Avaita pämenü

Amman (araban kelel: عمّان Ammān) om Jordanijan pälidn da kaikiš suremb lidn. Se om mugažo Pälidnan agjan (Ammanan agj) administrativine keskuz.

Amman
عمّان (Ammān)
Flag
Amman Jordan Flag.svg
Valdkund Jordanii
Eläjiden lugu (2016) 4 007 526 ristitud
Pind 1 680 km²
Amman عمّان (Ammān)
Pämez' Jusuf Šavarbeh
(eloku 2 017—)
Telefonkod +962-6
Aigvö UTC+2


Ammanan administrativižed ümbrikod

IstoriiRedaktiruida

Amman om ristitun üks' kaikiš amuižembiš eländpunktoišpäi mail'mas. Mainitase ezmäižen kerdan 13. voz'sadal edel m.e. kuti Rabbat-Ammon. Rimalaižen imperijan aigan nimitihe Filadel'fij:aks.

Pen' lidnut šingotaškanzihe, konz Ottomanan imperijan ohjastai päti sauda «DamaskMedin»-raudted (1900−1908) vedamha hadžan palomnikoid, i se läbiti lidnad. Municipalitetan aluz om pandud vl 1909. Raudten Jordanijan pala radab nügüd'-ki.

Geografijan andmusedRedaktiruida

Lidn seižub seičemel kukhal, 700..1100 m korktusil, 773 metrad valdmeren pindan päl keskmäižel korktusel, sijadase 65 kilometrad päivnouzmpolehe Jerusalimalpäi.

Klimat om tropine kuiv. Paneb sadegid 270 mm vodes, kezakul-sügüz'kul sadegid ei oleskele ani.

Amman jagase 27 nimitadud ümbrikho.

EläjadRedaktiruida

Vl 2010 eläjiden lugu oli 2 842 629 ristitud 1 680 nellikkilometrad pindal. Kaikiš suremb ristitišt om nügüd'.

Läz pol'tošt millionad ristituid verhanmaiženke augotižlibundanke elädas lidnas vl 2015, enamba kaiked Sirijaspäi (435 tuh.), Egiptaspäi (390 tuh.) i Palestinaspäi (308 tuh.).

TransportRedaktiruida

Avtobusad, kiruhavtobusad da taksid oma kundaližeks transportaks lidnas.

Kaks' rahvahidenkeskešt aeroportad ratas lidnas. Civiline Amman-lendimport (ADJ) sijadase 3 km lidnan keskusespäi, otab čarter- da VIP-lendimid lähižiš maišpäi, kävutase enamba kuti openduzsija lendajiden täht. Sil om sodaznamoičendoid-ki. Alija-kunigaznaižen nimel nimitadud rahvahidenkeskeine lendimport (AMM) sijadase 30 km suvipolehe lidnalpäi. Se om civiline, tehtas reisid äjihe verhiže maihe.

HomaičendadRedaktiruida


IrdkosketusedRedaktiruida