Thimphu (dzongke: ཐིམ་ཕུུུུ [tʰim˥.pʰu˥]) om Butanan pälidn da kaikiš suremb lidn. Se om ühtennimižen ümbrikon («dzonghag:an») administrativižeks keskuseks mugažo.

Thimphu
ཐིམ་ཕུུུུ
Valdkund Butan
Eläjiden lugu (2017) 114,551 ristitud
Pind 26,1 km²
Thimphu ཐིམ་ཕུུུུ
Telefonkod +975-(0)2
Aigvö UTC+6

IstoriiRedigeeri

Eländpunktan aluz om pandud 13. voz'sadal kuti Tašičo-lidnuz-jumalankodi. Thimphun agjan amuine pälidn. Vl 1955 valdkundan pälidn om sirtud sihe amuižes Punakh-lidnaspäi, oficialižešti vodele 1961. Lidnan erigoittud administracii om sätud vl 1995.

Thimphu šingotase valdkundaližil holitišil, turizmal i maižanduztorguindal.

Geografijan andmusedRedigeeri

Lidn sijadase valdkundan päivlaskmaižes palas, mägitahondas, Vang-ču-jogen randal (indine nimituz om Raidak, Brahmaputran bassein), 2248..2648 m korktusil, 2320 m ü.m.t. keskmäižel korktusel. Kunigahan Dečenčoling-pert'kulu-rezidencii om 7 km pohjoižhe lidnan keskusespäi.

Klimat om subtropine mussonine, tal'vel paneb haloid öidme. Voden keskmäine lämuz om +15 C°, kezakus-sügüz'kus +20..+22 C°, tal'vkus-uhokus +6..+8 C°. Ekstremumad oma −8 C° i +33 C°. Paneb sadegid 609 mm vodes, kuiv sezon oleskeleb kül'mkus-uhokus (20 mm pordos).

EläjadRedigeeri

Vn 2005 Butanan rahvahanlugemižen mödhe lidnan eläjiden lugu oli 79 185 ristitud. Kaikiš suremb ristitišt om nügüd'.

Eläjiden tobj pala om buddizman uskojad.

Butanan kunigazline universitet[1] (dzongke: འབྲུག་རྒྱལ་འཛིན་གཙུག་ལག་སློབ་སྡེ་; virkand: 'brug rgyal-'dzin gtsug-lag-slob-sde) om sätud vl 2003 valdkundan 11 kolledžan da institutan ühtištusel, baziruiše pälidnas.

HomaičendadRedigeeri

  1. Butanan kunigazližen universitetan sait (rub.edu.bt). (angl.)

IrdkosketusedRedigeeri



Azijan pälidnad
Abu Dabi | Amman | Ankar | Ašhabad | Bagdad | Baku | Bandar Seri Begavan | Bankok | Beirut | Biškek | Dakk | Damask | Dili | Doh | Džakart | Dušanbe | El' Kuveit | Hanoi | Islamabad | Jerevan | Jerusalim | Kabul | Katmandu | Kuala Lumpur | Male | Manam | Manil | Maskat | Naip'jido | Nikosii | Nur-Sultan | Pekin | Phen'jan | Pnompen' | Rijad | Sanaa | Seul | Singapur | Šri Džajavardenepura Kotte | Taškent | Tbilis | Tehran | Thimphu | Tokio | Ulanbatar | Uz' Deli | V'jent'jan