012) 107 508 ristitud
Pind 17 km²
Šri Džajavardenepura Kotte ශ්‍රී ජයවර්ධනපුර කෝට්ටේ (singal.) ஸ்ரீ ஜயவர்த்தனபுரம் கோட்டே (tamil.)
Pämez' Madura Vithanage
(sulaku 2 018—)
Telefonkod +94-11
Aigvö UTC+5:30

IstoriiRedaktiruida

Eländpunktan aluz om pandud Kotte-lidnuses ümbri 13. voz'sadal. Vl 1391 sai Šri Džajavardenepura-titulad «ližadujan vägestusen loštai lidn». Lidn oli Kotte-car'kundan pälidnaks vll 1415−1597.

Geografijan andmusedRedaktiruida

Parlamentan kompleks om saudud Dijavanna Oja-jogen Duv-sarel (angl.: Duwa) kesked järved (angl.: Diyawanna Lake).

Klimat om ekvatorialine vihmmecoiden. Päivän keskmäine lämuz om +26..+28 C° vodes läbi. Paneb sadegid 2251 mm vodes, enamba sulakus-semendkus i redukus-kül'mkus (250..350 mm kus).

Pälidnan municipalitet jagase 18 ümbrikoks (angl.: ward).

EläjadRedaktiruida

Vl 2001 eläjiden lugu oli 115 826 ristitud. Rahvahad (2012): singalad — 84,9%, tamilad — 7,7%, larakallad — 4,8%, toižed rahvahad — 2,6%.

Šri Džajavardenepuran universitet radab lidnas.

TransportRedaktiruida

Üks'jäine raudtestancii sijadase Nugegod-rajonas. Avtostancii om saudud sil-žo rajonal. Avtobusad i venehed oma kundaližeks transportaks lidnas.

IrdkosketusedRedaktiruida