Thimphu

Thimphu
ཐིམ་ཕུུུུ
	Lidnanznam;
Valdkund	Butan
Eläjiden lugu (2017)	114,551 ristitud
Pind	26,1 km²
Telefonkod	+975-(0)2
Aigvö	UTC+6

Thimphu (dzongke: ཐིམ་ཕུུུུ [tʰim˥.pʰu˥]) om Butanan pälidn da kaikiš suremb lidn. Se om ühtennimižen ümbrikon («dzonghag:an») administrativižeks keskuseks mugažo, mülüb sen Čang-rajonha (gevog:ha).

Istorii

Eländpunktan aluz om pandud 13. voz'sadal kuti Tašičo-lidnuz-jumalankodi. Thimphun agjan amuine pälidn. Vl 1955 valdkundan pälidn om sirtud sihe amuižes Punakh-lidnaspäi, oficialižešti vodele 1961. Lidnan erigoittud administracii om sätud vl 1995.

Thimphu šingotase valdkundaližil holitišil, turizmal i maižanduztorguindal.

Geografijan andmused

Čang-rajonan sijaduz Thimphun ümbrikos i Butan-valdkundas vn 2017 kartal

Lidn sijadase valdkundan päivlaskmaižes palas, mägitahondas, Vang-ču-jogen randal (indine nimituz om Raidak, Brahmaputran bassein), 2248..2648 m korktusil, 2320 m ü.m.t. keskmäižel korktusel. Kunigahan Dečenčoling-pert'kulu-rezidencii om seičemes kilometras pohjoižhe lidnan keskusespäi.

Klimat om subtropine korktoiden mägiden mussonan valatoitusenke. Il'man lämuz vajehtase lujas päivesen aigan, tal'vel paneb haloid öidme. Voden keskmäine lämuz om +15,0 C°, kezakun-sügüz'kun +20,3..+21,8 C°, tal'vkun-uhokun +6,3..+8,5 C°. Ekstremumad oma −8,5 C° (viluku) i +33,0 C° (heinku). Voib panda halad redukus-sulakus. Il'man lämuz voib ületada +23 C° tal'ven miččel taht kul, +30 C° sulakus-redukus. Paneb sadegid 609 mm vodes, enamba heinkus (153 mm) i elokus (121 mm), kuiv sezon oleskeleb kül'mkus-uhokus (20 mm pordos). Kun keskmäine relätivine nepsuz vajehtase 60..64 % röunoiš uhokus-semendkus i kül'mkus-tal'vkus, 71..73 % heinkus-sügüz'kus, 67..69 % toižiš kuiš.

Eläjad

Vn 2005 Butanan rahvahanlugemižen mödhe lidnan eläjiden lugu oli 79 185 ristitud. Kaikiš suremb lidnan ristitišt om nügüd'.

Eläjiden tobj pala om buddizman uskojad.

Butanan kunigazline universitet^[1] (dzongke: འབྲུག་རྒྱལ་འཛིན་གཙུག་ལག་སློབ་སྡེ་; virkand: 'brug rgyal-'dzin gtsug-lag-slob-sde) om sätud vl 2003 valdkundan 11 kolledžan da institutan ühtištusel, baziruiše pälidnas.

Galerei

Buddizman Tašičo-dzong-jumalankodi lidnan pohjoižes, vn 2008 vilukun nägu (alusenpanend 1216)
Lidnan azjaline rajon vn 2015 sügüz'kus (Thimphu Bazar)
Butanan kunigazližen universitetan biznesopendusen Gedu-kolledž vn 2016 heinkus
Čanglimitang-stadion (reduku 2015, om saudud vl 1974)
Nacionaline läžundkodi (tal'vku 2015, Jigme Dorji Wangchuck National Referral Hospital) om lidnan viden tervhudenkaičendan aluzkundan keskes

Homaičendad

↑ Butanan kunigazližen universitetan sait (rub.edu.bt). (angl.)

Irdkosketused

Lidnan da sen ümbrikon oficialine sait (thimphu.gov.bt). (angl.)

Thimphu Vikiaitas

	Azijan pälidnad
	Abu Dabi \| Amman \| Ankar \| Astan \| Ašhabad \| Bagdad \| Baku \| Bandar Seri Begavan \| Bankok \| Beirut \| Biškek \| Dakk \| Damask \| Dili \| Doh \| Džakart \| Dušanbe \| El' Kuveit \| Hanoi \| Islamabad \| Jerevan \| Jerusalim \| Kabul \| Katmandu \| Kuala Lumpur \| Male \| Manam \| Manil \| Maskat \| Naip'jido \| Nikosii \| Pekin \| Phen'jan \| Pnompen' \| Rijad \| Sanaa \| Seul \| Singapur \| Šri Džajavardenepura Kotte \| Taškent \| Tbilis \| Tehran \| Thimphu \| Tokio \| Ulanbatar \| Uz' Deli \| V'jent'jan

[1] Butanan kunigazližen universitetan sait (rub.edu.bt). (angl.)

[1]

Lidnanznam
Valdkund	Butan
Eläjiden lugu (2017)	114,551 ristitud
Pind	26,1 km²

Telefonkod	+975-(0)2
Aigvö	UTC+6