Bagdad

Bagdad
بغداد‎
*(Baġdād)*
Valdkund	Irak
Eläjiden lugu (2016)	7,180,889 ristitud
Pind	204,2 km²
Pämez'	Zikra Al'-Višč; (2015—)
Telefonkod	+964−1
Aigvö	UTC+3

Bagdad (arab.: بغداد‎ Baġdād — «Ülähäižel anttud») om Irakan pälidn da kaikiš suremb lidn, ühtennimižen agjan pälidn mugažo. Bagdad om araban mail'man kahtenz' surtte lidn (Kairan jäl'ghe), Päivlaskmaižen Azijan kahtenz' surtte lidn (Tehranan jäl'ghe).

Lidn om valdkundan järed transporttesol'm, openduz- da kul'turkeskuz. Irakan kogosüdäiproduktan kaks' videndest tehtas Bagdadas.

Bagdad om tetab kuti «Tuha da üks' ö»-sarnan pälidn.

IstoriiRedigeeri

Lidnan aluz om pandud Tigr-jogen päivlaskmaižel randal vl 762 meiden erad heinkun 30. päiväl. Se oli pandud kuti Abbasidoiden halifatan pälidn vajehtamha Damaskad.

Vozil 2003-2011 lidn oli alištunu AÜV:oiden sodavägile.

Geografijan andmusedRedigeeri

Lidnan nägu Man kaimdajaspäi (1996).

Bagdad sijadase Irakan keskuses, Tigr-jogen molembil randoil, 34 m valdmeren pindan päl keskmäižel korktusel.

Klimat om subtropine kuiv. Vilukun kesklämuz om +10 C°, heinkus da elokus +34 C°. Paneb 122 mm sadegid vodes, ei ole sadegid kezakus-sügüz'kus. Pölü- da letetorokad («hamsin:ad») todas lodehližil tulleil semendkus-kezakus.

Lidn jagase 9 administrativižhe ümbrikho, ned alajagasoiš 89 lidnanlaptha.

EläjadRedigeeri

Islaman uskojad oma ristitišton enambuz (90%). Sunnitad oliba enambuses vhesai 2003, sid' šiitad saiba enamba oiktusid AÜV:oile alištusen aigan. Vspäi 2014 om äi pagenikoid, sidä kesken hristanuskojid, hö elädas lidnas da sen ümbrištos ILIV:an tulendan tagut valdkundan pohjoižhe.

TransportRedigeeri

Ezilidnelektrojonused da taksid oma kundaližeks transportaks lidnan südäimes. Kebn metro om sauvomas vspäi 2008.

Rahvahidenkeskeine soda- da civiline da Bagdad-lendimport (arab. مطار بغداد الدولي Matar Baġdād Ad Dovali) (BGW) sijadase 16 km päivlaskmha lidnan keskusespäi. Sišpäi tehtas passažirreisid Azijan lähižihe maihe (Turkanman da Iranan lidnad tobjimalaz), Kairha, Evropan pohjoižihe maihe da Irakadme.

SebruzlidnadRedigeeri

Bagdadal om viž sebruzlidnad:

Jordanii Amman, Jordanii (vspäi 1989)
Livan Beirut, Livan
Dubai, AÜE
Egipt Kair, Egipt
Kanad Saskatun, Saskačevan, Kanad

HomaičendadRedigeeri

IrdkosketusedRedigeeri

Bagdad Vikiaitas

	Azijan pälidnad
	Abu Dabi \| Amman \| Ankar \| Astan \| Ašhabad \| Bagdad \| Baku \| Bandar Seri Begavan \| Bankok \| Beirut \| Biškek \| Dakk \| Damask \| Dili \| Doh \| Džakart \| Dušanbe \| El' Kuveit \| Hanoi \| Islamabad \| Jerevan \| Jerusalim \| Kabul \| Katmandu \| Kuala Lumpur \| Male \| Manam \| Manil \| Maskat \| Naip'jido \| Nikosii \| Pekin \| Phen'jan \| Pnompen' \| Rijad \| Sanaa \| Seul \| Singapur \| Šri Džajavardenepura Kotte \| Taškent \| Tbilis \| Tehran \| Thimphu \| Tokio \| Ulanbatar \| Uz' Deli \| V'jent'jan